ಈ ರಾಶಿಯವರಿಗಿಂದು ಜೀವನ ಶೈಲಿಯು ಬದಲಾಗುವ ಪ್ರಸಂಗ ಕಂಡು ಬಂದೀತು!

Team Udayavani, Jun 5, 2021, 7:22 AM IST

5-6-2021

ಮೇಷ: ಸಾಂಸಾರಿಕವಾಗಿ ಸಂಬಂಧಗಳು ಸಡಿಲಗೊಳ್ಳಲಿವೆ. ಪ್ರಬುದ್ಧರಾಗಿ ಚಿಂತಿಸಬೇಕಾಗುತ್ತದೆ. ವೃತ್ತಿರಂಗದಲ್ಲಿ ದಿನಗಳು ಸರಾಗವಾಗಿ ನಡೆದು ಹೋದರೂ ಕಿರಿಕಿರಿ ತಪ್ಪಲಾರದು. ವಿದ್ಯಾರ್ಥಿಗಳು, ನಿರುದ್ಯೋಗಿಗಳು ಚಿಂತಿಸಬೇಕಾಗುತ್ತದೆ.

ವೃಷಭ: ನಿಮಗೆ ಮಹತ್ವದ ದಿನಗಳಿವು. ಪ್ರೀತಿಪಾತ್ರರೊಂದಿಗೆ ಆತ್ಮೀಯವಾಗಿ ದಿನ ಕಳೆಯುವಂತಾದೀತು. ವೃತ್ತಿರಂಗದಲ್ಲಿ ನಾನಾ ರೀತಿಯಲ್ಲಿ ಸಮಸ್ಯೆಗಳು ತೋರಿಬಂದರೂ ಎದುರಿಸುವ ಛಾತಿ ನಿಮಗಿರುತ್ತದೆ. ವಿಶ್ವಾಸದಿಂದಿರಿ.

ಮಿಥುನ: ಗ್ರಹಗತಿಗಳು ನಿಮಗೆ ಪೂರಕವಾಗಿರುತ್ತದೆ. ಎಲ್ಲಾ ರೀತಿಯಲ್ಲಿ ಮುನ್ನಡೆ ಕಂಡುಬರುವುದು. ಆದರೆ ಅದನ್ನು ಗಿಟ್ಟಿಸಿಕೊಳ್ಳುವ ಯೋಗ ನಿಮಗೆ ಬೇಕು. ಖಾಸಗಿ ಬದುಕಿನಲ್ಲಿ ಸಣ್ಣಪುಟ್ಟ ನಿರಾಸೆಗಳು ಕಂಡುಬರಲಿದೆ.

ಕರ್ಕ: ಜೀವನ ಶೈಲಿಯು ಬದಲಾಗುವ ಪ್ರಸಂಗ ಕಂಡು ಬಂದೀತು. ನಿವೇಶನ ಖರೀದಿಯ ಕುರಿತು ಮಾತುಕತೆ ಈಗ ಬೇಡ. ನಿಮ್ಮ ಅಭಿವೃದ್ಧಿಗೆ ಪೂರಕವಾಗುವ ವಾತಾವರಣ ಕಂಡುಬರುತಿದೆ. ಸಾಮಾಜಿಕ ಚಟುವಟಿಕೆಯಲ್ಲಿ ಪಾಲ್ಗೊಳ್ಳುವಿರಿ.

ಸಿಂಹ: ಆಸಕ್ತಿದಾಯಕ ವ್ಯಕ್ತಿಗಳಿಂದ ಅನುಕೂಲದಾಯಕ ಕೆಲಸವಾಗಲಿದೆ. ಎಲ್ಲ ಕೆಲಸಕಾರ್ಯಗಳಲ್ಲಿ ಮುನ್ನಡೆಯಾದಾಗ ಯೋಜನೆಗಳನ್ನು ರೂಪಿಸಿರಿ. ಮೇಲಾಧಿಕಾರಿಗಳಿಂದ ಪ್ರಶಂಸೆ ಸಲ್ಲಲಿದೆ. ಭಡ್ತಿಯ ಸಂಭವವೂ ಇದೆ.

ಕನ್ಯಾ: ಸಾಂಸಾರಿಕ ಸಂಬಂಧಗಳು ನೀವು ಬಯಸಿದಂತೆ ಗಟ್ಟಿಗೊಳ್ಳಲಿದೆ. ವಿದ್ಯಾರ್ಥಿಗಳಿಗೆ ಗೆಳೆಯರಿಂದ ನೆರವು ಕಂಡು ಬರಲಿದೆ. ಆಸಕ್ತಿದಾಯಕ ವ್ಯಕ್ತಿಗಳಿಂದ ಅನುಕೂಲದಾಯಕ ಕೆಲಸವು ಆಗಲಿದೆ. ದೃಢ ಹೆಜ್ಜೆ ಇಟ್ಟು ಮುನ್ನಡೆಯಿರಿ.

ತುಲಾ: ಇತರರೊಂದಿಗೆ ವ್ಯವಹರಿಸುವಾಗ ಹೆಚ್ಚಿನ ಎಚ್ಚರಿಕೆ ಇಟ್ಟಲ್ಲಿ ತಪ್ಪುಗಳು ನಡೆಯದಾದಾವು. ದುಡುಕಿ ತಪ್ಪು ಹೆಜ್ಜೆ ಇಟ್ಟಲ್ಲಿ ಪ್ರತಿಕೂಲ ಪರಿಣಾಮವು ಉಂಟಾಗಲಿದೆ. ವೃತ್ತಿರಂಗದಲ್ಲಿ ಸಹನೆಯಿಂದ ಮುನ್ನಡೆಯಬೇಕು .

ವೃಶ್ಚಿಕ: ಪ್ರಮುಖ ವಿಷಯಗಳಲ್ಲಿ ನಿರ್ಧರಿಸುವ ಹಾಗೂ ವ್ಯಕ್ತಪಡಿಸುವುದರಲ್ಲಿ ಹಿಂಜರಿಕೆ ಮಾಡದಿರಿ. ವಿದ್ಯಾರ್ಥಿಗಳು ತಮ್ಮ ಅಭ್ಯಾಸದಲ್ಲಿ ಉದಾಸೀನತೆಯನ್ನು ಬಿಡತಕ್ಕದ್ದು. ಕೌಟುಂಬಿಕವಾಗಿ ಯಾರೊಂದಿಗೂ ಸಂಘರ್ಷ ಬೇಡ.

ಧನು: ಅವಿವಾಹಿತರಿಗೆ ಆಗಾಗ ಹಿನ್ನಡೆ ತೋರಿಬಂದು ನಿರಾಶೆ ಮನೋಭಾವದಿಂದ ಮನಸ್ಸು ಮುದುಡಲಿದೆ. ಮಾನಸಿಕ ಚಿಂತನೆ ಹೆಚ್ಚು ಮಾಡದಿರಿ. ಧನಾತ್ಮಕವಾಗಿ ಆಲೋಚನೆ ಮಾಡಿರಿ. ಫ‌ಲಿತಾಂಶವು ಉತ್ತಮವಾಗಿರುತ್ತದೆ.

ಮಕರ: ಒಮ್ಮೊಮ್ಮೆ ಅತೀಯಾದ ವ್ಯಾಮೋಹವು  ಮಕ್ಕಳ ಬುದ್ಧಿಯನ್ನು ಕೆಡಿಸಲಿದೆ. ಗಿಡವಾಗಿ ಬಗ್ಗದ್ದು ಮರವಾಗಿ ಬಗ್ಗಿತೇ ? ಎನ್ನುವಂತಾದೀತು. ಕೋಪದ ಕೈಗೆ ಬುದ್ಧಿ ಕೊಡದಿರಿ. ಕಾರ್ಯ ಒತ್ತಡದಿಂದ ಅಸಹನೆ ಕಾಡಬಹುದು.

ಕುಂಭ: ಚಿಂತೆಯು ಅತಿಯಾಗಿ ಮನಸ್ಸನ್ನು ಕಾಡಲಿದೆ. ಕೌಟುಂಬಿಕವಾಗಿ ಸಮಾಧಾನ, ವ್ಯವಧಾನ ಇಲ್ಲದ ವಾತಾವರಣವು ಕಂಡು ಬರಲಿದೆ. ಹಲವು ತೊಡಕುಗಳು ಕಂಡುಬಂದರೂ ನಿಧಾನವಾಗಿ ಎಲ್ಲವೂ ತಿಳಿಯಾದೀತು.

ಮೀನ: ಕಾರ್ಯರಂಗದಲ್ಲಿ ನೀವು ಹೊಂದಿರುವ ದೂರದೃಷ್ಟಿ ನಿಮ್ಮ ನೆರವಿಗೆ ಬರಲಿದೆ. ವಿರೋಧಿಗಳನ್ನು ಎದುರಿಸುವಾಗ ನಿಮ್ಮ ನಿಲುವು ದೃಢವಾಗಿರಲಿ. ಸ್ನೇಹಿತರೊಂದಿಗೆ ಜಗಳಕ್ಕೆ ಕಾರಣರಾಗದಿರಿ. ಆಕಸ್ಮಿಕ ಧನಾಗಮನವಿದೆ

ಎನ್‌.ಎಸ್‌. ಭಟ್‌