ಏಕದಿನದಲ್ಲಿ ಪೃಥ್ವಿ ಶಾ ದ್ವಿಶತಕ, ಸೂರ್ಯಕುಮಾರ್ ಭರ್ಜರಿ ಶತಕ: 457 ರನ್ ಗಳಿಸಿದ ಮುಂಬೈ !

Team Udayavani, Feb 25, 2021, 1:37 PM IST

ಜೈಪುರ: ಇಲ್ಲಿನ ಸವಾಯ್ ಮಾನ್ ಸಿಂಗ್ ಸ್ಟೇಡಿಯಂನಲ್ಲಿ ಇಂದು ನಡೆದ ವಿಜಯ್ ಹಜಾರೆ ಪಂದ್ಯ ಟಿ20 ಪಂದ್ಯದಂತೆ ನಡೆಯಿತು. ಕಾರಣ ಮುಂಬೈ ಆಟಗಾರರಾದ ಪೃಥ್ವಿ ಶಾ ಮತ್ತು ಸೂರ್ಯಕುಮಾರ್ ಯಾದವ್!

ಪುದುಚೇರಿ ವಿರುದ್ಧ ನಡೆಯುತ್ತಿರುವ ಪಂದ್ಯದಲ್ಲಿ ಮುಂಬೈ ತಂಡ 50 ಓವರ್ ಗಳಲ್ಲಿ ಬರೋಬ್ಬರಿ 457 ರನ್ ಗಳಿಸಿತು. ಪೃಥ್ವಿ ಶಾ ಭರ್ಜರಿ ದ್ವಿಶತಕ ಬಾರಿಸಿದರೆ, ಸೂರ್ಯಕುಮಾರ್ ಯಾದವ್ ಶತಕ ಗಳಿಸಿದರು.

ಇದನ್ನೂ ಓದಿ:ಮೊಟೆರಾ ಸ್ಟೇಡಿಯಂ ಬಗ್ಗೆ ವಿರಾಟ್ ಕೊಹ್ಲಿ ಅಸಮಾಧಾನ!

152 ಎಸೆತ ಎದುರಿಸಿದ ಶಾ ಅಜೇಯ 227 ರನ್ ಗಳಿಸಿದರು. ಬರೋಬ್ಬರಿ 31 ಬೌಂಡರಿ ಮತ್ತು ಐದು ಸಿಕ್ಸರ್ ಗಳು ಶಾ ಬ್ಯಾಟಿಂದ ಬಂತು. ಸಿಡಿಲಬ್ಬರದ ಬ್ಯಾಟಿಂಗ್ ಪ್ರದರ್ಶಿಸಿದ ಸೂರ್ಯಕುಮಾರ್ ಯಾದವ್ ಕೇವಲ 58 ಎಸೆತಗಳಿಂದ 133 ರನ್ ಗಳಿಸಿದರು. 22 ಬೌಂಡರಿ ಮತ್ತು ನಾಲ್ಕು ಸಿಕ್ಸರ್ ಗಳನ್ನು ಸೂರ್ಯಕುಮಾರ್ ಬಾರಿಸಿದರು.

ಉಳಿದಂತೆ ಆದಿತ್ಯ ತಾರೆ 56 ರನ್ ಗಳಿಸಿದರು. ಪುದುಚೇರಿ ಪರ ಮೂವರು ಬೌಲರ್ ಗಳು 80ಕ್ಕಿಂತ ಹೆಚ್ಚು ರನ್ ಬಿಟ್ಟುಕೊಟ್ಟರು.