ಕೋವಿಡ್ ಸೋಂಕಿನಿಂದ ಬಾಣಂತಿ‌ ಸಾವು: ವಿಷ‌ ಸೇವಿಸಿ ಆಸ್ಪತ್ರೆಯ ಆವರಣದಲ್ಲಿ ಒದ್ದಾಡಿದ ಪತಿ !

Team Udayavani, May 7, 2021, 6:17 PM IST

ಹಾವೇರಿ: ಕೋವಿಡ್ ಸೋಂಕಿತ ಬಾಣಂತಿ ಮೃತಪಟ್ಟ ಹಿನ್ನೆಲೆ  ಆಕೆಯ ಪತಿ ವಿಷ ಕುಡಿದು ಆಸ್ಪತ್ರೆಯ ಆವರಣದಲ್ಲಿ ಒದ್ದಾಡಿದ ಹೃದಯ ವಿದ್ರಾವಕ ಘಟನೆ ನಗರದ ಹಾವೇರಿ ಜಿಲ್ಲಾಸ್ಪತ್ರೆಯಲ್ಲಿ ನಡೆದಿದೆ.

ನಿನ್ನೆ ರಾತ್ರಿ(6-5-2021)  ಕೋವಿಡ್ ಸೊಂಕಿನಿಂದ ಬ್ಯಾಡಗಿ ತಾಲೂಕಿನ 20 ವರ್ಷದ ಬಾಣಂತಿ ಮೃತಪಟ್ಟಿದ್ದರು. ಇತ್ತ ಮಗುವೂ ಇಲ್ಲಾ, ಹೆಂಡತಿಯೂ ಇಲ್ಲ. ಇವರಿಲ್ಲದ ಜೀವನ ನನಗ್ಯಾಕೆ ಎಂದು ಮೃತಪಟ್ಟ ಬಾಣಂತಿಯ ಪತಿ ಸತೀಶ ಎಂಬಾತ ಆಸ್ಪತ್ರೆಗೆ ವಿಷ ಸೇವಿಸಿ ಬಂದಿದ್ದ.

ಇದನ್ನೂ ಓದಿ:  ಗೋವಾ ನೂತನ ಲೋಕಾಯುಕ್ತರಾಗಿ ನಿವೃತ್ತ ನ್ಯಾಯಮೂರ್ತಿ ಅಂಬಾದಾಸ್ ಜೋಶಿ ಪ್ರಮಾಣವಚನ ಸ್ವೀಕರ

ಅವಳ ಜೊತೆ ನನ್ನ ಚಿತೆಗೆ ಬೆಂಕಿ ಇಡಬೇಕು ಇದು ಕೊನೆಯಾಸೆ ಎಂದು ಈ ಸಂದರ್ಭದಲ್ಲಿ ಸಂಬಂಧಿಕರಿಗೆ ಹೇಳುತ್ತಿದ್ದ. ಬಹುಶಃ ನೋವಿನಿಂದ ಈ ಮಾತು ಹೇಳುತ್ತಿರಬಹುದು ಎಂದು ಸಂಬಂಧಿಕರು ಭಾವಿಸಿದ್ದರು. ಆದರೆ ಪ್ರಜ್ಞಾಹೀನವಾಗಿ ನೆಲಕ್ಕೆ ಬಿದ್ದಾಗ ಆತಂಕಕ್ಕೆ ಒಳಗಾದ ಸಂಬಂಧಿಕರು ಕೂಡಲೇ ವೈದ್ಯರಿಗೆ ತಿಳಿಸಿದ್ದರು. ಈ ವೇಳೆ ಸತೀಶ್  ತಾನೂ ವಿಷ ಕುಡಿದಿದ್ದೇನೆ ಎಂದು ತಿಳಿಸಿದ್ದು  ವೈದ್ಯರು ಸಕಾಲದಲ್ಲಿ ಚಿಕಿತ್ಸೆ ನೀಡಿದ್ದಾರೆ.

ಇದನ್ನೂ ಓದಿ:   ಸಿಟಿ ಸ್ಕ್ಯಾನಿಂಗ್ ದುಬಾರಿ ದರಕ್ಕೆ ಕಡಿವಾಣ; ಹೆಚ್ಚು ವಸೂಲಿ ಮಾಡಿದರೆ ಕ್ರಮ: ಸಚಿವ ಸುಧಾಕರ್