2020ರ ಐಸಿಸಿ ಮಹಿಳಾ ಟಿ20 ವಿಶ್ವಕಪ್‌ ತಂಡಕ್ಕೆ ಹಣ ಬಿಡುಗಡೆ ಮಾಡಿದ ಬಿಸಿಸಿಐ

Team Udayavani, Jun 7, 2021, 8:50 PM IST

ನವದೆಹಲಿ: 2020ರ ಐಸಿಸಿ ವನಿತಾ ಟಿ20 ವಿಶ್ವಕಪ್‌ನಲ್ಲಿ ಪಾಲ್ಗೊಂಡ ಭಾರತದ ಆಟಗಾರ್ತಿಯರಿಗೆ ಬಿಸಿಸಿಐ ಬಹುಮಾನ ಮೊತ್ತವನ್ನು ಬಿಡುಗಡೆ ಮಾಡಿದೆ.

ಆಸ್ಟ್ರೇಲಿಯದಲ್ಲಿ ನಡೆದ ಈ ಪಂದ್ಯಾವಳಿಯಲ್ಲಿ ಭಾರತ ರನ್ನರ್ ಅಪ್‌ ಅಗಿತ್ತು. 2020ರ ಮಾ.8ರಂದು ಈ ಪಂದ್ಯಾವಳಿ ಮುಗಿದರೂ ಆಟಗಾರ್ತಿಯರಿಗೆ ಬಹುಮಾನ ಮೊತ್ತ ಪಾವತಿಸದ ಬಿಸಿಸಿಐ ತೀವ್ರ ಟೀಕೆಗಳನ್ನು ಎದುರಿಸಿತ್ತು. ಒಂದು ವರ್ಷ ಉರುಳಿದರೂ ಬಿಸಿಸಿಐ ಈ ಹಣವನ್ನು ಬಾಕಿ ಉಳಿಸಿಕೊಂಡ ಬಗ್ಗೆ ಆಕ್ರೋಶವೂ ವ್ಯಕ್ತವಾಗಿತ್ತು. ಆದರೆ ಇದಕ್ಕೆ ತನ್ನದೇ ತಾಂತ್ರಿಕ ಕಾರಣಗಳಿವೆ, ವಿಳಂಬ ಸಹಜ ಎಂದು ಬಿಸಿಸಿಐ ಸ್ಪಷ್ಟನೆಯನ್ನೂ ನೀಡಿತ್ತು.

ಇದನ್ನೂ ಓದಿ :ದೇಶದ ಎಲ್ಲಾ ನಾಗರಿಕರಿಗೆ ಉಚಿತ ಲಸಿಕೆ ನೀಡುವ ಕೇಂದ್ರದ ನಿರ್ಧಾರಕ್ಕೆ ಐಎಮ್ಎ ಶ್ಲಾಘನೆ

ತಲಾ 26 ಸಾವಿರ ಡಾಲರ್‌:
ತಂಡದಲ್ಲಿ ಒಟ್ಟು 15 ಆಟಗಾರ್ತಿಯರಿದ್ದರು. ಒಬ್ಬೊಬ್ಬರಿಗೆ ತಲಾ 26 ಸಾವಿರ ಡಾಲರ್‌ ಮೊತ್ತ ಲಭಿಸಿದೆ. ಜತೆಗೆ ಕಳೆದ ಮಾರ್ಚ್‌ನಲ್ಲಿ ದಕ್ಷಿಣ ಆಫ್ರಿಕಾ ವಿರುದ್ಧ ಆಡಲಾದ ತವರಿನ ಸರಣಿಯ ಪಂದ್ಯದ ಸಂಭಾವನೆಯನ್ನೂ ವಿತರಿಸಲಾಗಿದೆ.