ವಿಂಬಲ್ಡನ್‌ ಡ್ರಾ : ಮೊದಲ ಸುತ್ತಿನಲ್ಲಿ ಜೊಕೋಗೆ ಸುಲಭ ಎದುರಾಳಿ

Team Udayavani, Jun 25, 2021, 11:01 PM IST

ಲಂಡನ್‌: ವಿಂಬಲ್ಡನ್‌ ಡ್ರಾ ಪ್ರಕಟಗೊಂಡಿದ್ದು, ಹಾಲಿ ಚಾಂಪಿಯನ್‌ ನೊವಾಕ್‌ ಜೊಕೋವಿಕ್‌ ಮೊದಲ ಸುತ್ತಿನಲ್ಲಿ ಸುಲಭ ಸವಾಲು ಪಡೆದಿದ್ದಾರೆ. ಬ್ರಿಟನ್ನಿನ ವೈಲ್ಡ್‌ ಕಾರ್ಡ್‌ ಆಟಗಾರ ಜಾಕ್‌ ಡ್ರಾಪರ್‌ ವಿರುದ್ಧ ಆಡಲಿದ್ದಾರೆ. ಡ್ರಾಪರ್‌ಗೆ ಇದು ಪದಾರ್ಪಣ ಗ್ರ್ಯಾನ್‌ಸ್ಲಾಮ್‌ ಆಗಿದೆ.

ಇಲ್ಲಿ 8 ಸಲ ಚಾಂಪಿಯನ್‌ ಆಗಿರುವ ರೋಜರ್‌ ಫೆಡರರ್‌ ಅವರ ಪ್ರಥಮ ಸುತ್ತಿನ ಎದುರಾಳಿ ಫ್ರಾನ್ಸ್‌ನ ಆ್ಯಡ್ರಿಯನ್‌ ಮನ್ನಾರಿನೊ.

ಕಳೆದ ಸಲದ ರನ್ನರ್ ಅಪ್‌ ಸೆರೆನಾ ವಿಲಿಯಮ್ಸ್‌ ಬೆಲರೂಸ್‌ನ ಅಲಿಯಕ್ಸಾಂಡ್ರಾ ಸಾಸ್ನೋವಿಕ್‌. ಅಗ್ರ ಶ್ರೇಯಾಂಕದ ಆ್ಯಶ್ಲಿ ಬಾರ್ಟಿ ಸ್ಪೇನಿನ ಕಾರ್ಲಾ ಸೂರೆಜ್‌ ನವಾರೊ. ಕ್ಯಾನ್ಸರ್‌ ಗೆದ್ದ ಬಳಿಕ ನವಾರೊ ಆಡುತ್ತಿರುವ ಎರಡನೇ ಗ್ರ್ಯಾನ್‌ಸ್ಲಾಮ್‌ ಕೂಟ ಇದಾಗಿದೆ.

ಇದನ್ನೂ ಓದಿ :ಒಲಿಂಪಿಕ್ಸ್‌: ಭಾರತ ತಂಡಕ್ಕೆ ಜೆಎಸ್‌ಡಬ್ಲ್ಯು ಪ್ರಾಯೋಜಕತ್ವ