ಬೆಂಗಳೂರಿನಲ್ಲಿ ತಗ್ಗಿದ ಕೋವಿಡ್; ರಾಜ್ಯದಲ್ಲಿಂದು 25311 ಹೊಸ ಪ್ರಕರಣ, 57333 ಜನ ಗುಣಮುಖ

Team Udayavani, May 24, 2021, 8:37 PM IST

ಬೆಂಗಳೂರು : ಕಟ್ಟು ನಿಟ್ಟಿನ ಲಾಕ್ ಡೌನ್ ಘೋಷಣೆಯಾದಾಗಿನಿಂದ ರಾಜ್ಯದಾನಿ ಬೆಂಗಳೂರು ಸೇರಿದಂತೆ ರಾಜ್ಯದಲ್ಲಿ ಕೋವಿಡ್ ಹೊಸ ಪ್ರಕರಣಗಳ ಸಂಖ್ಯೆಗಳ ಪ್ರಮಾಣ ತಗ್ಗಿದೆ.  ದಿನದಿಂದ ದಿನಕ್ಕೆ ಕೋವಿಡ್ ಸೋಂಕಿನಿಂದ ಗುಣಮುಖರಾಗುತ್ತಿರುವವರ ಸಂಖ್ಯೆ ಹೆಚ್ಚಾಗುತ್ತಿರುವುದು ನಿಟ್ಟುಸಿರು ಬಿಡುವಂತಾಗಿದೆ.

ಸೋಮವಾರ ಸಂಜೆ ( ಮೇ.24) ಕರ್ನಾಟಕ ರಾಜ್ಯ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಇಲಾಖೆ ಬಿಡುಗಡೆ ಮಾಡಿರುವ ವರದಿಗಳ ಪ್ರಕಾರ ಕಳೆದ 24 ಗಂಟೆಗಳ ಅವಧಿಯಲ್ಲಿ ( ದಿನಾಂಕ:23.05.2021, 00:00 ರಿಂದ 23:59ರ ವರೆಗೆ ) ರಾಜ್ಯದಲ್ಲಿ 25311 ಕೋವಿಡ್ ಹೊಸ ಪ್ರಕರಣಗಳು ಪತ್ತೆಯಾಗಿವೆ. ಇದೇ ಅವಧಿಯಲ್ಲಿ ಸಿಲಿಕಾನ್ ಸಿಟಿ ಬೆಂಗಳೂರಿನಲ್ಲಿ ಕೇವಲ 5701 ಜನರಿಗೆ ಕೋವಿಡ್ ಸೋಂಕು ದೃಢಪಟ್ಟಿದೆ. ಎರಡನೇ ಅಲೆಯ ಆರಂಭಿಕ ದಿನಗಳಲ್ಲಿ ಬೆಂಗಳೂರಿನಲ್ಲಿ ದಾಖಲೆಯ ಪ್ರಮಾಣದಲ್ಲಿ ಪ್ರಕರಣಗಳು ಪತ್ತೆಯಾಗುತ್ತಿದ್ದವು. ಆದರೆ, ಲಾಕ್ ಡೌನ್ ಘೋಷಣೆಯಾದಾಗಿನಿಂದ ಸೋಂಕು ನಿಯಂತ್ರಣಕ್ಕೆ ಬಂದಿರುವ ಮುನ್ಸೂಚನೆ ಸಿಕ್ಕಿದೆ.

ಇನ್ನು ಎಂದಿನಂತೆ ಇಂದೂ ಕೂಡ ಕೋವಿಡ್ ಸೋಂಕಿನಿಂದ ಗುಣಮುಖರಾದವರ ಸಂಖ್ಯೆ ದುಪ್ಪಟ್ಟು ಇದೆ. ಕಳೆದ 24 ಗಂಟೆಗಳ ಅವಧಿಯಲ್ಲಿ 57333 ಜನರು ಕೋವಿಡ್ ಸೋಂಕಿನಿಂದ ಗುಣಮುಖರಾಗಿ ಆಸ್ಪತ್ರೆಯಿಂದ ಬಿಡುಗಡೆಯಾಗಿದ್ದಾರೆ. ಇದೇ ಅವಧಿಯಲ್ಲಿ ರಾಜ್ಯದಲ್ಲಿ 529 ಜನರು ಕೋವಿಡ್ ಸೋಂಕಿಗೆ ಬಲಿಯಾಗಿದ್ದಾರೆ.

ಜಿಲ್ಲಾವಾರು ಪ್ರಕರಣಗಳು :

ಬಾಗಲಕೋಟೆ-283, ಬಳ್ಳಾರಿ-807, ಬೆಳಗಾವಿ-747, ಬೆಂಗಳೂರು ಗ್ರಾಮಾಂತರ-385,  ಬೆಂಗಳೂರು ನಗರ-5701, ಬೀದರ್-58, ಚಾಮರಾಜನಗರ-439, ಚಿಕ್ಕಬಳ್ಳಾಪುರ-605, ಚಿಕ್ಕಮಗಳೂರು-633, ಚಿತ್ರದುರ್ಗ-541, ದಕ್ಷಿಣ ಕನ್ನಡ-721, ದಾವಣಗೆರೆ-633, ಧಾರವಾಡ-1058, ಗದಗ-277, ಹಾಸನ-1156, ಹಾವೇರಿ-312, ಕಲಬುರಗಿ-245,ಕೊಡಗು-251, ಕೋಲಾರ-508, ಕೊಪ್ಪಳ-337, ಮಂಡ್ಯ-888, ಮೈಸೂರು-2680, ರಾಯಚೂರು-753,  ರಾಮನಗರ-285, ಶಿವಮೊಗ್ಗ-730, ತುಮಕೂರು-1662, ಉಡುಪಿ-927, ಉತ್ತರ ಕನ್ನಡ-1110, ವಿಜಯಪುರ-256, ಯಾದಗಿರಿ-251.