ಕೋವಿಡ್ ಸಂಕಷ್ಟ : ಉದ್ಯಮ ಕ್ಷೇತ್ರಕ್ಕೆ ಮತ್ತೆ ಗಧಾ ಪ್ರಹಾರ..!

Team Udayavani, Apr 27, 2021, 11:28 AM IST

ಬೆಂಗಳೂರು : ರಾಜ್ಯದಲ್ಲಿ ಕೋವಿಡ್ ಸೋಂಕಿನ ಎರಡನೇ ಅಲೆ ಹೆಚ್ಚಳವಾಗುತ್ತಿರುವ ಹಿನ್ನಲೆಯಲ್ಲಿ, ಕೋವಿಡ್ ನಿಯಂತ್ರಣ ಮಾಡಲು ರಾಜ್ಯ ಸರ್ಕಾರ 14 ದಿನಗಳ ಕಠಿಣ ಕರ್ಫ್ಯೂ ಜಾರಿಗಿಳಿಸಿ ಆದೇಶ ಹೊರಡಿಸಿದೆ.

ಓದಿ : ಕೊರೊನಾಜನಕ ಕಥೆಗಳು: ಪುಟ್ಟ ಹೆಣ್ಣು ಮಕ್ಕಳ ತಂದೆ ಬಲಿ ಪಡೆದ ಕೋವಿಡ್ ..

ಇಂದಿನಿಂದ(ಮಂಗಳವಾರ. ಏ.27) ಜಾರಿಗೆ ಬರಲಿರುವ ಕೋವಿಡ್‌ ಕರ್ಫ್ಯೂ ಅವಧಿಯಲ್ಲಿ ಉತ್ಪಾದನಾ ಚಟುವಟಿಕೆಗಳಿಗೆ ಅನುಮತಿ ನೀಡಿದ್ದರೂ, ಕೈಗಾರಿಕೆ ನಡೆಸಲು ಅಗತ್ಯವಾದ ಕೆಲವು ಸೌಲಭ್ಯಗಳು ಇಲ್ಲದಂತಾಗಿದೆ. ಈ ನಿರ್ಧಾರವು ಉದ್ಯಮವನ್ನು ಇನ್ನಷ್ಟು ಸಂಕಷ್ಟಕ್ಕೆ ದೂಡಲಿದೆ’ ಎಂದು ರಾಜ್ಯದ ವಾಣಿಜ್ಯ ಸಂಘಟನೆಗಳು ಅಸಮಾಧಾನ ವ್ಯಕ್ತಪಡಿಸಿವೆ.

ಈ ಕಠಿಣ ಕರ್ಫೂ ಈಗ ವಾಣಿಜ್ಯ ಕ್ಷೇತ್ರಕ್ಕೂ ಹೊಡೆತ ಕೊಟ್ಟಿದೆ ಎನ್ನುವುದರಲ್ಲಿ ಸಂಶಯ ಬೇಕಾಗಿಲ್ಲ. ರಾಜ್ಯಕ್ಕೆ ಪ್ರತಿ ದಿನ ಬರುವ ಶೇಕಡಾ 60 ರಿಂದ 70 ರಷ್ಟು ವರಮಾನ ನಷ್ಟ ಆಗಲಿಕ್ಕಿದೆ ಎಂದು ಹೇಳಲಾಗಿದೆ.

ಓದಿ : ನೀವು ಇಷ್ಟು ಮಾತ್ರ ಮಾಡಿದರೇ, ಕೋಟ್ಯಾಧಿಪತಿಯಾಗಬಹುದು..! ಏನದು..? ಮಾಹಿತಿ ಇಲ್ಲಿದೆ..!

ಈ ಬಗ್ಗೆ ಪ್ರತಿಕ್ರಿಯೆ ನೀಡಿರುವ ಕರ್ನಾಟಕ ವಾಣಿಜ್ಯ ಮತ್ತು ಕೈಗಾರಿಕಾ ಮಹಾಸಂಸ್ಥೆಯ ಅಧ್ಯಕ್ಷ ಪೆರಿಕಲ್ ಎಮ್ ಸುಂದರ್, ಕಳೆದ ವರ್ಷದ ಕೋವಿಡ್ ಪರಿಸ್ಥಿತಿಯಿಂದಾ‍ಗಿ ದೊಡ್ಡ ಮಟ್ಟದಲ್ಲಿ ಉದ್ಯಮ ಕ್ಷೇತ್ರದ ಮೇಲೆ ಹೊಡೆತ ಬಿದ್ದಿತ್ತು. ಈ ವರ್ಷ ಸ್ವಲ್ಪ ಚೇತರಿಸಿಕೊಳ್ಳುತ್ತಿದ್ದಂತೆ ಮತ್ತೆ ನಷ್ಟ ಉಂಟಾಗಲಿದೆ ಕೋವಿಡ್ ಕರ್ಫ್ಯೂ ಹೇರಲಾಗಿದೆ. ಶೇಕಡಾ 25 ರಷ್ಟು ಈಗಾಗಲೇ ಸಣ್ಣ ಉದ್ಯಮಿಗಳ ಮೇಲೆ ಅಪಾರ ಪ್ರಮಾಣದಲ್ಲಿ ಪರಿಣಾಮ ಬೀರಿ ಬಾಗಿಲು ಹಾಕುವಂತಾಗಿದೆ ಎಂದು ಅವರು ಅಭಿಪ್ರಾಯ ಪಟ್ಟಿದ್ದಾರೆ.

ಇನ್ನು, ಈ ಬಗ್ಗೆ ಅಭಿಪ್ರಾಯ ತಿಳಿಸಿದ ಕರ್ನಾಟಕ ಸಣ್ಣ ಕೈಗಾರಿಕಾ ಸಂಘದ ಅಧ್ಯಕ್ಷ ಕೆ. ಬಿ ಅರಸಪ್ಪ, ಕಚ್ಚಾ ಸಾಮಾಗ್ರಿಗಳು ಪರ ರಾಜ್ಯಗಳಿಂದ ತರಲು ಅನಾನುಕೂಲವಾದರೇ ಉತ್ಪಾದನೆ ಕುಂಟಿತಗೊಳ್ಳುತ್ತದೆ. ಕೈಗಾರಕೆ ನಡೆಸಲು ಸಾಧ್ಯವಿಲ್ಲ. ಮತ್ತೆ ಆರ್ಥಿಕವಾಗಿ ಉದ್ಯಮ ಕ್ಷೇತ್ರಕ್ಕೆ ದೊಡ್ಡ ಹೊಡೆತ ಬೀಳಲಿದೆ ಎಂದಿದ್ದಾರೆ.

ಓದಿ : ಮೊದಲು ಊರು ಸೇರೋಣ..! ಬೆಂಗಳೂರಿನಿಂದ ಹೊರಡುತ್ತಿದ್ದಾರೆ ಸಾವಿರಾರು ಜನ