ಧಾರಾವಾಹಿ ನಿರ್ಮಾಣಕ್ಕೆ ಮುಂದಾದ ಪುನೀತ್ ರಾಜಕುಮಾರ್

Team Udayavani, Mar 2, 2021, 11:55 AM IST

ಪವರ್‍ ಸ್ಟಾರ್‍ ಪುನೀತ್‍ ರಾಜಕುಮಾರ್‍ ನಟನೆಯ ಜೊತೆಗೆ ಕಿರುತೆರೆಯ ಹಲವಾರು ಕಾರ್ಯಕ್ರಮಗಳಲ್ಲಿ ಗಮನ ಸೆಳೆಯುತ್ತಾರೆ. ಈ ಹಿಂದೆ ಕನ್ನಡದ ಕೋಟ್ಯಾಧಿಪತಿ ಕಾರ್ಯಕ್ರಮದ ಮೂಲಕ ಅಪ್ಪು ಕನ್ನಡಿಗರ ಮನೆ ಮಗನಾಗಿದ್ದರು. ಇದೀಗ ಮತ್ತೆ ಕಿರುತೆರೆಗೆ ಎಂಟ್ರಿ ಕೊಡುತ್ತಿರುವುದು ಕನ್ನಡಿಗರಿಗೆ ಸಂತಸ ತಂದಿದೆ.

ಅರೇ… ಪುನೀತ್‍ ರಾಜಕುಮಾರ್‍ ಧಾರಾವಾಹಿಯಲ್ಲಿ ನಟಿಸುತ್ತಿದ್ದಾರಾ ಎಂದು ನೀವು ತಲೆ ಕೆಡಿಸಿಕೊಳ್ಳಬೇಡಿ, ಸದ್ಯ ಪುನೀತ್‍ ಕನ್ನಡದ ಧಾರಾವಹಿಯೊಂದನ್ನು ನಿರ್ಮಾಣ ಮಾಡುತ್ತಿದ್ದಾರೆ. ಆ ಧಾರಾವಾಹಿಗೆ ‘ನೇತ್ರಾವತಿ’ ಎಂದು ಟೈಟಲ್‍ ಇಡಲಾಗಿದೆಯಂತೆ.

ಈ ಧಾರಾವಾಹಿಯು ಭಕ್ತಿ ಪ್ರಧಾನವಾಗಿದ್ದು, ಹೆಸರೇ ಹೇಳುವಂತೆ ಶ್ರೀ ಮಂಜುನಾಥನ ಸುತ್ತ ಹೆಣೆದಿರುವ ಕಥೆ ಎಂಬಂತೆ ತೋರುತ್ತದೆ. ಇನ್ನು ರಾಜ್‍ ಫ್ಯಾಮಿಲಿಯ ಶಿವಣ್ಣ ಮತ್ತು ರಾಘವೇಂದ್ರ ರಾಜಕುಮಾರ್‍ ಈಗಾಗಲೇ ಹಲವು ಧಾರಾವಾಹಿಗಳನ್ನು ನಿರ್ಮಾಣ ಮಾಡಿದ್ದಾರೆ.

ಇದೀಗ ಪುನೀತ್‍ ರಾಜಕುಮಾರ್‍ ಧಾರಾವಾಹಿ ನಿರ್ಮಾಣಕ್ಕೆ ಮುಂದಾಗಿದ್ದು, ಆ ಧಾರಾವಾಹಿ ಯಾವಾಗ ಶುರುವಾಗುತ್ತೆ, ಪಾತ್ರಧಾರಿಗಳು ಯಾರೆಲ್ಲ ಇರುತ್ತಾರೆ ಎಂಬುದು ಇನ್ನಷ್ಟೇ ಗೊತ್ತಾಗಬೇಕಿದೆ.