ನಿಮ್ಮ ಗ್ರಹಬಲ: ಈ ರಾಶಿಯವರಿಗೆ ಗೃಹ ನಿರ್ಮಾಣ ಯಾ ನಿವೇಶನ ಖರೀದಿಯ ಕೆಲಸಗಳು ನಡೆಯಲಿದೆ

Team Udayavani, Mar 18, 2021, 7:47 AM IST

18-03-2021

ಮೇಷ: ಕಾರ್ಯರಂಗದಲ್ಲಿ ನಾನಾ ರೀತಿಯ ಉತ್ಸಾಹದ ಚಟುವಟಿಕೆಗಳು ಗೋಚರಕ್ಕೆ ಬರುತ್ತದೆ. ಆರ್ಥಿಕವಾಗಿ ಆದಾಯ ವರ್ಧನೆಗೆ ಹಾಗೂ ಸಾಮಾಜಿಕವಾಗಿ ಕೀರ್ತಿವೃದ್ಧಿಗೂ ಅವಕಾಶಗಳು ಒದಗಿ ಬಂದೀತು. ಶುಭವಿದೆ.

ವೃಷಭ: ಗೃಹದಲ್ಲಿ ಶುಭಮಂಗಲ, ದೇವತಾ ಕಾರ್ಯಗಳ ಸಂಭ್ರಮವಿದೆ. ಬಂಧುಮಿತ್ರ, ಬಂಧು-ಬಳಗದವರ ಸಮಾಗಮದಿಂದ ತುಂಬಾ ಸಂತೋಷವಾದೀತು. ಸಾಮಾಜಿಕವಾಗಿ ಗೌರವ, ಸಮ್ಮಾನಗಳು ಒದಗಿಬಂದೀತು.

ಮಿಥುನ: ಭೂ ಖರೀದಿ, ವಾಹನ ಖರೀದಿಗಾಗಿ ಧನವ್ಯಯ ವಾದರೂ ಹಬ್ಬದ ವಾತಾವರಣವಿರುತ್ತದೆ. ಸಾಂಸಾರಿಕವಾಗಿ ಧರ್ಮಪತ್ನಿಯ ಸಹಕಾರವಿದ್ದರೂ ಆಗಾಗ ಗೃಹದಲ್ಲಿ ನೆಮ್ಮದಿ ಕಲಕಿ ಹೋಗಲಿದೆ. ತಾಳ್ಮೆ ಮುಖ್ಯವಾಗಿದೆ.

ಕರ್ಕ: ಉದ್ಯೋಗಿಗಳಿಗೆ ಅನಿರೀಕ್ಷಿತ ಉದ್ಯೋಗ ಬದಲಾವಣೆ ಯಾ ದೂರಕ್ಕೆ ವರ್ಗಾವಣೆಯ ಸಾಧ್ಯತೆ ತೋರಿ ಬರುವುದು. ಮುಖ್ಯವಾಗಿ ಆರ್ಥಿಕ ಸ್ಥಿತಿಯಲ್ಲಿ ಆದಾಯ ವೃದ್ಧಿಯೂ, ವ್ಯಯಾಧಿಕ್ಯವೂ ಸಮತೋಲನ ಸಾಧಿಸೀತು.

ಸಿಂಹ: ಸಂಚಾರದಲ್ಲಿ ಅತೀ ಜಾಗ್ರತೆ ಮಾಡತಕ್ಕದು, ಯಾವುದಕ್ಕೂ ದೂರಾಲೋಚನೆಯಿಂದ ಕಾರ್ಯತಂತ್ರ ವನ್ನು ರೂಪಿಸಿರಿ. ವ್ಯಾಪಾರ, ವ್ಯವಹಾರಗಳಲ್ಲಿ ಕೊಂಚ ಉತ್ತೇಜನ ತೋರಿಬಂದರೂ ಅಷ್ಟೇ ಖರ್ಚು ಬರುವುದು.

ಕನ್ಯಾ: ಆಭರಣ ಹಾಗೂ ನೂತನ ವಸ್ತ್ರಾದಿಗಳ ಖರೀದಿಯ ಯೋಗ ಕಂಡುಬಂದು ಅದಕ್ಕಾಗಿ ಖರ್ಚು ಬಂದೀತು. ಗೃಹದಲ್ಲಿ ಪತ್ನಿ ಮಕ್ಕಳಿಂದ ಸಮಾಧಾನ ದೊರಕುವುದು. ಮಾತಾಪಿತೃಗಳ ಕಿರಿಕಿರಿಯು ನೆಮ್ಮದಿ ಕೆಡಿಸಲಿದೆ.

ತುಲಾ: ದೂರ ಸಂಚಾರದಿಂದ ಕಾರ್ಯಾನುಕೂಲವಾದರೂ ದೇಹಾರೋಗ್ಯದ ಮೇಲೆ ಪರಿಣಾಮ ಬೀರಲಿದೆ. ಸಾಂಸಾರಿಕ ವಾಗಿ ಮಹಿಳೆಯರು ಅನಾವಶ್ಯಕವಾಗಿ ಋಣಾತ್ಮಕ ಚಿಂತೆಗಳಿಗೆ ಗುರಿಯಾಗಲಿದ್ದಾರೆ. ಶುಭವಿದೆ.

ವೃಶ್ಚಿಕ: ನಿಮಗೆ ಬಹುಪಾಲು ಸುಖದ ಅನುಭವವಾಗಲಿದೆ. ವೃತ್ತಿ ನಿರತರಿಗೆ ನಾನಾ ರೀತಿಯ ಅವಕಾಶ ಗಳು ನಿರುದ್ಯೋಗಿಗಳು ಉದ್ಯೋಗ ಲಾಭವನ್ನು ಹೊಂದಲಿದ್ದಾರೆ. ಗೃಹೋಪಕರಣ, ಅಲಂಕಾರಿಕ ವಸ್ತುಗಳ ಖರೀದಿ ಇದೆ.

ಧನು: ಕಾರ್ಯರಂಗದಲ್ಲಿ ನಿಮ್ಮ ವರ್ಚಸ್ಸು ಹೆಚ್ಚಲಿದೆ. ಹಾಗೇ ವಿದ್ಯಾರ್ಥಿ ಜೀವನ ಸಾಫ‌ಲ್ಯವನ್ನು ಹೊಂದಲಿದೆ. ಕೋರ್ಟು ವಿವಾದಗಳು ನಿಮ್ಮ ಪರವಾಗಿ ತೀರ್ಮಾನವಾದಾವು. ಸಾಂಸಾರಿಕ ಜೀವನದಲ್ಲಿ ನೆಮ್ಮದಿ.

ಮಕರ: ಸ್ವಲ್ಪ ಎಚ್ಚರಿಕೆ, ತಾಳ್ಮೆ ಸಮಾಧಾನದಿಂದ ನಡೆದರೆ ಎಲ್ಲವನ್ನೂ ಸುಧಾರಿಸಿಕೊಂಡು ಹೋಗಬಹುದಾಗಿದೆ. ಗೃಹ ನಿರ್ಮಾಣ ಯಾ ನಿವೇಶನ ಖರೀದಿಯ ಕೆಲಸಗಳು ನಡೆಯಲಿದೆ. ನಿಮ್ಮ ಪ್ರಭಾವ ಇತರರ ಮೇಲೆ ಬೀಳಲಿದೆ.

ಕುಂಭ: ಕಾರ್ಯರಂಗದಲ್ಲಿ ಪದೇ ಪದೇ ಉಪದ್ರವವು ಕಂಡುಬಂದು ಬೇಸರವಾಗಲಿದೆ. ಸಾಮಾಜಿಕ, ಧಾರ್ಮಿಕ ಮನೋಭಾವನೆಯನ್ನು ಬೆಳೆಸಿಕೊಳ್ಳಿರಿ. ಮನಸ್ಸು ನಿಮ್ಮನ್ನು ಹಿಂಬಾಲಿಸುವುದು. ಕಾರ್ಯಪ್ರವೃತ್ತರಾಗಿರಿ.

ಮೀನ: ಹೊಸ ಸದಸ್ಯರ ಆಗಮನ ನವದಂಪತಿಗಳಿಗೆ ಸೂಚನೆ ಕೊಡುತ್ತದೆ. ಆರೋಗ್ಯದ ಬಗ್ಗೆ ಆಗಾಗ ಕೊರತೆ ಕಾಣಿಸಿದರೂ ದೈವಾನುಗ್ರಹದಿಂದ ನಿವಾರಣೆಯಾಗುತ್ತದೆ. ಉದ್ಯೋಗಿಗಳಿಗೆ ಅಭಿವೃದ್ಧಿ ಇದೆ.

ಎನ್.ಎಸ್. ಭಟ್‌