ಲಕ್ಷ್ಮಿ ವಾರದಂದು ನಿಮ್ಮ ರಾಶಿಫಲ ಹೇಗಿದೆ ನೋಡಿ

Team Udayavani, May 14, 2021, 7:12 AM IST

ಮೇಷ: ಯಾವುದೇ ವಿಚಾರದಲ್ಲಿ ದುಡುಕು ವರ್ತನೆಗೆ ಕಾರಣರಾಗದಂತೆ ವರ್ತಿಸಿರಿ. ವಿದ್ಯಾರ್ಥಿಗಳು ಅಭ್ಯಾಸದಲ್ಲಿ ಮಿತ್ರ ಸಮೂಹದ ಆಕರ್ಷಣೆಗೆ ಒಳಗಾದಾರು. ನಿರುದ್ಯೋಗಿಗಳಿಗೆ ಉದ್ಯೋಗ ದೊರೆತು ಸಂತಸ.

ವೃಷಭ: ಕೌಟುಂಬಿಕವಾಗಿ ಹಠಾತ್‌ ಏರಿಳಿತಗಳ ಅನುಭವವಾಗುತ್ತದೆ. ದೂರ ಸಂಚಾರದ ಅವಕಾಶ ಕಾರ್ಯಸಾಧನೆಗೆ ಅನುಕೂಲವಾದರೂ ಕಠಿಣ ಸನ್ನಿವೇಶವನ್ನು ಎದುರಿಸುವಂತಾಗುತ್ತದೆ. ಮನದನ್ನೆಯ ಸಹಕಾರ ನಿಮಗೊದಗಲಿದೆ.

ಮಿಥುನ: ಸಾಂಸಾರಿಕವಾಗಿ ಸಣ್ಣಪುಟ್ಟ ವಿಚಾರಗಳಲ್ಲಿ ಭಿನ್ನಾಭಿಪ್ರಾಯವು ಮೂಡಿಬಂದರೂ ಅದನ್ನು ನಿಮ್ಮೊಳಗೇ ಪರಿಹರಿಸಿಕೊಳ್ಳಿರಿ. ವೃತ್ತಿರಂಗದಲ್ಲಿ ಚೇತರಿಕೆಯು ಕಂಡು ಭಡ್ತಿಯು ದೊರಕಲಿದೆ. ಸಮಾಧಾನದ ವಾತಾವರಣ.

ಕರ್ಕ: ನಿರುದ್ಯೋಗಿ ಹಾಗೂ ವಿದ್ಯಾರ್ಥಿಗಳ ಪರಿಶ್ರಮಕ್ಕೆ ಬೆಲೆ ಸಿಗಲಿದೆ. ಕ್ರಯ-ವಿಕ್ರಯಗಳು ಲಾಭಕರವಾಗಲಿದೆ. ಸಾಮಾಜಿಕರಂಗದಲ್ಲಿ ಹೊಸಬರ ಸಂಪರ್ಕ ಕಾರ್ಯಾನುಕೂಲಕ್ಕೆ ಪೂರಕವಾಗಲಿದೆ. ಗೊಂದಲಗಳು ತಿಳಿಯಾಗಲಿದೆ.

ಸಿಂಹ:ಆರ್ಥಿಕವಾಗಿ ಧನದಾಹದ ಹೆಚ್ಚಳದಿಂದ ಏರುಪೇರು ಕಂಡುಬಂದೀತು. ವೃತ್ತಿರಂಗದಲ್ಲಿ ಸಹೋದ್ಯೋಗಿಗಳಿಂದ ಕಿರಿಕಿರಿ ಕಂಡುಬಂದೀತು. ಕೆಲವೊಮ್ಮೆ ಅದೃಷ್ಟದ ಆಸರೆಯು ಗೋಚರಕ್ಕೆ ಬರುವುದು. ಧೈರ್ಯದ ಅಗತ್ಯವಿದೆ.

ಕನ್ಯಾ: ಆರ್ಥಿಕವಾಗಿ ನಿಮ್ಮ ಲೆಕ್ಕಾಚಾರವು ಸರಿಯಾಗಿರು ತ್ತದೆ. ಅದಕ್ಕೆ ಸರಿಯಾಗಿ ಖರ್ಚು ಮಾಡಿರಿ. ಕೌಟುಂಬಿಕವಾಗಿ ಸುಖಭಾಗ್ಯ ವರ್ಧನೆಯಿದೆ. ವೃತ್ತಿರಂಗದಲ್ಲಿ ಮನದೆಣಿಕೆಯಂತೆ ಕಾರ್ಯಸಾಧನೆ ತಂದೀತು. ಸಂತೃಪ್ತಿ ಇರುತ್ತದೆ.

ತುಲಾ: ಚಿನ್ನ , ಬೆಳ್ಳಿ ಅಲಂಕಾರಿಕ ವಸ್ತುಗಳ ವ್ಯಾಪಾರಿಗಳಿಗೆ ಈಗ ಉತ್ತಮ ಕಾಲವಲ್ಲ. ದೇವತಾರಾಧನೆಯಿಂದ ಮನೆಯಲ್ಲಿ ಶಾಂತಿಯಲ್ಲಿ ಸಮಾಧಾನ ನೆಲೆಸಲಿದೆ. ವಿದ್ಯಾರ್ಥಿ ಗಳ ಪ್ರಯತ್ನಬಲ ಸಾರ್ಥಕವಾದೀತು.

ವೃಶ್ಚಿಕ: ಗ್ರಹಗಳ ಪ್ರತಿಕೂಲದಿಂದ ಆದಾಯದಲ್ಲಿ ಕಂಡುಬಾರದಿದ್ದರೂ ಹೆಚ್ಚಿನ ಸಮಸ್ಯೆ ಇರಲಾರದು. ವ್ಯಾಪಾರ, ವ್ಯವಹಾರಗಳಲ್ಲಿ ಲಾಭಾಂಶ ಕಡಿಮೆ ಇದ್ದರೂ ನಷ್ಟವಿರದು. ಗೃಹಕೃತ್ಯದಲ್ಲಿ ನಿಮ್ಮ ಜವಾಬ್ದಾರಿಯು ಹೆಚ್ಚಾಗಲಿದೆ.

ಧನು: ಮನೆಯಲ್ಲಿ ಜವಾಬ್ದಾರಿಯು ಹೆಚ್ಚಿ ದೇಹಾಯಾಸಕ್ಕೆ ಕಾರಣವಾಗಲಿದೆ. ಜಾಗ್ರತೆ ವಹಿಸಬೇಕಾದೀತು. ಮಕ್ಕಳ ವಿದ್ಯಾಭ್ಯಾಸದ ಬಗ್ಗೆ ಗೊಂದಲಗಳು ಮೂಡಿಬಂದಾವು. ನಿರುದ್ಯೋಗಿಗಳಿಗೆ ಉದ್ಯೋಗ ದೊರೆತು ಸಂತಸವಾಗಲಿದೆ.

ಮಕರ: ಹೊಸ ವಾಹನ, ಭೂಖರೀದಿಯು ನಡೆಯಬಹುದು. ವೈದ್ಯಕೀಯ ವೃತ್ತಿಯವರಿಗೆ ಬಿಡುವಿಲ್ಲದ ಕೆಲಸದಿಂದ ಆಯಾಸ ತಲೆದೋರಲಿದೆ. ಆರೋಗ್ಯಭಾಗ್ಯದಲ್ಲಿ ಪಿತ್ತಪ್ರಕೋಪ ಕಂಡು ಬರುವುದು.

ಕುಂಭ: ಆರ್ಥಿಕವಾಗಿ ಹಂತಹಂತವಾಗಿ ಅಭಿವೃದ್ಧಿಯು ಕಂಡುಬರುವುದು. ಮಾತಿನಲ್ಲಿ ಕಡಿವಾಣವಿರಲಿ. ಎಲ್ಲಾ ವಿಚಾರದಲ್ಲಿ ದುಡುಕದೆ ಆಲೋಚಿಸಿ ಮುನ್ನಡೆಯಿರಿ. ಮನೆಯಲ್ಲಿ ಅಲಂಕಾರಿಕ ಸಾಮಾಗ್ರಿ ಬಂದೀತು.

ಮೀನ: ಅನಿರೀಕ್ಷಿತ ಉದ್ಯೋಗಲಾಭವಿರುತ್ತದೆ. ಹಿರಿಯರೊಡನೆ ಹಾಗೂ ಬಂಧುಗಳೊಂದಿಗೆ ಜಾಗ್ರತೆ ಯಿಂದ ವ್ಯವಹರಿಸಿರಿ. ಅತೀ ಕೆಲಸದಿಂದ ಮಾನಸಿಕವಾಗಿ ಶ್ರಮ ಹಾಗೂ ಶಾರೀರಿಕವಾಗಿ ಆಯಾಸ ಕಂಡುಬರುವುದು.