ಹೊಸ ಫೀಚರ್ ಪರಿಚಯಿಸಿದ ಇನ್‍ಸ್ಟಾಗ್ರಾಂ

Team Udayavani, May 6, 2021, 3:28 PM IST

ಜನಪ್ರಿಯ ಇನ್​ಸ್ಟಾಗ್ರಾಂ ಇದೀಗ ಸ್ಟೋರಿಸ್​​ಗಾಗಿ ಕ್ಯಾಪ್ಶನ್ ಸ್ಟಿಕ್ಕರ್ ಎಂಬ ಹೊಸ ಆಯ್ಕೆಯನ್ನು ಪರಿಚಯಿಸಿದೆ.

ಇನ್​ಸ್ಟಾಗ್ರಾಂ ನಲ್ಲಿ ಸ್ಟೊರೀಸ್ ಅಪ್ಡೇಟ್ ಮಾಡುವ ಆಯ್ಕೆಯನ್ನು ಈ ಮೊದಲೇ ನೀಡಿತ್ತು. ಸಾಕಷ್ಟು ಬಳಕೆದಾರರು ಈ ಫೀಚರ್ಸ್ ಅನ್ನು ಬಳಸುತ್ತಿದ್ದರು. ಫೋಟೋ, ವಿಡಿಯೋ ಹಾಕಬಹುದಾಗಿತ್ತು. ಇದೀಗ ಇನ್​ಸ್ಟಾಗ್ರಾಂ ಸ್ಟೊರೀಸ್​ಗೆ ಹೊಸ ಟಚ್ ನೀಡುವ ನಿಟ್ಟಿನಲ್ಲಿ ಸ್ಟಿಕ್ಕರ್ ಫೀಚರ್ಸ್ ಅನ್ನು ಪರಿಚಯಿಸಿದೆ. ಈ ಕ್ಯಾಪ್ಮನ್ ಸ್ಟಿಕ್ಕರ್ ಅನ್ನು ಸ್ಟಿಕ್ಕರ್ ಟ್ರೇನಲ್ಲಿ ಕಾಣಬಹುದಾಗಿದೆ.

ಬಳಕೆದಾರ ವಿಡಿಯೋವನ್ನು ರೆಕಾರ್ಡ್ ಮಾಡಿದ ಮೇಲೆ ಕ್ಯಾಪ್ಶನ್ ಸ್ಟಿಕ್ಕರ್ ಅನ್ನು ಟ್ಯಾಪ್ ಮಾಡಬಹುದು. ಇದು ವಿಡಿಯೋದಲ್ಲಿನ ಸ್ಪೀಚ್ ಅನ್ನು ಸ್ವಯಂಚಾಲಿತವಾಗಿ ಕಾಪಿ ಮಾಡಲಿದೆ. ಜೊತೆಗೆ ವಿಭಿನ್ನ ಫಾಂಟ್ ಆಯ್ಕೆ ಮಾಡಲು ಇನ್​ಸ್ಟಾಗ್ರಾಂ ಗೆ ಅನುಮತಿಸುತ್ತದೆ.

ಇನ್​ಸ್ಟಾಗ್ರಾಂ ಕಳೆದ ವರ್ಷ ಕ್ಯಾಮೆರಾ -ಫಸ್ಟ್ ಥ್ರೆಡ್ಸ್ ಫೀಚರ್ಸ್ ಅನ್ನು ಪರಿಚಯಿಸಿತ್ತು. ಇಲ್ಲಿ ರೆಕಾರ್ಡ್ ಮಾಡಿದ ಪ್ರತಿಯೊಂದು ವಿಡಿಯೋಗೆ ಅಪ್ಲಿಕೇಶನ್ ಸ್ವಯಂಚಾಲಿತವಾಗಿ ಕ್ಯಾಪ್ಶನ್ ಸೇರಿಸುತ್ತಿತ್ತು. ಬಳಕೆದಾರ ಕ್ಯಾಪ್ಶನ್ ತೆಗೆದು ಹಾಕುವ ಮತ್ತು ಎಡಿಟ್ ಮಾಡಬಹುದು.