ಭವಿಷ್ಯ ನಿಧಿ ಖಾತೆಯಲ್ಲಿ ರಿಲೀವಿಂಗ್‌ ದಿನಾಂಕ ಖುದ್ದಾಗಿ ಅಪ್‌ಡೇಟ್‌ ಮಾಡಿ!

Team Udayavani, Mar 8, 2021, 10:52 PM IST

ನವದೆಹಲಿ: ಉದ್ಯೋಗಿಯೊಬ್ಬ ತಾನು ಸೇವೆ ಸಲ್ಲಿಸುತ್ತಿರುವ ಕಂಪನಿಯಿಂದ ಬೇರೊಂದು ಕಂಪನಿಗೆ ವರ್ಗಾವಣೆಗೊಂಡರೆ, ತಾನು ಕೆಲಸದಿಂದ ಹೊರನಡೆದ ದಿನಾಂಕವನ್ನು ತನ್ನ ಭವಿಷ್ಯ ನಿಧಿ (ಪಿಎಫ್) ಖಾತೆಯಲ್ಲಿ ಖುದ್ದಾಗಿ ಅಪ್‌ಡೇಟ್‌ ಮಾಡುವ ಸೌಲಭ್ಯವನ್ನು ನೀಡಲಾಗಿದೆ.

ಈವರೆಗೆ, ಇದನ್ನು ಉದ್ಯೋಗಿಯ ಹಳೆಯ ಕಂಪನಿಯೇ ಅಪ್‌ಡೇಟ್‌ ಮಾಡುವುದು ಕಡ್ಡಾಯವಾಗಿತ್ತು. ಈಗ ಹಾಗಿಲ್ಲ. ಉದ್ಯೋಗಿಯು ತನ್ನ ಪಿಎಫ್ ಖಾತೆಗೆ ಲಾಗಿನ್‌ ಆಗಿ, ಆನಂತರ ಅಲ್ಲಿ “Manage’ ವಿಭಾಗದಲ್ಲಿರುವ “Mark Exit” ಎಂಬ ಆಯ್ಕೆಯನ್ನು ಕ್ಲಿಕ್‌ ಮಾಡಿ, ಅಲ್ಲಿ ಪಿಎಫ್ ಖಾತೆಯ ಸಂಖ್ಯೆಯನ್ನು ಆಯ್ಕೆ ಮಾಡಿ, ಆನಂತರ “Date of Exit’ ಹಾಗೂ ” Region of Exit’ ಆಯ್ಕೆ ಮಾಡಿಕೊಳ್ಳಬೇಕು. ಆಗ, ಪಿಎಫ್ ಖಾತೆಗೆ ಲಿಂಕ್‌ ಆಗಿರುವ ಉದ್ಯೋಗಿಯ ಆಧಾರ್‌ ಸಂಖ್ಯೆಗೆ ಲಿಂಕ್‌ ಆಗಿರುವ ಮೊಬೈಲ್‌ ಸಂಖ್ಯೆಗೆ ಒನ್‌ಟೈಂ ಪಾಸ್‌ವರ್ಡ್‌ (ಒಟಿಪಿ) ಬರುತ್ತದೆ. ಅದನ್ನು ಬಳಸಿಕೊಂಡು ಅಪ್‌ಡೇಟ್‌ ಮಾಡಬಹುದು.