ತೋಟದಲ್ಲಿ ಮೊಸಳೆ ಪ್ರತ್ಯಕ್ಷ

Team Udayavani, Jul 2, 2021, 8:33 PM IST

ಚಿಕ್ಕೋಡಿ: ನಿಪ್ಪಾಣಿ ತಾಲೂಕಿನ ಬೇಡಕಿಹಾಳ ಗ್ರಾಮದ ಹೋರವಲಯದ ಗಳತಗಾ ರಸ್ತೆ ಮಾರ್ಗದ ಬೆಳ್ಳೆ ಎಂಬುವರ ತೋಟದ ಪರಿಸರದಲ್ಲಿ ಎಂಟು ಅಡಿ ಉದ್ದದ ಮೋಸಳೆ ಪ್ರತ್ಯಕ್ಷವಾಗಿದೆ. ಇದರಿಂದ ರೈತರಲ್ಲಿ ಆತಂಕ ಮೂಡಿಸಿದೆ.

ಮೊಸಳೆಯ ಸುದ್ದಿ ತಿಳಿದಂತೆ ಸುತ್ತಮುತ್ತಲಿನ ರೈತರು ಜಮಾಯಿಸುತ್ತಿದ್ದಂತೆ ಗದ್ದಲ ಕೇಳಿ ಮೊಸಳೆ ಹತ್ತಿರದ ಬಾವಿಯಲ್ಲಿ ಜಿಗಿಯಿತು. ಗ್ರಾಪಂ ಸದಸ್ಯ ಸಚಿನ ಪಾಟೀಲ ಗ್ರಾಪಂಗೆ ವಿಷಯ ತಿಳಿಸಿ ಅರಣ್ಯ ಇಲಾಖೆಗೆ ಮಾಹಿತಿ ಒದಗಿಸಿದರು. ಅರಣ್ಯ ಇಲಾಖೆ ಅಧಿ ಕಾರಿಗಳಾದ ಪ್ರಶಾಂತ ತಳವಾರ ಮತ್ತು ಬಿ.ಬಿ.ವಾರಕೆ ಸ್ಥಳಕ್ಕೆ ಆಗಮಿಸಿ, ಬಾವಿಯಲ್ಲಿನ ಮೊಸಳೆಯನ್ನು ಹಿಡಿಯಲು ಬ್ಯಾರಲ್‌ ಬಿಟ್ಟು ಪ್ರಯತ್ನಿಸಿದರೂ ಪ್ರಯೋಜನವಾಗಲಿಲ್ಲ. ಬಾವಿಯಲ್ಲಿನ ನೀರು ತಗೆದರೂ ನಂತರ ಮೊಸಳೆ ಬಾವಿಯಲ್ಲಿರಲಿಲ್ಲ. ಇದು ಸಾರ್ವಜನಿಕರ ಆತಂಕ ಹೆಚ್ಚಿಸಿದೆ.

ಗ್ರಾಪಂ ಸದಸ್ಯ ಮನೋಜ ಜಾಧವ, ಶಿವಾನಂದ ಬಿಜಲೆ, ಪ್ರಶಾಂತ ಪಾಟೀಲ, ಬಾಳಾಸಾಹೇಬ ಬೆಲ್ಲೆ, ಸಚೀನ ಬೆಲ್ಲೆ ಸೇರಿದಂತೆ ಅರಣ್ಯ ಇಲಾಖೆಯಯವರು ಇದ್ದರು.