ಗುರುಗಳಿಗೆ ಕಿಚ್ಚನ ನಮನ: ಖಾಸಗಿ ಶಿಕ್ಷಕರಿಗೆ ನಟ ಸುದೀಪ್‌ ಸಹಾಯ

Team Udayavani, May 27, 2021, 8:14 AM IST

ಬೆಂಗಳೂರು: ಕೊರೊನಾ ಲಾಕ್‌ಡೌನ್‌ನಿಂದಾಗಿ ಸಂಕಷ್ಟಕ್ಕೆ ಒಳಗಾಗಿರುವ ಕಲಾವಿದರು, ತಂತ್ರಜ್ಞರು, ಬಡವರು ಹೀಗೆ ಅನೇಕರಿಗೆ ತಮ್ಮದೇ ಆದ ನೆರವು ನೀಡುತ್ತಿರುವ ನಟ ಸುದೀಪ್‌ ಇದೀಗ ಲಾಕ್‌ಡೌನ್‌ನಿಂದ ತೊಂದರೆಗೀಡಾಗಿರುವ ಖಾಸಗಿ ಶಿಕ್ಷಕರ ನೆರವಿಗೆ ಮುಂದಾಗಿದ್ದಾರೆ.

ಕಿಚ್ಚ ಸುದೀಪ ಚಾರಿಟೆಬಲ್‌ ಸೊಸೈಟಿಯಿಂದ “ಗುರುಗಳಿಗೆ ಕಿಚ್ಚನ ನಮನ’ ಹೆಸರಿನಲ್ಲಿ ಅಭಿಯಾನ ಆರಂಭಿಸಲಾಗಿದ್ದು, ಈ ಅಭಿಯಾನದಲ್ಲಿ ಕರ್ನಾಟಕದ ಖಾಸಗಿ ಶಾಲಾ ಶಿಕ್ಷಕರಿಗೆ ಸಹಾಯ ಮಾಡುವ ಯೋಜನೆ ರೂಪಿಸಲಾಗಿದೆ. ಮೊದಲನೇ ಹಂತದಲ್ಲಿ 50 ಶಿಕ್ಷಕರಿಗೆ ತಲಾ 2 ಸಾವಿರ ರೂ. ಧನ ಸಹಾಯ ಮಾಡಲು ಕಿಚ್ಚ ಸುದೀಪ್ ಚಾರಿಟೆಬಲ್‌ ಸೊಸೈಟಿ ಮುಂದಾಗಿದೆ.

ಈ ಕುರಿತು ಸೋಶಿಯಲ್‌ ಮೀಡಿಯಾದಲ್ಲಿ ಮಾಹಿತಿ ನೀಡಿರುವ ಕಿಚ್ಚ ಸುದೀಪ ಚಾರಿಟೆಬಲ್‌ ಸೊಸೈಟಿ, ನೀವು ಖಾಸಗಿ ಶಾಲೆಯ ಶಿಕ್ಷಕರಾಗಿದ್ದು, ಆರ್ಥಿಕ ಸಂಕಷ್ಟದಲ್ಲಿದ್ದರೆ, 6360334455 ಈ ಸಂಖ್ಯೆಗೆ ಕರೆ ಮಾಡಿ, ನಾವು ನಿಮಗೆ ಸಹಾಯ ಮಾಡಲು ಸಿದ್ಧವಿದ್ದೇವೆ’ ಎಂದಿದೆ.

ಕೊರೊನಾ ವಿರುದ್ಧ ನನ್ನ ಶಪಥ

ಕೊರೊನಾದಿಂದ ಸೇಫ್ ಆಗಿರಲು ಎಲ್ಲರೂ ಮಾಸ್ಕ್ ಧರಿಸುವ ಜೊತೆಗೆ ಸ್ಯಾನಿಟೈಸ್‌ ಮಾಡಿಕೊಳ್ಳಿ. ಸಾಮಾಜಿಕ ಅಂತರ ಕಾಯ್ದುಕೊಳ್ಳುವ ಜೊತೆಗೆ ವ್ಯಾಕ್ಸಿನ್‌ ತೆಗೆದುಕೊಳ್ಳಿ.ಈ ಮೂಲಕ ಈ ಮಹಾಮಾರಿಯಿಂದ ದೂರವಿರೋಣ. – ಶುಭಾ ಪೂಂಜಾ, ನಟಿ