ಶೀಘ್ರವೇ ಸಿಂಗಲ್‌ ಡೋಸ್‌ ಸ್ಪುಟ್ನಿಕ್‌ ಲೈಟ್‌

Team Udayavani, May 7, 2021, 6:23 AM IST

ಮಾಸ್ಕೊ: ಒಮ್ಮೆ ಪಡೆದರೆ ಸಾಕು, ಕೋವಿಡ್ ಸೋಂಕಿನಿಂದ ಮನುಷ್ಯರನ್ನು ಪಾರು ಮಾಡಬಲ್ಲ “ಸ್ಪುಟ್ನಿಕ್‌ ಲೈಟ್‌ ಎಂಬ ಲಸಿಕೆಯನ್ನು ಬಿಡುಗಡೆ ಮಾಡಿರುವುದಾಗಿ ದ ರಷ್ಯನ್‌ ಡೈರೆಕ್ಟ್ ಇನ್ವೆಸ್ಟ್‌ಮೆಂಟ್‌ ಫ‌ಂಡ್‌ (ಆರ್‌ಡಿಐಎಫ್) ಘೋಷಿಸಿದೆ.

ಈ ಲಸಿಕೆಯನ್ನು ಕೇವಲ ಒಂದು ಬಾರಿ ಮಾತ್ರ ಪಡೆಯಬಹುದಾಗಿದ್ದು, ಇದರಿಂದ ಕೋವಿಡ್ ವಿರುದ್ಧ ಶೇ. 79.4ರಷ್ಟು ಪ್ರತಿರೋಧ ತೋರಬಹುದು. ಕಳೆದ ವರ್ಷದ ಡಿಸೆಂಬರ್‌ 5ರಿಂದ ಎ.15ರವರೆಗೆ ನಡೆಸಲಾದ ಪ್ರಾಯೋಗಿಕ ಅಭಿಯಾನದಲ್ಲಿ ಇದನ್ನು ಬಳಸಲಾಗಿದ್ದು, ಇದರ ಪ್ರತಿರೋಧ ಸಾಮರ್ಥಯ ಸಾಬೀತಾಗಿದೆ.

ಈ ಲಸಿಕೆಯನ್ನು ರಷ್ಯಾದ ಗ್ಯಾಮೆಲಿಯಾ ಇನ್ಸ್ಟಿಟ್ಯೂಟ್‌ ತಯಾರಿಸಿದ್ದು, ಇದರ ಒಂದು ಡೋಸ್‌ನ ಬೆಲೆ ಅಂದಾಜು 737 ರೂ. ಇರಲಿದೆ ಎಂದು ಎಂದು ಆರ್‌ಡಿಐಎಫ್ ಹೇಳಿದೆ. ಇದೇ ವೇಳೆ ಮುಂದಿನ ಎರಡು ದಿನಗಳಲ್ಲಿ ಮತ್ತೆ 1.5 ಲಕ್ಷ ಲಸಿಕೆಯನ್ನು ರಷ್ಯಾ ಭಾರತಕ್ಕೆ ರವಾನಿಸಲಿದೆ.