15ರಿಂದ ವಾಟ್ಸ್‌ಆ್ಯಪ್‌ ಖಾತೆ ರದ್ದು ಆಗಲ್ಲ

Team Udayavani, May 8, 2021, 6:50 AM IST

ಹೊಸದಿಲ್ಲಿ: ವಾಟ್ಸ್‌ಆ್ಯಪ್‌ನ ವಿವಾದಾತ್ಮಕ ಖಾಸಗಿತನದ ನಿಯಮಾವಳಿಗಳನ್ನು ಅದರ ಗ್ರಾಹಕರು ಒಪ್ಪಿಕೊಳ್ಳಲು ಆ ಸಂಸ್ಥೆ ವಿಧಿಸಿದ್ದ ಮೇ 15ರ ಗಡುವನ್ನು ಖುದ್ದು ವಾಟ್ಸ್‌ಆ್ಯಪ್‌ ಸಂಸ್ಥೆಯೇ ರದ್ದುಗೊಳಿಸಿದೆ.

ಈ ಹಿಂದೆ ಎಚ್ಚರಿ­ಸಿದ್ದಂತೆ, ಖಾಸಗಿತನದ ನಿಯಮ­ಗಳನ್ನು ಒಪ್ಪಿಕೊಳ್ಳದ ಗ್ರಾಹಕರ ಖಾತೆಗಳನ್ನು ರದ್ದುಗೊಳಿಸುವುದಿಲ್ಲ ಎಂದು ಸಂಸ್ಥೆ ಪ್ರಕಟನೆ  ನೀಡಿದೆ.

ಖಾಸಗಿತನದ ನಿಯಮಾವಳಿ­ಗಳಲ್ಲಿ ಅದರಲ್ಲಿದ್ದ ಗ್ರಾಹಕರ ಖಾಸಗಿ ಮಾಹಿತಿ­ಯನ್ನು ಹಂಚಿಕೊಳ್ಳುವುದರ ಕುರಿತಾಗಿ ಸಂಸ್ಥೆ ರೂಪಿಸಿದ್ದ ನಿಯಮ­ವೊಂದು ಭಾರೀ ವಿವಾದಕ್ಕೀಡಾಗಿತ್ತು. ಗ್ರಾಹಕರ ಮಾಹಿತಿಯನ್ನು ತನ್ನ ಮಾತೃಸಂಸ್ಥೆ ಫೇಸ್‌ಬುಕ್‌ಗೆ ನೀಡು­ವುದಾಗಿ ಹೇಳಿದ್ದ ಸಂಸ್ಥೆ, ಗ್ರಾಹಕರು ತಮ್ಮ ಖಾತೆಯನ್ನು ಉಳಿಸಿಕೊಳ್ಳುವ ಉದ್ದೇಶವಿದ್ದರೆ ಈ ನಿಯಮವನ್ನೂ ಸೇರಿ, ಉಳಿದೆಲ್ಲ ಖಾಸಗಿತನದ ನಿಯಮಾವಳಿ­ಗಳನ್ನು ಒಪ್ಪಿಕೊಳ್ಳಲೇ ಬೇಕೆಂದು ಸಂಸ್ಥೆ ಸೂಚಿಸಿತ್ತು. ಈಗ ಆ ಎಲ್ಲ ನಿಯ ಮಗಳಿಂದ ಸಂಸ್ಥೆ ತಾನಾಗಿಯೇ ಹಿಂದೆ ಸರಿದಿದೆ. ಇದಕ್ಕೇನು ಕಾರಣ ಎಂಬುದಕ್ಕೆ ಸಂಸ್ಥೆ ಸ್ಪಷ್ಟನೆ ನೀಡಿಲ್ಲ.