ನಿತ್ಯಭವಿಷ್ಯ: ಈ ರಾಶಿಯವರಿಗೆ ಶತ್ರುಗಳೇ ಅಚ್ಚರಿಗೊಳ್ಳುವಂತೆ ಯಶಸ್ಸು ಸಿಗಲಿದೆ !

Team Udayavani, Mar 31, 2021, 7:42 AM IST

ಮೇಷ: ರಾಜಕೀಯದಲ್ಲಿ ನಿಮ್ಮ ಪರಿಶ್ರಮವು ಸಾರ್ಥಕವಾಗಲಿದೆ. ಚಿತ್ರಕಲೆ, ಶಿಲ್ಪ, ಸಂಗೀತ ಇತ್ಯಾದಿಗಳಲ್ಲಿ ಕೀರ್ತಿ ಗಳಿಸುವ ಕಾಲವಿದು. ಗೃಹ ನಿವೇಶನಗಳ ವ್ಯಾಪಾರವು ಕುದುರೀತು. ಹೊಸ ಉದ್ಯೋಗದ ಪ್ರಾರಂಭವನ್ನು ಸದ್ಯ ಮಾಡದಿರಿ.

ವೃಷಭ: ವಿದ್ಯಾರ್ಥಿಗಳಿಗೆ ವಿದೇಶ ಯಾನದ ಕುರುಹು ಕಂಡುಬರಲಿದೆ. ಹೆಚ್ಚಿನ ವಿದ್ಯಾಭ್ಯಾಸಕ್ಕೆ ಸ್ವಲ್ಪ ಕಠಿಣ ಪರಿಶ್ರಮದ ಅಗತ್ಯವಿದೆ. ಮಹಿಳೆಯರಿಗೆ ತಾಳ್ಮೆ ಸಮಾಧಾನದ ಅಗತ್ಯ ಕಂಡುಬರುವುದು. ವಾಹನ, ಆರೋಗ್ಯದ ಬಗ್ಗೆ ಎಚ್ಚರವಿರಲಿ.

ಮಿಥುನ: ತಂದೆ ಮಕ್ಕಳೊಳಗೆ ಭಿನ್ನಾಭಿಪ್ರಾಯದ ಸಾಧ್ಯತೆ ಕಂಡುಬರುವುದು. ಜೀವನದಲ್ಲಿ ಉತ್ಕಟವಾದ ಇಚ್ಛೆ , ಸೂಕ್ಷ್ಮವಾದ ಬುದ್ಧಿ ಬಲ, ವಾಕ್ಚಾತುರ್ಯದಿಂದ ನಿಮಗೆ ಮುನ್ನಡೆ ಸಿಗಲಿದೆ. ಆಗಾಗ ಪ್ರತಿಕೂಲ ಫ‌ಲಗಳು ಅನುಭವಕ್ಕೆ ಬರಲಿದೆ.

ಕರ್ಕ: ಆಗಾಗ ದ್ವಂದ್ವ ಸ್ವಭಾವವು ಕಾಡಲಿದ್ದು ಮುನ್ನಡೆಗೆ ವಿಳಂಬವಾದೀತು. ಚಿಂತಿತ ಕೆಲಸ ಕಾರ್ಯಗಳು ಕಾರ್ಯರೂಪಕ್ಕೆ ಬಂದರೂ ಅಡೆತಡೆಗಳು ಎದುರಾದಾವು. ಸಾಂಸಾರಿಕವಾಗಿ ಆರೋಗ್ಯದ ಬಗ್ಗೆ ವಿಶೇಷ ಗಮನವಿರಲಿ.

ಸಿಂಹ: ವಿದ್ಯಾರ್ಥಿಗಳಿಗೆ ವಿದ್ಯಾರ್ಜನೆಯಲ್ಲಿ ಉದಾಸೀನತೆ ಕಾಡಲಿದೆ. ಸಂಚಾರದಲ್ಲಿ ಆಕಸ್ಮಿಕ ಅವಘಡಗಳ ಸಾಧ್ಯತೆ ಕಂಡು ಬಂದೀತು. ವ್ಯಾಪಾರ, ವ್ಯವಹಾರದಲ್ಲಿ ಸ್ಪರ್ಧಾತ್ಮಕ ಮನೋಭಾವದಿಂದ ಶತ್ರುಗಳ ಕಾಟ ಅನುಭವಿಸುವಂತಾದೀತು. ಶುಭವಿದೆ.

ಕನ್ಯಾ: ಸರಕಾರೀ ಅಧಿಕಾರಿಗಳಿಂದ ಭೀತಿ ಭಾದೆ ಕಂಡುಬರಲಿದೆ. ವ್ಯಾಪಾರ, ವ್ಯವಹಾರದಲ್ಲಿ ಮೋಸ ವಂಚನೆ, ತೆರಿಗೆ ಅಧಿಕಾರಿಗಳ ಕೆಂಗಣ್ಣು ಕಂಡುಬರಲಿದೆ. ಸಾಹಿತಿ, ಕಲಾವಿದರಿಗೆ ಸಿನೆಮಾ ಪ್ರಪಂಚದವರಿಗೆ ಶ್ರಮಕ್ಕೆ ತಕ್ಕ ಫ‌ಲ ದೊರೆಯದು.

ತುಲಾ: ನಿರುದ್ಯೋಗಿಗಳು ಬಂದ ಅವಕಾಶವನ್ನು ಕಳೆದುಕೊಳ್ಳುವ ಸಾಧ್ಯತೆ ಇರುತ್ತದೆ. ದೂರಸಂಚಾರದಲ್ಲಿ ಆದಷ್ಟು ಜಾಗ್ರತೆ ವಹಿಸುವುದು ಉತ್ತಮ. ಪಾಲು ಬಂಡವಾಳದಲ್ಲಿ ನಿರೀಕ್ಷಿತ ಲಾಭವಿರದು. ಸಂಚಾರದಲ್ಲಿ ಅವಘಡದ ಸಾಧ್ಯತೆ ಇರುತ್ತದೆ.

ವೃಶ್ಚಿಕ: ಆರ್ಥಿಕವಾಗಿ ಧನಾರ್ಜನೆಯ ಮಾರ್ಗದಲ್ಲಿ ಹಲವಾರು ಅಡಚಣೆಗಳು ಕಂಡುಬರಲಿದೆ. ಅಭಿವೃದ್ಧಿಯು ಸ್ವಲ್ಪ ನಿಧಾನವಾಗಿ ಅನುಭವಕ್ಕೆ ಬರಲಿದೆ. ತಾತ್ಕಾಲಿಕ ಹುದ್ದೆಯವರಿಗೆ ಉದ್ಯೋಗದಲ್ಲಿ ಭಡ್ತಿ ಕಂಡುಬಂದೀತು. ಮುನ್ನಡೆಯಿರಿ.

ಧನು: ಗೃಹ ನಿರ್ಮಾಣ ಕಾರ್ಯ, ಭೂಖರೀದಿಯು ಸುಲಭ ರೂಪದಲ್ಲಿ ಕೈಗೂಡಲಿದೆ. ಮುಖ್ಯವಾಗಿ ಸಾಂಸಾರಿಕ ಹೊಂದಾಣಿಕೆ ಅತೀ ಅಗತ್ಯವಿದೆ. ಒಮ್ಮೆಮ್ಮೊ ಶತ್ರುಗಳೇ ಅಚ್ಚರಿಗೊಳ್ಳುವಂತೆ ನಿಮಗೆ ಯಶಸ್ಸು ಒಲಿದು ಬಂದೀತು. ಉತ್ತಮ ಕಾಲ.

ಮಕರ: ಆತ್ಮೀಯ ಗೆಳೆಯರು ನಿಮ್ಮ ಮುನ್ನಡೆಗೆ ಅನುಕೂಲರಾದಾರು. ಕಾರ್ಯಕ್ಷೇತ್ರ ಹಾಗೂ ಸಾಮಾಜಿಕ ಜೀವನದಲ್ಲಿ ಯೋಗ್ಯ ಪುರಸ್ಕಾರವು ಲಭಿಸಲಿದೆ. ಧರ್ಮಕಾರ್ಯಗಳು ನಿಮ್ಮಿಂದ ನೆರವೇರಲಿದೆ. ಪುಣ್ಯ ಸಂಪಾದನೆಗೆ ಅವಕಾಶವಿದೆ.

ಕುಂಭ: ಸದಾ ಚಂಚಲ, ಉದ್ವೇಗ ಪ್ರವೃತ್ತಿಯವರಾದ ನೀವು ನಿಧಾನವಾಗಿ ಮುಂದುವರಿದರೆ ಕಾರ್ಯಗಳು ಕೈಗೂಡಲಿದೆ. ಬಂದ ಅವಕಾಶದಲ್ಲಿ ಸಂತೃಪ್ತಿಗೊಂಡು ಅವಕಾಶವನ್ನು ಸದುಪಯೋಗಿಸಿಕೊಂಡಲ್ಲಿ ಅನುಕೂಲವಾಗಲಿದೆ. ಜವಾಬ್ದಾರಿ ಹೆಚ್ಚಲಿದೆ.

ಮೀನ: ಜವಾಬ್ದಾರಿಯುತ ಸ್ಥಾನಪ್ರಾಪ್ತಿ ವೃತ್ತಿರಂಗದಲ್ಲಿ ಅನುಭವಿಸುವಂತಾದೀತು. ಮಕ್ಕಳ ವಿದ್ಯಾಪ್ರಗತಿಯಿಂದಾಗಿ ಮನಸ್ಸು ಕೊಂಚ ಹಗುರವೆನಿಸಲಿದೆ. ಕೃಷಿ ಕಾರ್ಯಗಳು ಪ್ರಕೃತಿಯ ಏರಿಳಿತದಿಂದ ವಿಳಂಬವಾದೀತು. ಎಚ್ಚರಿಕೆ ಇರಲಿ