ವನಿತಾ ಡಬಲ್ಸ್‌ : ಬಾರ್ಬೊರಾ ಕ್ರೆಜಿಕೋವಾ ಡಬಲ್‌ ಸಾಧನೆ

Team Udayavani, Jun 14, 2021, 12:39 AM IST

ಶನಿವಾರವಷ್ಟೇ ಫ್ರೆಂಚ್‌ ಓಪನ್‌ ವನಿತಾ ಸಿಂಗಲ್ಸ್‌ ಪ್ರಶಸ್ತಿ ಗೆದ್ದು ಮೊದಲ ಗ್ರ್ಯಾನ್ಸ್ಲಾಮ್‌ ಕಿರೀಟ ಏರಿಸಿಕೊಂಡ ಜೆಕ್‌ ಗಣರಾಜ್ಯದ ಬಾರ್ಬೊರಾ ಕ್ರೆಜಿಕೋವಾ ಪ್ಯಾರಿಸ್‌ನಲ್ಲಿ ಅಪರೂಪದ ಅವಳಿ ಸಾಧನೆಗೈದಿದ್ದಾರೆ. ರವಿವಾರದ ವನಿತಾ ಡಬಲ್ಸ್‌ನಲ್ಲೂ ಚಾಂಪಿಯನ್‌ ಆಗಿ ಹೊರಹೊಮಮ್ಮಿದ್ದಾರೆ.

ಕ್ಯಾಥರಿನಾ ಸಿನಿಯಕೋವಾ-ಬಾರ್ಬೊರಾ ಕ್ರೆಜಿಕೋವಾ ಜೋಡಿ ಪ್ರಶಸ್ತಿ ಸಮರದಲ್ಲಿ ಪೋಲೆಂಡ್‌ನ‌ ಐಗಾ ಸ್ವಿಯಾಟೆಕ್‌-ಅಮೆರಿಕದ ಬೆಥನಿ ಮಾಟೆಕ್‌ ಸ್ಯಾಂಡ್ಸ್‌ ವಿರುದ್ಧ 6-4, 6-2 ನೇರ ಸೆಟ್‌ಗಳ ಜಯ ಸಾಧಿಸಿತು.

ಈ ಪರಾಕ್ರಮದೊಂದಿಗೆ 2000ದ ಬಳಿಕ ಫ್ರೆಂಚ್‌ ಓಪನ್‌ ವನಿತಾ ಸಿಂಗಲ್ಸ್‌, ಡಬಲ್ಸ್‌ ಪ್ರಶಸ್ತಿಗಳೆಡರ ಮೇಲೂ ಹಕ್ಕು ಚಲಾಯಿಸಿದ ಮೊದಲ ಆಟಗಾರ್ತಿ ಎಂಬ ಹಿರಿಮೆ ಕ್ರೆಜಿಕೋವಾ ಅವರದಾಯಿತು. ಅಂದು ಫ್ರಾನ್ಸ್‌ನ ಮೇರಿ ಪಿಯರ್ ಈ ಹಿರಿಮೆಗೆ ಪಾತ್ರರಾಗಿದ್ದರು.

ಇದು ಕ್ರೆಜಿಕೋವಾ-ಸಿನಿಯಕೋವಾ ಜೋಡಿಗೆ ಒಲಿದ ದ್ವಿತೀಯ ಫ್ರೆಂಚ್‌ ಓಪನ್‌ ಪ್ರಶಸ್ತಿ. ಇವರು 2018ರಲ್ಲೂ ಚಾಂಪಿಯನ್‌ ಆಗಿ ಮೂಡಿಬಂದಿದ್ದರು.