ಕೋವಿಡ್ 19 : ಬಿಹಾರ್ ನ ‘ಹಿಟ್ ಕೋವಿಡ್ ಆ್ಯಪ್’ ಗೆ ಮೋದಿ ಮೆಚ್ಚುಗೆ

Team Udayavani, May 19, 2021, 7:19 PM IST

ನವ ದೆಹಲಿ : ಹೋಮ್ ಐಸೊಲೇಶನ್ ನಲ್ಲಿರುವ ಕೋವಿಡ್ ಸೋಂಕಿತರನ್ನು ಪತ್ತೆಹಚ್ಚಲು ಬಿಹಾರ ಸರ್ಕಾರ ಅಭಿವೃದ್ಧಿಪಡಿಸಿದ ಹಿಟ್ ಕೋವಿಡ್ ಆ್ಯಪ್ (HIT COVID App) ಬಗ್ಗೆ ತಿಳಿದು ಪ್ರಧಾನಿ ನರೇಂದ್ರ ಮೋದಿ ಪ್ರಭಾವಿತರಾಗಿದ್ದಾರೆ.

ಹೋಮ್ ಐಸೊಲೇಸನ್ ಟ್ರ್ಯಾಕಿಂಗ್ (HIT) ಆ್ಯಪ್ ಬಿಹಾರ್ ನಲ್ಲಿ ಸೋಮವಾರ(ಮೇ. 17)ದಂದು ಬಿಹಾರ್ ಮುಖ್ಯಮಂತ್ರಿ ನಿತೀಶ್ ಕುಮಾರ್ ಅವರು ಬಿಡುಗಡೆ ಮಾಡಿದರು. ಸದ್ಯ ಬಿಹಾರ್ ನ  ಎಲ್ಲಾ ಜಿಲ್ಲೆಗಳಲ್ಲಿ ಈ ಆ್ಯಪ್ ನ ಬಳಕೆಯಾಗುತ್ತಿದೆ.

ಒಂಬತ್ತು ರಾಜ್ಯಗಳ ಆಯ್ದ ಜಿಲ್ಲಾಧಿಕಾರಿಗಳೊಂದಿಗೆ ಪ್ರಧಾನಿ ನರೇಂದ್ರ ಮೋದಿಯವರು ವೀಡಿಯೋ ಕಾನ್ಫರೆನ್ಸ್ ನ ಮೂಲಕ ಕೋವಿಡ್ ಪರಿಸ್ಥಿತಿಯ ಬಗ್ಗೆ ಸಮಾಲೋಚನೆ ಮಾಡುವ ಸಂದರ್ಭದಲ್ಲಿ ಪಟ್ನಾ ಜಿಲ್ಲಾಧಿಕಾರಿ ಚಂದ್ರ ಶೇಖರ್ ಸಿಂಗ್  ಈ ಆ್ಯಪ್ ಬಗ್ಗೆ ಮಾಹಿತಿ ನೀಡಿದ್ದು, ಪ್ರಧಾನಿ ಈ ಆ್ಯಪ್ ಬಗ್ಗೆ ತಿಳಿದು ಪ್ರಭಾವಿತರಾಗಿದ್ದಾರೆ.

ಇದನ್ನೂ ಓದಿ : ಕೋವಿಡ್ ನಿಂದ ಗುಣಮುಖರಾದವರಿಗೆ ಮೂರು ತಿಂಗಳ ಬಳಿಕ ಲಸಿಕೆ ಸೂಕ್ತ: ಕೇಂದ್ರ

ಈ ಬಗ್ಗೆ ಪ್ರಭಾವಿತರಾದ ಪ್ರಧಾನಿ, ಆ ಆ್ಯಪ್ ನ ಬಳಕೆ ದೇಶದ ಎಲ್ಲಾ ರಾಜ್ಯಗಳಲ್ಲಿಯೂ ಆಗುವ ಉದ್ದೇಶದಿಂದ ಅದರ ಎಲ್ಲಾ ಮಾಹಿತಿಯನ್ನು ಕೇಂದ್ರ ಆರೋಗ್ಯ ಸಚಿವಾಲಯಕ್ಕೆ ನೀಡುವಂತೆ ಆದೇಶಿಸಿದ್ದಾರೆ ಎಂದು ವರದಿಯಾಗಿದೆ.

ಇನ್ನು, ಬಿಹಾರ್ ನ ಆರೋಗ್ಯ ಸಚಿವಾಲಯದ ಮುಖ್ಯ ಕಾರ್ಯದರ್ಶಿ ಪ್ರತ್ಯಯಾ ಅಮೃತ್ ಸುದ್ದಿ ಸಂಸ್ಥೆ ಪಿಟಿಐ ನೊಂದಿಗೆ ಮಾತನಾಡಿ,  ಪ್ರಧಾನಿಯವರ ಸೂಚನೆಯಂತೆ ಆ್ಯಪ್ ನ ಮಾಹಿತಿಯನ್ನು ಕೇಂದ್ರ ಸಚಿವಾಲಯಕ್ಕೆ ಕಳುಹಿಸಿಕೊಡಲಾಗಿದೆ ಎಂದು ಮಾಹಿತಿ ನೀಡಿದ್ದಾರೆ.

ಈ ಆ್ಯಪ್ ನ ಸಹಾಯದಿಂದ, ಆರೋಗ್ಯ ಕಾರ್ಯಕರ್ತರು ಪ್ರತಿದಿನ ಸೋಂಕಿತರ ವಿಚಾರಣೆಗೆ ಸುಲಭವಾಗುತ್ತದೆ. ಅವರ ದೈಹಿಕ ತಾಪಮಾನ ಮತ್ತು ಆಮ್ಲಜನಕದ ಮಟ್ಟವನ್ನು ಪರೀಕ್ಷಿಸಿದ ನಂತರ ಅಪ್ಲಿಕೇಶನ್‌ ನಲ್ಲಿ ಡಾಟಾ ದಾಖಲು ಮಾಡಲಗುತ್ತದೆ.

ಈ ಆ್ಯಪ್ ಮೂಲಕ ದಾಖಲಾದ ಡಾಟಾವನ್ನು ಜಿಲ್ಲಾ ಮಟ್ಟದಲ್ಲಿ ಮೇಲ್ವಿಚಾರಣೆ ಮಾಡಲಾಗುತ್ತದೆ. ಸೋಂಕಿತನ ಆಮ್ಲಜನಕದ ಮಟ್ಟವು  ಶೇ. 94 ಕ್ಕಿಂತ ಕಡಿಮೆಯಿದ್ದರೆ, ಚಿಕಿತ್ಸೆಗಾಗಿ ಅವರನ್ನು ಹತ್ತಿರದ ಮೀಸಲಾದ ಕೋವಿಡ್ ಆರೋಗ್ಯ ಕೇಂದ್ರಗಳಿಗೆ ದಾಖಲಿಸಲಾಗುತ್ತದೆ.

ಬಿಹಾರ್  ಸರ್ಕಾರದ ಆರೋಗ್ಯ ಇಲಾಖೆಯ ಮಾರ್ಗದರ್ಶನದಲ್ಲಿ ಬಿಹಾರ ರಾಜ್ಯ ಎಲೆಕ್ಟ್ರಾನಿಕ್ಸ್ ಅಭಿವೃದ್ಧಿ ನಿಗಮ (BELTRON) ಎಚ್‌ ಐ ಟಿ ಆ್ಯಪ್ ಅಭಿವೃದ್ಧಿಪಡಿಸಿದೆ.

ಪ್ರಾಯೋಗಿಕವಾಗಿ ಈ ಅಪ್ಲಿಕೇಶನ್ ನನ್ನು ಆರಂಭದಲ್ಲಿ ಐದು ಜಿಲ್ಲೆಗಳಲ್ಲಿ ಪ್ರಾರಂಭಿಸಲಾಯಿತು. ಮತ್ತು ಅದರ ಯಶಸ್ಸನ್ನು ಆಧಾರದ ಮೇಲೆ ಈಗ ಬಿಹಾರ್  ರಾಜ್ಯಾದ್ಯಂತ ಬಳಸಲಾಗುತ್ತಿದೆ.

ಇದನ್ನೂ ಓದಿ : ಜಾಗ್ವಾರ್ ಲ್ಯಾಂಡ್ ರೋವರ್ : ಆ್ಯಂಟಿ ವೈರಸ್ ತಂತ್ರಜ್ಞಾನ ಕೋವಿಡ್ ವಿರುದ್ಧ ಪರಿಣಾಮಕಾರಿ !