ವಿಂಬಲ್ಡನ್‌ ಪಂದ್ಯಾಟ : ಮೂರನೇ ಸುತ್ತಿಗೇರಿದ ನೊವಾಕ್‌ ಜೊಕೋವಿಕ್‌

Team Udayavani, Jun 30, 2021, 10:40 PM IST

ಲಂಡನ್‌ : ದಕ್ಷಿಣ ಆಫ್ರಿಕಾದ ಕೆವಿನ್‌ ಆ್ಯಂಡರ್ಸನ್‌ ವಿರುದ್ಧ ನೇರ ಸೆಟ್‌ ಜಯಗಳಿಸುವ ಮೂಲಕ ಹಾಲಿ ಚಾಂಪಿಯನ್‌ ನೊವಾಕ್‌ ಜೊಕೋವಿಕ್‌ ವಿಂಬಲ್ಡನ್‌ ಪಂದ್ಯಾವಳಿಯ ಮೂರನೇ ಸುತ್ತು ಪ್ರವೇಶಿಸಿದ್ದಾರೆ. ಅವರು 6-3, 6-3, 6-3 ಅಂತರದ ಮೇಲುಗೈ ಸಾಧಿಸಿದರು.

ಇದು 2018ರ ಫೈನಲ್‌ ಪಂದ್ಯದ ಪುನರಾವರ್ತನೆ ಆಗಿತ್ತು. ಆ್ಯಂಡರ್ಸನ್‌ 2 ಗ್ರಾನ್‌ಸ್ಲಾಮ್‌ ಪಂದ್ಯಾವಳಿಯ ರನ್ನರ್ ಅಪ್‌ ಆಗಿದ್ದಾರೆ. ಇಲ್ಲಿ ಕೇವಲ ಒಂದು ಗಂಟೆ, 41 ನಿಮಿಷಗಳಲ್ಲಿ ಶರಣಾಗತಿ ಸಾರಿದರು.

ಇದೇ ವೇಳೆ ಆಸ್ಟ್ರೇಲಿಯದ ನಿಕ್‌ ಕಿರ್ಗಿಯೋಸ್‌, ಜೋರ್ಡನ್‌ ಥಾಮ್ಸನ್‌; ಅಮೆರಿಕದ ನೂರಿ, ಇಟಲಿಯ ಬೆರೆಟಿನಿ, ಬಲ್ಗೇರಿಯಾದ ಡಿಮಿಟ್ರೋವ್‌, ಫ್ರಾನ್ಸ್‌ನ ಮಾನ್‌ಫಿಲ್ಸ್‌, ಜಪಾನಿನ ಯೊಶಿಹಿಟೊ ನಿಶಿಯೋಕ ಮೊದಲ ಸುತ್ತು ದಾಟುವಲ್ಲಿ ಯಶಸ್ವಿಯಾಗಿದ್ದಾರೆ. ನಿಶಿಯೋಕ ಅಮೆರಿಕದ ಬಿಗ್‌ ಸರ್ವರ್‌ ಖ್ಯಾತಿಯ ಜಾನ್‌ ಇಸ್ನರ್‌ಗೆ ಸೋಲುಣಿಸಿ ಅಚ್ಚರಿಯ ಫಲಿತಾಂಶ ದಾಖಲಿಸಿದರು.

ಇದನ್ನೂ ಓದಿ :ದೇಶದ ಆರ್ಥಿಕತೆ ಕುಸಿತ ಹಿನ್ನೆಲೆ : ವೆಚ್ಚ ಕಡಿತಕ್ಕೆ ಕೇಂದ್ರ ಹಣಕಾಸು ಇಲಾಖೆ ಸೂಚನೆ

ಸ್ವಿಟೋಲಿನಾ ಮುನ್ನಡೆ
ವನಿತಾ ಸಿಂಗಲ್ಸ್‌ನಲ್ಲಿ 3ನೇ ಶ್ರೇಯಾಂಕದ ಎಲೆನಾ ಸ್ವಿಟೋಲಿನಾ 6-3, 2-6, 6-3 ಅಂತರದಿಂದ ಬೆಲ್ಜಿಯಂನ ಅಲಿಸನ್‌ ವಾನ್‌ ವಿಟ್ವಾಂಕ್‌ ವಿರುದ್ಧ ಜಯ ಸಾಧಿಸಿದರು.