ಸುಯೆಜ್‌ ಕಾಲುವೆಯಲ್ಲಿ ಸಿಲುಕಿದ ಬೃಹತ್‌ ಸರಕು ನೌಕೆ; ಸಂಚಾರ ಸ್ತಬ್ಧ

Team Udayavani, Mar 24, 2021, 8:00 PM IST

ದುಬೈ: ಆಫ್ರಿಕಾ ಭೂಖಂಡವನ್ನು ಸಿನಾಯಿ ಪರ್ಯಾಯದ್ವೀಪದಿಂದ ಪ್ರತ್ಯೇಕಿಸುವಂಥ ಕಿರಿದಾದ ಮಾನವ ನಿರ್ಮಿತ ಕಾಲುವೆಯೊಂದರಲ್ಲಿ ಬೃಹತ್‌ ಸರಕು ಸಾಗಣೆ ನೌಕೆಯೊಂದು ಸಿಲುಕಿಕೊಂಡಿದ್ದು, ಈಜಿಪ್ಟ್ ಸುಯೆಜ್‌ ಕಾಲುವೆಯಲ್ಲಿ ಹಡಗುಗಳ ಸಂಚಾರವನ್ನೇ ಸ್ತಬ್ಧಗೊಳಿಸಿದೆ. ಈಗಾಗಲೇ ಕೊರೊನಾ ಸೋಂಕಿನಿಂದಾಗಿ ಅಲ್ಲೋಲಕಲ್ಲೋಲವಾಗಿರುವ ಜಾಗತಿಕ ಶಿಪ್ಪಿಂಗ್‌ ವ್ಯವಸ್ಥೆಗೆ ಈ ಘಟನೆಯು ಮತ್ತಷ್ಟು ಆಘಾತ ತಂದೊಡ್ಡಿದೆ.

ಪನಾಮಾದಿಂದ ಆಗಮಿಸಿದ ಎಂವಿ ಎವರ್‌ ಗಿವನ್‌ ಎಂಬ ಬೃಹತ್‌ ಸರಕು ನೌಕೆಯು ಏಷ್ಯಾ ಮತ್ತು ಯುರೋಪ್‌ ನಡುವೆ ವ್ಯಾಪಾರದ ಸರಕುಗಳನ್ನು ಒಯ್ಯುತ್ತಿತ್ತು. ಏಕಾಏಕಿ ನೌಕೆಯು ಕಾಲುವೆಯ ಒಂದು ಬದಿಗೆ ಸರಿದು, ದುರಸ್ತಿಗೀಡಾಗಿದೆ. ಈ ಘಟನೆಗೆ ನಿಖರ ಕಾರಣವೇನೆಂದು ತಿಳಿದುಬಂದಿಲ್ಲ.

ಆದರೆ, ನೌಕೆಯು ಕೆಂಪು ಸಮುದ್ರದಿಂದ ಸುಯೆಜ್‌ ಕಾಲುವೆ ಪ್ರವೇಶಿಸುತ್ತಿದ್ದಂತೆ ಜೋರಾಗಿ ಬೀಸಿದ ಬಿರುಗಾಳಿಯೇ ಘಟನೆಗೆ ಕಾರಣ ಎಂದು ಮೂಲಗಳು ತಿಳಿಸಿವೆ.

ಇದನ್ನೂ ಓದಿ :ಗುಯಾನಾದಿಂದ ಭಾರತಕ್ಕೆ ತೈಲ ಹೊತ್ತ ನೌಕೆಯ ಪಯಣ! ಹೊಸ ತೈಲ ಉತ್ಪಾದಕ ದೇಶದಿಂದ ತೈಲ ಖರೀದಿ