ಲೋಕಸಭಾ, ರಾಜ್ಯಸಭಾ ಟಿವಿ ಇನ್ಮುಂದೆ “ಸಂಸದ್ ಟಿವಿ”

Team Udayavani, Mar 2, 2021, 4:32 PM IST

ನವದೆಹಲಿ : ಸಂಸತ್ತಿನ ಉಭಯ ಸದನಗಳಾದ ರಾಜ್ಯ ಸಭೆ ಮತ್ತು ಲೋಕ ಸಭೆಗಳ ಕಲಾಪವನ್ನ ಪ್ರಸಾರ ಮಾಡುತ್ತಿದ್ದ ರಾಜ್ಯಸಭಾ ಮತ್ತು ಲೋಕಸಭಾ ಟಿವಿಯನ್ನ ವಿಲೀನ ಮಾಡಿದ್ದು, ಇನ್ಮುಂದೆ ಸಂಸದ್ ಟಿವಿ ಎಂದು ಕರೆಯಲಾಗುತ್ತದೆ. ಈ ಟಿವಿಗೆ  ಐಎಎಸ್‍ ಅಧಿಕಾರಿ ರವಿ ಕಪೂರ್ ಅವರನ್ನು ಮುಖ್ಯಸ್ಥರನ್ನಾಗಿ ನೇಮಿಸಲಾಗಿದೆ.

ರಾಜ್ಯಸಭೆ ಸಭಾಪತಿ ವೆಂಕಯ್ಯ ನಾಯ್ಡು ಮತ್ತು ಲೋಕಸಭೆ ಸ್ಪೀಕರ್​ ಓಂ ಬಿರ್ಲಾ ತೀರ್ಮಾನದ ನಂತ್ರ ಆಡಳಿತಾತ್ಮಕ ಕಾರಣಗಳಿಂದಾಗಿ ಈ ನಿರ್ಧಾರಕ್ಕೆ ಬರಲಾಗಿದೆಯಂತೆ. ಅಲ್ಲದೆ ಈ ಆದೇಶವನ್ನು ಕೂಡಲೇ ಜಾರಿಗೊಳಿಸುವಂತೆ ಸೂಚನೆ ನೀಡಲಾಗಿದೆ.

ಈ ಸಂಸದ್​ ಟಿವಿಯಲ್ಲಿ ಎರಡು ಚಾನೆಲ್​ಗಳು ಇದ್ದು, ಒಂದರಲ್ಲಿ ಲೋಕಸಭೆ ಮತ್ತೊಂದರಲ್ಲಿ ರಾಜ್ಯಸಭೆ ಕಲಾಪಗಳನ್ನು ಪ್ರಸಾರ ಮಾಡಲಾಗುತ್ತದೆ. ಅಧಿವೇಶನ ಇಲ್ಲದ ಸಂದರ್ಭದಲ್ಲಿ ಸಾಮಾನ್ಯ ವಿಷಯವನ್ನು ಪ್ರಸಾರ ಮಾಡುತ್ತವೆ ಎಂದು ಮೂಲಗಳು ತಿಳಿಸಿವೆ.