ಆಂಧ್ರ ಸ್ಥಳೀಯ ಚುನಾವಣೆ: ವೈಎಸ್‌ಆರ್‌ ಪಾರ್ಟಿ ಭರ್ಜರಿ ವಿಜಯ

Team Udayavani, Mar 14, 2021, 9:35 PM IST

ಅಮರಾವತಿ: ಆಂಧ್ರಪ್ರದೇಶದ ಸ್ಥಳೀಯ ಸಂಸ್ಥೆಗಳಿಗೆ ಇತ್ತೀಚೆಗೆ ನಡೆದ ಚುನಾವಣೆಯ ಫ‌ಲಿತಾಂಶ ಭಾನುವಾರ ಹೊರಬಿದ್ದಿದ್ದು ಆಡಳಿತಾರೂಢ ವೈಎಸ್‌ಆರ್‌ ಕಾಂಗ್ರೆಸ್‌ ಪಕ್ಷ ಪ್ರಚಂಡ ಜಯಭೇರಿ ಬಾರಿಸಿದೆ.

ಎಲ್ಲಾ 11 ನಗರಸಭೆಗಳನ್ನು ಗೆದ್ದಿರುವ ಪಕ್ಷ, 71 ಪಟ್ಟಣ ಪಂಚಾಯ್ತಿಗಳಲ್ಲಿ 69ರಲ್ಲಿ ಅಧಿಕಾರ ಗದ್ದುಗೆಯೇರುವಲ್ಲಿ ಸಫ‌ಲವಾಗಿದೆ. ಅದರಲ್ಲೂ ವಿಶೇಷವಾಗಿ, ಪ್ರಮುಖ ನಗರಗಳಾದ ವಿಶಾಖಪಟ್ಟಣಂ, ವಿಜಯವಾಡ, ಗುಂಟೂರು ನಗರಗಳಲ್ಲಿ ಅಧಿಕಾರಕ್ಕೆ ಬಂದಿರುವುದು ಪ್ರಮುಖ ವಿಪಕ್ಷವಾದ ತೆಲುಗುದೇಶಂ ಪಾರ್ಟಿಗೆ (ಟಿಡಿಪಿ) ತೀವ್ರ ಮುಖಭಂಗವಾಗಿದೆ.

ತಾಡಪತ್ರಿ ಹಾಗೂ ಮೈಡುಕೂರ್‌ ನಗರಸಭೆಗಳಲ್ಲಿ ಅತಂತ್ರ ಸ್ಥಿತಿ ಉಂಟಾಗಿದೆ. ಅಲ್ಲಿ ಟಿಡಿಪಿ ಉತ್ತಮ ಸ್ಥಾನ ಗಳಿಸಿದ್ದರೂ, ಎರಡನೇ ಗರಿಷ್ಠ ಸ್ಥಾನ ಹೊಂದಿರುವ ವೈಎಸ್‌ಆರ್‌ ಪಕ್ಷವೇ ಇತರ ಸದಸ್ಯರ ಬೆಂಬಲದೊಂದಿಗೆ ಅಧಿಕಾರಕ್ಕೇರುವ ಸಾಧ್ಯತೆಗಳು ದಟ್ಟವಾಗಿವೆ. ಅದು ಸಾಧ್ಯವಾದರೆ, ಆಂಧ್ರದ ಎಲ್ಲಾ ನಗರಸಭೆಗಳಲ್ಲಿ ಟಿಡಿಪಿ ಅಧಿಕಾರದಿಂದ ದೂರ ಉಳಿಯಬೇಕಾಗುತ್ತದೆ.

ಇದನ್ನೂ ಓದಿ :ಸಿದ್ದರಾಮಯ್ಯ ಸದನದಲ್ಲಿ ಸಿಡಿ ಬಗ್ಗೆ ಪ್ರಸ್ತಾಪಿಸಿದರೆ ಸ್ವಾಗತ: ಸಿಎಂ