ಈ ಗ್ರಾಮದಲ್ಲಿ ಜೀನ್ಸ್-ಶಾರ್ಟ್ಸ್ ನಿಷೇಧ: ನಿರ್ಬಂಧ ಉಲ್ಲಂಘಿಸಿದ್ರೆ ಬಹಿಷ್ಕಾರದ ಶಿಕ್ಷೆ!

Team Udayavani, Mar 10, 2021, 5:59 PM IST

ಮುಜಫರ್ ನಗರ : ಉತ್ತರ ಪ್ರದೇಶದ ಮುಜಫರ್ ನಗರ ಜಿಲ್ಲೆಯ ಪಿಪಲ್ಶಾ ಗ್ರಾಮದಲ್ಲಿ ಜಿನ್ಸ್ ಹಾಗೂ ಶಾರ್ಟ್‍ಗಳ ಮೇಲೆ ನಿರ್ಬಂಧ ಹೇರಲಾಗಿದೆ. ಈ ಗ್ರಾಮದಲ್ಲಿ ಹುಡುಗಿಯರು ಜೀನ್ಸ್ ಫ್ಯಾಂಟ್ ಹಾಗೂ ಹುಡುಗರು ಶಾರ್ಟ್ಸ್ ಧರಿಸುವಂತಿಲ್ಲ. ಒಂದು ವೇಳೆ ಈ ನಿಮಯ ಉಲ್ಲಂಘಿಸಿದರೆ ಬಹಿಷ್ಕಾರದ ಶಿಕ್ಷೆ ವಿಧಿಸಲಾಗುತ್ತದೆ.

ಚರ್ತವಾಲಾ ಪೊಲೀಸ್ ಠಾಣಾ ವ್ಯಾಪ್ತಿಗೆ ಸೇರಿದ ಪಿಪಲ್ಶಾ ಗ್ರಾಮದಲ್ಲಿ ಹೆಚ್ಚಾಗಿ ರಜಪೂತ ಸಮುದಾಯ ನೆಲೆಸಿದೆ. ಇತ್ತೀಚಿಗೆ ಇಲ್ಲಿಯ ಪಂಚಾಯಿತಿ ಹೊಸ ಕಟ್ಟಳೆಯೊಂದನ್ನು ಜಾರಿಗೆ ತಂದಿದೆ. ಗ್ರಾಮದಲ್ಲಿ ಹುಡುಗಿಯರು ಜೀನ್ಸ್ ಹಾಗೂ ಹುಡುಗರು ಶಾರ್ಟ್ಸ್ ಧರಿಸದಂತೆ ನಿರ್ಬಂಧ ಹೇರಿದೆ.

ಜೀನ್ಸ್ ಹಾಗೂ ಶಾರ್ಟ್ಸ್ ಪಾಶ್ಚಾತ್ಯ ಶೈಲಿ. ಇವು ನಮ್ಮ ಸಂಪ್ರದಾಯಕ್ಕೆ ವಿರೋಧಿ. ಈ ಹಿನ್ನೆಲೆ ಎಲ್ಲರೂ ಸಾಂಪ್ರದಾಯಿಕ ಉಡುಗೆ ಧರಿಸುವಂತೆ ಪಂಚಾಯತ್ ಮುಖ್ಯಸ್ಥರಲ್ಲೊಬ್ಬರಾದ ಪುರಾನ್ ಸಿಂಗ್ ಆದೇಶ ಹೊರಡಿಸಿದ್ದಾರೆ. ಒಂದು ವೇಳೆ ಈ ನಿಯಮ ಉಲ್ಲಂಘಿಸಿದರೆ, ಅಂತವರ ವಿರುದ್ಧ ಕಠಿಣ ಕ್ರಮ ಕೈಗೊಂಡು, ಸಮುದಾಯದಿಂದ ಬಹಿಷ್ಕಾರ ಹಾಕಲಾಗುವುದು ಎಂದು ಎಚ್ಚರಿಕೆ ನೀಡಿದ್ದಾರೆ.