ಪೂರ್ಣ ಅನ್‌ಲಾಕ್‌ ಮುನ್ನವೇ ರಸ್ತೆಗಳು ಸಂಚಾರಕ್ಕೆ ಮುಕ್ತವಾಗಲಿ

Team Udayavani, Jun 14, 2021, 5:43 PM IST

ನಗರದ ಅರಮನೆ ರಸ್ತೆ, ರೇಸ್‌ ಕೋರ್ಸ್‌, ನೆಹರುತಾರಾಲಯ, ಮಿಲ್ಲರ್ಸ್‌, ರಾಜಭವನ, ಅವೆನ್ಯೂ, , ಕಮರ್ಸಿಯಲ್‌ ಸ್ಟ್ರೀಟ್‌, ಜುಮ್ಮಾ ಮಸೀದಿ,ಕಾಮರಾಜ ರಸ್ತೆ, ಎನ್‌.ಆರ್‌.ರಸ್ತೆ, ಸೆಂಟ್ರಲ್‌ ಸ್ಟ್ರೀಟ್‌,ಬೌರಿಂಗ್‌ ರಸ್ತೆ ಸೇರಿದಂತೆ ಹಲವು ಪ್ರಮುಖ ರಸ್ತೆಗಳಲ್ಲಿಪಾಲಿಕೆ ಮತ್ತು ಸ್ಮಾರ್ಟ್‌ ಸಿಟಿಯಿಂದ ಟೆಂಡರ್‌ ಶೂರ್‌ಕಾಮಗಾರಿ ನಡೆಯುತ್ತಿವೆ. ಈ ರಸ್ತೆಗಳ ಅಭಿವೃದ್ಧಿ ಕಾಮಗಾರಿ ಶೀಘ್ರವಾಗಿ ಮುಕ್ತಾಯಗೊಳಿಸಿ ಸಂಚಾರಕ್ಕೆಅನುವು ಮಾಡಿಕೊಡಬೇಕಿದೆ.

ಅಪೂರ್ಣ ಕಾಮಗಾರಿ: ಟೆಂಡರ್‌ ಶೂರ್‌ ಮಾದರಿಯಲ್ಲಿಅಭಿವೃದ್ಧಿಪಡಿಸುತ್ತಿರುವ ರಸ್ತೆ ಕಾಮಗಾರಿಅಪೂರ್ಣವಾಗಿಲ್ಲ. ಕಾಮಗಾರಿಗಾಗಿ ರಸ್ತೆ, ಫುಟ್‌ಪಾತ್‌ಗಳನ್ನು ಅಗೆಯಲಾಗಿದೆ. ಡಕ್ಟ್ಗಳ ಅಳವಡಿಕೆಗೆ ತೆಗೆದಗುಂಡಿಗಳನ್ನು ಮುಚ್ಚಿಲ್ಲ. ರಸ್ತೆಯ ತುಂಬೆಲ್ಲ ಫುಟ್‌ಪಾತ್‌ಗಳಲ್ಲಿ ಜಲ್ಲಿ, ಮರಳು, ಬೃಹತ್‌ ಗಾತ್ರದ ಕೊಳವೆಗಳನ್ನುಇರಿಸಲಾಗಿದೆ.

ರಸ್ತೆಗಳೆಲ್ಲ ಕಿರಿದುಗೊಂಡಿದ್ದು, ಸಂಚಾರಕ್ಕಷ್ಟೇ ಅಲ್ಲದೆ, ಜನರ ಓಡಾಟಕ್ಕೂ ಜಾಗವಿಲ್ಲದಂತಾಗಿದೆಎಂದು ಸ್ಥಳೀಯರು ಆರೋಪಿಸಿದ್ದಾರೆ.

ಸಾರ್ವಜನಿಕರು, ವಾಹನ ಓಡಾಟಕ್ಕಿರುವ ಸಮಸ್ಯೆಗಳು:ಕಾಮಗಾರಿ ಸ್ಥಳಗಳಲ್ಲಿ ಕಣ್ಣಾಯಿಸಿದಷ್ಟು ಸಮಸ್ಯೆಗಳಿವೆ.ಲಾಕ್‌ಡೌನ್‌ ಹಿನ್ನೆಲೆ ಕಾರ್ಮಿಕರ ಕೊರತೆಯಿಂದ ಕಾಮಗಾರಿಗಳು ಕುಂಠಿತವಾಗಿವೆ.  ಹೀಗಾಗಿ,ರಸ್ತೆ ಅಗೆದಿರುವ ಸ್ಥಳಗಳಲ್ಲಿನ ಡೆಬ್ರಿಸ್‌ ಮತ್ತು ಬ್ಯಾರಿಕೇಡ್‌ ಕಣ್ಮರೆ ಯಾಗಿವೆ. ಸಂಗ್ರಹಿಸದ ಸಾಮಗ್ರಿಗಳು ಅಲ್ಲೇ ಉಳಿದಿವೆ. ಮ್ಯಾನ್‌ಹೋಲ್‌, ಚರಂಡಿಗಳು ಪ್ರಾಣಬಲಿ ಗಾಗಿಬಾಯೆ¤ರೆ ದಿವೆ. ಕಾಮಗಾರಿ ಪೂರ್ಣಗೊಂಡರೂ ಅಗೆದ ಗುಂಡಿ ಮತ್ತು ಟ್ರೆಂಚ್‌ಹಾಕದಿರುವುದರಿಂದ ವಾಹನ ಸವಾರರಿಗೆ ಅಪಘಾತದ ಭೀತಿಯಿದೆ. ಹಲವೆಡೆ ಟ್ರಾ®Õ…ಫಾರ್ಮರ್‌ ಸ್ಥಳಾಂತರಿಸದಿರುವುದರಿಂದ ಸ್ಥಳೀಯರು ನಿತ್ಯ ಸಾವಿನ ಭಯದಲ್ಲೇಜೀವಿಸುತ್ತಿದ್ದಾರೆ.

ಆಯುಕ್ತರ ಸೂಚನೆಗೂ ಎಚ್ಚೆತ್ತುಕೊಂಡಿಲ್ಲ

ಕಾಮಗಾರಿ ಸ್ಥಳಗಳಲ್ಲಿ ಸುಗಮ ವಾಹನ ಸಂಚಾರಕ್ಕೆ ಅವಕಾಶ ಕಲ್ಪಿಸು ವಂತೆ ಪಾಲಿಕೆ ಆಯುಕ್ತಗೌರವ್‌ ಗುಪ್ತ ಅವರು, ಪ್ರಧಾನ ಅಭಿಯಂತರರು, ಎಂಟು ವಲಯಗಳ ಮುಖ್ಯಅಭಿಯಂತರರಿಗೆ ಸೂಚಿಸಿದ್ದಾರೆ.

ಆದರೆ, ಎರಡನೇ ಶನಿವಾರ ಹಾಗೂ ಭಾನುವಾರ ರಜೆ ಇದ್ದಕಾರಣ ಅಧಿಕಾರಿಗಳು ಕಾಮಗಾರಿ ಸ್ಥಳಗಳತ್ತ ಹೆಜ್ಜೆ ಹಾಕಿಲ್ಲ. ಹೀಗಾಗಿ, ಕಾಮಗಾರಿ ಸ್ಥಳದಲ್ಲಿನ ಡೆಬ್ರಿಸ್‌, ಸಂಗ್ರಹಿಸದ ಸಾಮಗ್ರಿಗಳು ಅಲ್ಲೇ ಉಳಿದಿವೆ. ಮ್ಯಾನ್‌ಹೋಲ್‌, ಚರಂಡಿ, ರಸ್ತೆಅಗೆದ ಗುಂಡಿ ಮುಚ್ಚಿಲ್ಲ ಮತ್ತು ಟ್ರೆಂಚ್‌ ಹಾಕ್ಕಿಲ್ಲ. ಕೊರೊನಾ ಕೆಲಸದಿಂದ ಹೊರಬಂದು,ಪಾಲಿಕೆ, ಸ್ಮಾರ್ಟ್‌ಸಿಟಿ ಮತ್ತು ಜಲಮಂಡಳಿ ಅಧಿಕಾರಿಗಳು ಸಮನ್ವಯತೆಯೊಂದಿಗೆಸಮಸ್ಯೆಗಳನ್ನು ಪರಿಹರಿಸಬೇಕಿದೆ ಎಂಬುದು ಸಾರ್ವಜನಿಕರ ಅಭಿಪ್ರಾಯವಾಗಿದೆ

ಬ್ಯಾರಿಕೇಡ್‌ಗಳಿಲ್ಲ

ಕಾಮಗಾರಿ ನಡೆಯುತ್ತಿರುವ ಕೆಲವೇಕೆಲವು ಜಾಗಗಳಲ್ಲಿ ಮಾತ್ರ ಬ್ಯಾರಿಕೇಡ್‌ಗಳನ್ನು ಹಾಕಲಾಗಿದೆ. ಅದನ್ನು ಹೊರತುಪಡಿಸಿ ಕೆಲವೆಡೆ ಬ್ಯಾರಿಕೇಡ್‌ಗಳೇ ಇಲ್ಲ.ಶಿವಾನಂದ ವೃತ್ತ, ಇನ್‌ ಫ್ಯಾಂಟ್ರಿ ರಸ್ತೆ ಸೇರಿಕೆಲ ರಸ್ತೆಗಳಲ್ಲಿ ಕೆಲವು ಕಡೆ ರಸ್ತೆ ಅಗೆದಿರುವಜಾಗದಲ್ಲಿ ಬ್ಯಾರಿಕೇಡ್‌ ಗಳನ್ನು ಹಾಕಿಲ್ಲ.

ಮೋಹನ್‌ ಭದ್ರಾವತಿ

ವಿಕಾಸ್‌ ಆರ್‌. ಪಿಟ್ಲಾಳಿ