ಮನೆಯಲ್ಲಿಯೇ ಮೇಕಪ್ ಟಿಪ್ಸ್ ಹೇಳಿದ ನಟಿ ಮಾಧುರಿ ದೀಕ್ಷಿತ್

Team Udayavani, Apr 1, 2021, 8:02 PM IST

ಹಿಂದಿ ಚಿತ್ರರಂಗದಲ್ಲಿ 90ರ ದಶಕದಲ್ಲಿ ಪಡ್ಡೆ ಹುಡುಗರ ನಿದ್ದೆ ದೋಚಿದ್ದ ಚೆಲುವೆ ಮಾಧುರಿ ದೀಕ್ಷಿತ್ ಇಂದಿಗೂ ಅದೇ ಚಾರ್ಮ್ ಕಾಯ್ದುಕೊಂಡು ಬಂದಿದ್ದಾರೆ.

ಎರಡು ಮಕ್ಕಳ ತಾಯಿ ಆಗಿರುವ ಮಾಧುರಿ ಅವರಿಗೆ 50 ವರ್ಷ ವಯಸ್ಸು ಎಂದರೆ ಅಷ್ಟು ಬೇಗನೆ ನಂಬಲು ಕಷ್ಟವಾಗುತ್ತದೆ. ಕಾರಣ ಅವರ ಮುಖದಲ್ಲಿರುವ ಗ್ಲಾಮರ್.

‘ಧಕ್ ಧಕ್ ಕರ್ನೆ ಲಗಾ’ ಎನ್ನುವ ಹಾಡಿಗೆ ಸೊಂಟ ಬಳುಕಿಸಿ ಹಿಂದಿ ಚಿತ್ರರಂಗದಲ್ಲಿ ಮೋಡಿ ಮಾಡಿದ ಮಾಧುರಿ ದೀಕ್ಷಿತ್ ಅವರದು ಎಂದಿಗೂ ಕಳೆಗುಂದದ ಚೆಲುವು ಎಂದರೆ ತಪ್ಪಾಗಲಾರದು. ಮೇಕಪ್ ಹಾಕದಿದ್ದರೂ ಅವರ ಮುಖ ಫಳಫಳ ಹೊಳೆಯುತ್ತದೆ. ಅವರ ಈ ಸೌಂದರ್ಯದ ಗುಟ್ಟು ಏನು ?

ಮೋಹಕ ತಾರೆ ಮಾಧುರಿ ಅವರು ಆಗಾಗ ತಮ್ಮ ಫಿಟ್ನೆಸ್ ಹಾಗೂ ಆರೋಗ್ಯದ ಗುಟ್ಟು ಹೇಳುತ್ತಿರುತ್ತಾರೆ. ಅವರು ತಮ್ಮ ಯುಟ್ಯೂಬ್‍ ಚಾನೆಲ್‍ನಲ್ಲಿ ಅಭಿಮಾನಿಗಳಿಗೆ ಆರೋಗ್ಯ ಹಾಗೂ ಸೌಂದರ್ಯದ ಕುರಿತು ಕೆಲವು ಸಲಹೆಗಳನ್ನು ನೀಡುತ್ತಿರುತ್ತಾರೆ. ಇತ್ತೀಚಿಗಷ್ಟೆ ಸೊಂಪಾದ ತಲೆ ಕೂದಲು ಬೆಳೆಸುವುದು ಹೇಗೆ ಎಂದು ಹೇಳಿದ್ದರು. ಇದೀಗ ಮನೆಯಲ್ಲಿಯೇ ಸಿಂಪಲ್ ಬ್ಯುಟಿ ಟಿಪ್ಸ್ ಬಗ್ಗೆ ವಿಡಿಯೋ ಮಾಡಿದ್ದಾರೆ. ಇದರಲ್ಲಿ ಮನೆಯಲ್ಲಿಯೇ ಮುಖಕ್ಕೆ ಸರಳವಾಗಿ ಮೇಕಪ್ ಮಾಡಿಕೊಳ್ಳುವುದರ ಬಗ್ಗೆ ವಿವರಣೆ ನೀಡಿದ್ದಾರೆ.