ಖರೀದಿಗೆ ಮುನ್ನ ವೇ ಎಚ್ಚ ರಿಕೆ ವಹಿಸಿ

Team Udayavani, Apr 16, 2021, 6:08 PM IST

ಹರಿಹರ: ಗ್ರಾಹಕರು ಯಾವುದೇ ವಸ್ತುವನ್ನು ಖರೀದಿಸುವ ಮುನ್ನ ಅದರ ಬೆಲೆ, ಗುಣಮಟ್ಟ, ಕಾರ್ಯ ನಿರ್ವಹಣೆ ಇತ್ಯಾದಿಗಳ ಕುರಿತು ಎಚ್ಚರಿಕೆಯಿಂದ ಪರಿಶೀಲಿಸಬೇಕು ಎಂದು ಗ್ರಾಹಕರ ವ್ಯಾಜ್ಯಗಳ ಆಯೋಗದ ಜಂಟಿ ನಿರ್ದೇಶಕ ಮಂಟೇಸ್ವಾಮಿ ಹೇಳಿದರು.

ತಾಲೂಕು ಆಡಳಿತ ಹಾಗೂ ಜಿಲ್ಲಾ ಆಹಾರ ನಾಗರಿಕ ಸರಬರಾಜು ಮತ್ತು ಗ್ರಾಹಕರ ವ್ಯಾಜ್ಯಗಳ ಇಲಾಖೆಯಿಂದ ನಗರದ ಗುರುಭವನದಲ್ಲಿ ಗುರುವಾರ ಹಮ್ಮಿಕೊಂಡಿದ್ದ ಗ್ರಾಹಕ ಅದಾಲತ್‌ ಉದ್ಘಾಟಿಸಿ ಅವರು ಮಾತನಾಡಿದರು. ಗ್ರಾಹಕರು ಯಾವುದೇ ವಸ್ತುವನ್ನು ಖರೀದಿ ಮಾಡುವಾಗ ಸಂಪೂರ್ಣ ಮಾಹಿತಿ ಸಂಗ್ರಹಿಸಿಕೊಳ್ಳಬೇಕು. ಕಂಡ ಕೂಡಲೇ ವಸ್ತುಗಳನ್ನು ಖರೀದಿಸಬಾರದು ಎಂದರು. ಗುಣಮಾಪಕ ಐಎಸ್‌ಐ ಹಾಗೂ ಅಗ್ಮಾರ್ಕ್‌ ಇರುವ ವಸ್ತುಗಳನ್ನೇ ಖರೀದಿಸಬೇಕು. ಕಡಿಮೆ ಬೆಲೆ ಎಂದು ಕಾಳಸಂತೆಯಲ್ಲಿ ಖರೀದಿಸಬೇಡಿ. ಜಾಹೀರಾತಿಗೆ ಮರುಳಾಗಬೇಡಿ. ಕಡ್ಡಾಯವಾಗಿ ಖರೀದಿಸಿದ ವಸ್ತುವಿನ ಬಿಲ್‌, ರಸೀದಿ ಕೇಳಿ ಪಡೆಯಿರಿ. ಖರೀದಿಸಿದ ವಸ್ತುಗಳು ಗುಣಮಟ್ಟದಲ್ಲಿ ಕಳಪೆ ಎಂದು ಕಂಡುಬಂದಲ್ಲಿ ಗ್ರಾಹಕರ ಪರಿಹಾರಗಳ ಆಯೋಗ ನ್ಯಾಯ ದೊರಕಿಸಿಕೊಡಲು ಸಹಾಯ ಮಾಡುತ್ತದೆ ಎಂದರು.

ಅಧ್ಯಕ್ಷತೆ ವಹಿಸಿದ್ದ ತಹಶೀಲ್ದಾರ್‌ ಕೆ.ಬಿ. ರಾಮಚಂದ್ರಪ್ಪ ಮಾತನಾಡಿ, ಗ್ರಾಹಕರ ಹಕ್ಕುಗಳ ಬಗ್ಗೆ ಜಾಗೃತಿ ಮೂಡಿಸಲು ಇಲಾಖೆ ಶ್ರಮಿಸುತ್ತಿದೆ. ಪತ್ರಿಕೆಗಳಲ್ಲಿ ಮತ್ತು ದೃಶ್ಯ ಮಾಧ್ಯಮಗಳಲ್ಲಿ ಬರುವ ಜಾಹೀರಾತುಗಳನ್ನು ನೋಡಿ ಅದರಲ್ಲಿರುವ ನ್ಯೂನತೆಗಳನ್ನು ಜನರಿಗೆ ತಿಳಿಸಿ ಜಾಗೃತಿ ಮೂಡಿಸಲಾಗುತ್ತಿದೆ. ನೀಡುವ ಬೆಲೆಗೆ ನ್ಯಾಯ ಸಿಗಬೇಕೆಂಬ ದೃಷ್ಟಿಯಿಂದ ಇಲಾಖೆ ಸದಾ ಗ್ರಾಹಕನ ಜೊತೆಯಲ್ಲಿರುತ್ತದೆ ಎಂದು ತಿಳಿಸಿದರು.

ಆಹಾರ ಸಂರಕ್ಷಣಾಧಿ ಕಾರಿ ಕೊಟ್ರೇಶ್‌ ಮಾತನಾಡಿ, ಆಹಾರದ ಪೊಟ್ಟಣಗಳನ್ನು ಖರೀದಿಸುವಾಗ ಅದು ಒಳಗೊಂಡಿರುವ ಪ್ರತಿಯೊಂದು ಪದಾರ್ಥದ ವಿವರ, ಬಳಕೆಯ ಅವ  ಇತ್ಯಾದಿ ಎಲ್ಲಾ ವಿವರಗಳು ಅದರಲ್ಲಿ ಮುದ್ರಿಸಿರುವ ಬಗ್ಗೆ ಪರಿಶೀಲಿಸಬೇಕು ಎಂದರು. ಜಿಲ್ಲಾ ಅನೌಪಚಾರಿಕ ಪಡಿತರ ಪ್ರದೇಶ ಸಹಾಯಕ ನಿರ್ದೇಶಕ ಬಿ.ಟಿ. ಪ್ರಕಾಶ್‌, ಮೈಸೂರು ಕಿರ್ಲೋಸ್ಕರ್‌ ಕಾರ್ಮಿಕರ ಸಹಕಾರ ಸಂಘದ ಅಧ್ಯಕ್ಷ ಬಿರಾದಾರ್‌ ಮತ್ತಿತರರು ಇದ್ದರು.