ಮದ್ಯ ಸಾಗಿಸಲು ಮಾಡಿದ ಈ ಪ್ಲಾನ್ ನೋಡಿ : ಹುಬ್ಬೇರುವುದು ಗ್ಯಾರಂಟಿ..!

Team Udayavani, Mar 22, 2021, 2:30 PM IST

ನವದೆಹಲಿ : ಇತ್ತೀಚೆಗೆ ಜನರು ಎಷ್ಟು ಬುದ್ಧಿವಂತರಾಗುತ್ತಿದ್ದಾರೆ ಅಂದ್ರೆ ಆ ಬುದ್ದಿಯನ್ನು ಒಳ್ಳೆಯ ಕೆಲಸಕ್ಕೆ ಬಳಸಿಕೊಂಡ್ರೆ ಎಷ್ಟು ಚೆನ್ನಾಗಿರುತ್ತದೆ ಅಲ್ವಾ ಎಂಬ ಪ್ರಶ್ನೆ ಮೂಡುತ್ತದೆ. ಇಲ್ಲಿ ಕೆಲವರು ಸೇರಿಕೊಂಡು ಅಕ್ರಮವಾಗಿ ಮದ್ಯ ಸಾಗಿಸಲು ಎಂತಹ ಪ್ಲಾನ್ ಮಾಡಿದ್ದಾರೆ ಅಂದ್ರೆ ನೋಡಿದವರು ಬಾಯಿ ಮೇಲೆ ಬೆರಳು ಇಟ್ಟುಕೊಳ್ಳುವುದಂತೂ ನಿಜ. ಹಾಗಾದ್ರೆ ಅವರು ಏನು ಮಾಡಿದ್ರಪ್ಪಾ ಅಂದ್ರಾ..? ಮುಂದೆ ಓದಿ.

ಮಿನಿ ಟ್ರಕ್ ಒಂದರ ಒಳಗಡೆ ಯಾರಿಗೂ ಗೊತ್ತಾಗದ ರೀತಿಯಲ್ಲಿ ಜಾಗ ಮಾಡಿ, ಅದ್ರಲ್ಲಿ ಮದ್ಯವನ್ನು ಇಟ್ಟು ಸಾಗಿಸುತ್ತಿದ್ದವರು ಪೊಲೀಸರಿಗೆ ಸಿಕ್ಕಿ ಬಿದ್ದಿದ್ದಾರೆ. ಆರೋಪಿಗಳ ಈ ಚಾಲಾಕಿ ಐಡಿಯಾ ಸೋಷಿಯಲ್ ಮೀಡಿಯಾದಲ್ಲಿ ಸದ್ದು ಮಾಡುತ್ತಿದೆ. ಇಷ್ಟೇ ಅಲ್ಲ ಈ ವಿಡಿಯೋವನ್ನು ಸ್ವತಃ ಮಹೀಂದ್ರ ಮಾಲೀಕ ಆನಂದ್ ಮಹೀಂದ್ರ ಟ್ವೀಟ್ ಮಾಡಿದ್ದಾರೆ.

ವಿಡಿಯೋ ಶೇರ್ ಮಾಡಿರುವ ಆನಂದ್ ಮಹೀಂದ್ರ, ಡಯಾಬೊಲಿಕ್ ಬುದ್ಧಿವಂತ. ಇಂತಹ ವಾಹನಗಳನ್ನು ನಾವು ತಯಾರು ಮಾಡುವುದಿಲ್ಲ. ಈ ರೀತಿಯ ಆವಿಷ್ಕಾರವು ನಮ್ಮ ಸಂಶೋಧನಾ ಕೇಂದ್ರದಲ್ಲಿನ ಪಿಕಪ್ ಟ್ರಕ್ ಉತ್ಪನ್ನ ಅಭಿವೃದ್ಧಿ ತಂಡದ ವಿನ್ಯಾಸದ ಭಾಗವಲ್ಲ ಎಂದು ನಾನು ನಿಮಗೆ ಭರವಸೆ ನೀಡುತ್ತೇನೆ ಎಂದಿದ್ದಾರೆ.

Diabolically clever. Gives a whole new meaning to the word ‘Payload!’ But I assure you this kind of innovation was not part of the design brief for the pickup truck Product Development team at our research centre, nor will it EVER be! ? pic.twitter.com/JMqZN0VDAx

— anand mahindra (@anandmahindra) March 19, 2021

ಕೆಲವರು ಈ ವಿಡಿಯೋ ನೋಡಿ ಟ್ವೀಟ್ ಮಾಡಿದ್ದು, ಒಳ್ಳೆಯ ಕೆಲಸಗಳಿಗೆ ಇಂತಹ ಐಡಿಯಾಗಳನ್ನು ಬಳಕೆ ಮಾಡಿದರೆ ಒಳ್ಳೆಯದು ಎಂದಿದ್ದಾರೆ. ಏನೇ ಇರಲಿ, ಮಿನಿ ಟ್ರಕ್ ಅನ್ನು ಈ ರೀತಿ ಮದ್ಯ ಸಾಗಿಸಲು ಬಳಸಿಕೊಂಡಿರುವ ಪ್ಲಾನ್ ಎಂತವರನ್ನೂ ಆಶ್ಚರ್ಯ ಪಡುವಂತೆ ಮಾಡುತ್ತದೆ.