ತೆರಿಗೆ ಪಾವತಿಸದ ಸಿರಿವಂತರು; ಪಟ್ಟಿಯಲ್ಲಿದ್ದಾರೆ ಬೆಜೋಸ್‌, ಮಸ್ಕ್; ದುಡ್ಡಿಲ್ಲ ಎಂದ ಕಂಗನಾ

Team Udayavani, Jun 10, 2021, 8:28 AM IST

ನ್ಯೂಯಾರ್ಕ್‌: ಶ್ರೀಮಂತರು ಹೆಚ್ಚಿನ ಪ್ರಮಾಣದ ತೆರಿಗೆ ಪಾವತಿ ಮಾಡುವುದೇ ಇಲ್ಲ ಎಂಬ ಆರೋಪಗಳಿವೆ. ಅದಕ್ಕೆ ಪುಷ್ಟೀಕರಣವೋ ಎಂಬಂತೆ ಅಮೆಜಾನ್‌ ಸಿಇಒ ಜೆಫ್ ಬೆಜೋಸ್‌, ಟೆಸ್ಲಾ ಸಂಸ್ಥೆ ಮುಖ್ಯಸ್ಥ ಇಲಾನ್‌ ಮಸ್ಕ್ ಸೇರಿದಂತೆ 23 ಮಂದಿ ಸಿರಿವಂತ ಅಮೆರಿಕ ಪ್ರಜೆಗಳು 2007 ಮತ್ತು 2018ರ ನಡುವೆ ಹೆಚ್ಚಿನ ಪ್ರಮಾಣದ ತೆರಿಗೆಯನ್ನೇ ಪಾವತಿ ಮಾಡಿಲ್ಲ. ಈ ಬಗ್ಗೆ ತನಿಖಾ ಪತ್ರಿಕೋದ್ಯಮಕ್ಕೆಹೆಸರಾಗಿರುವ “ಪ್ರೊಪಬ್ಲಿಕಾ’ ವರದಿ ಮಾಡಿದೆ.

ಅಮೆರಿಕದ ತೆರಿಗೆ ಇಲಾಖೆಯ ಆಂತರಿಕ ಕಂದಾಯ ಸೇವೆ (ಐಆರ್‌ ಎಸ್‌) ವರದಿ ಗಮನಿಸಿದ ಬಳಿಕ ಈ ಅಂಶ ಪ್ರಕಟಿಸಲಾಗಿದೆ. ಅಮೆಜಾನ್‌ ಸಿಇಒ ಜೆಫ್ ಬೆಜೋಸ್‌ 2007 ಮತ್ತು 2011ರ ನಡುವೆ ಅವರು ತೆರಿಗೆ ಪಾವತಿ ಮಾಡಿಲ್ಲ. ಟೆಸ್ಲಾ ಇಂಕ್‌ನ ಸಿಇಒ ಇಲಾನ್‌ ಮಸ್ಕ್ 2018ರಲ್ಲಿ, ಬ್ಲೂಮ್‌ ಬರ್ಗ್‌ ಎಲ್‌ಪಿಯ ಸಂಸ್ಥಾಪಕ ಮೈಕೆಲ್‌ ಬ್ಲೂಮ್‌ಬರ್ಗ್‌ ಕನಿಷ್ಠ ಮೊತ್ತದ ತೆರಿಗೆ ಪಾವತಿ ಮಾಡಿದ್ದಾರೆ.

ಇದನ್ನೂ ಓದಿ:ಮುಂಬೈ: ಧರೆಗುರುಳಿದ ಬಹುಮಹಡಿ ಕಟ್ಟಡ; 11 ಮಂದಿ ಸಾವು, ಹಲವರಿಗೆ ಗಂಭೀರ ಗಾಯ

ತೆರಿಗೆ ಪಾವತಿ ಮಾಡದವರನ್ನು ಸಂಪರ್ಕಿಸಿದಾಗ ವಾರೆನ್‌ ಬಫೆಟ್‌, ಮೈಕೆಲ್‌ ಬ್ಲೂಮ್‌ಬರ್ಗ್‌ ಮತ್ತು ಕಾರ್ಲ್ ಇಚಾನ್‌ ತೆರಿಗೆ ಬಾಕಿ ಪಾವತಿ ಮಾಡಿದ ಬಗ್ಗೆ ಮಾಹಿತಿ ನೀಡಿದ್ದಾರೆಂದು ಪ್ರೊ ಪಬ್ಲಿಕಾ ಹೇಳಿಕೊಂಡಿದೆ.

ತೆರಿಗೆ ಪಾವತಿಗೆ ದುಡ್ಡಿಲ್ಲ

“ಈ ವರ್ಷ ಸಿನೆಮಾಗಳಲ್ಲಿ ನಟಿಸಲಾಗಿಲ್ಲ. ಹೀಗಾಗಿ ತೆರಿಗೆ ಪಾವತಿ ಮಾಡಲು ದುಡ್ಡು ಇಲ್ಲ’ ಹೀಗೆಂದು ಬಾಲಿವುಡ್‌ ನಟಿ ಕಂಗನಾ ರಾಣಾವತ್‌ ಹೇಳಿಕೊಂಡಿದ್ದಾರೆ. “ನಾನು ಅತ್ಯಂತ ಹೆಚ್ಚಿನ ಸ್ತರದ ತೆರಿಗೆ ಪಾವತಿ ವ್ಯಾಪ್ತಿ  ಯಲ್ಲಿದ್ದರೂ ಆ ಮೊತ್ತದ ಪೈಕಿ ಹೆಚ್ಚಿನ ಭಾಗವನ್ನು ಪಾವತಿ ಮಾಡಿಲ್ಲ. ಪ್ರಸಕ್ತ ಸನ್ನಿವೇಶದಲ್ಲಿ ಸಿನೆಮಾ ಇರಲಿಲ್ಲ. ಹೀಗಾಗಿ, ತೆರಿಗೆ ಪಾವತಿ ಮಾಡಲು ಅಸಾಧ್ಯವಾಗಿದೆ. ಅದಕ್ಕೆ ಸರಕಾರ ಬಡ್ಡಿ ವಿಧಿಸಲಿ ಎಂದಿದ್ದಾರೆ.