ಮಿಸ್ ಮೈಸೂರು ಆಗಿ ಆಯ್ಕೆಯಾದ ಚಾಮರಾಜನಗರದ ಯುವತಿ

Team Udayavani, Feb 25, 2021, 8:42 PM IST

ಚಾಮರಾಜನಗರ: ಮೈಸೂರಿನಲ್ಲಿ ನಡೆದ ಫ್ಯಾಷನ್ ಶೋನಲ್ಲಿ ಚಾಮರಾಜನಗರದ ಯುವತಿ ಬಿ. ಸ್ನೇಹಾ, ಮಿಸ್ ಮೈಸೂರು ಆಗಿ ಆಯ್ಕೆಯಾಗಿದ್ದಾರೆ.

ಮೈಸೂರಿನ ರುಚಿ ದ ಪ್ರಿನ್ಸಸ್ ನಲ್ಲಿ, ಪರ್ಪಲ್ ಫಾಕ್ಸ್ ಈವೆಂಟ್ ಆಯೋಜಿಸಿದ್ದ ವಿಂಟರ್ ಫ್ಯಾಷನ್ ಶೋ ನ ಸೀನಿಯರ್ ವಿಭಾಗದಲ್ಲಿ ಮಿಸ್ ಮೈಸೂರು ಆಗಿ ಚಾಮರಾಜನಗರದ ಬಿ. ಸ್ನೇಹಾ ವಿಜೇತರಾಗಿದ್ದಾರೆ.

ಬೆಂಗಳೂರು, ಮೈಸೂರು, ಚಾಮರಾಜನಗರ, ಮಂಡ್ಯ, ಕೊಡಗು ಜಿಲ್ಲೆ ಸೇರಿದಂತೆ ವಿವಿಧ ಜಿಲ್ಲೆಯ ಯುವತಿಯರು ಈ ಸ್ಪರ್ಧೆಯಲ್ಲಿ ಭಾಗವಹಿಸಿದ್ದರು. ನಾಲ್ಕು ಹಂತಗಳಲ್ಲಿ ಸೀನಿಯರ್ ವಿಭಾಗದ ಸ್ಪರ್ಧೆಯಿತ್ತು. ನಾಲ್ಕೂ ಸುತ್ತುಗಳಲ್ಲಿ ಉತ್ತಮ ಅಂಕಗಳನ್ನು ಗಳಿಸಿ, ಸ್ನೇಹಾ ಮಿಸ್ ಮೈಸೂರು ಟೈಟಲ್‌ಗೆ ಆಯ್ಕೆಯಾದರು. ಬೆಂಗಳೂರಿನ ನಿಖಿತಾ ರನ್ನರ್‌ ಅಪ್ ಆದರು.
ಈವೆಂಟ್‌ನಲ್ಲಿ ಎಸಿಪಿ ಸಂದೇಶ್‌ಕುಮಾರ್ ಮುಖ್ಯ ಅತಿಥಿಯಾಗಿದ್ದರು. ಮಾಡೆಲ್‌ಗಳಾದ ಜ್ಯೋತಿ, ತನುಷಾ, ವಿಜೆ ಮಿಂಚು ಜ್ಯೂರಿಗಳಾಗಿದ್ದರು.

ಇದನ್ನೂ ಓದಿ:ನಟಿ ಸನ್ನಿ ಪತಿ ಕಾರಿನ ಡುಬ್ಲಿಕೇಟ್ ನಂಬರ್ ಬಳಸಿ ಸಿಕ್ಕಿಬಿದ್ದ ಉದ್ಯಮಿ..!  

ಬಿ. ಸ್ನೇಹಾ, ಚಾಮರಾಜನಗರ ನಗರಸಭಾ ಸದಸ್ಯೆ ಮಮತಾ ಮತ್ತು ಚುಡಾ ಮಾಜಿ ಅಧ್ಯಕ್ಷ ಎಸ್. ಬಾಲಸುಬ್ರಹ್ಮಣ್ಯ ಅವರ ಪುತ್ರಿ. ಮೈಸೂರಿನ ಎನ್‌ಐಐ ಕಾಲೇಜಿನಲ್ಲಿ ದ್ವಿತೀಯ ವರ್ಷದ ಬಿಸಿಎ ವ್ಯಾಸಂಗ ಮಾಡುತ್ತಿದ್ಧಾರೆ.