ವಿಂಬಲ್ಡನ್‌: ಅಂಕಿತಾ ಜೋಡಿಯನ್ನು ಮಣಿಸಿದ ಸಾನಿಯಾ ಜೋಡಿ

Team Udayavani, Jul 3, 2021, 7:55 AM IST

ಲಂಡನ್‌: “ಆಲ್‌ ಇಂಡಿಯನ್‌’ ವಿಂಬಲ್ಡನ್‌ ಸ್ಪರ್ಧೆಯಲ್ಲಿ ಸಾನಿಯಾ ಮಿರ್ಜಾ-ರೋಹನ್‌ ಬೋಪಣ್ಣ ಗೆಲುವಿನ ಓಟ ಆರಂಭಿಸಿದ್ದಾರೆ. ಶುಕ್ರವಾರದ ಮಿಶ್ರ ಡಬಲ್ಸ್‌ನಲ್ಲಿ ಇವರು ಅಂಕಿತಾ ರೈನಾ-ರಾಮ್‌ಕುಮಾರ್‌ ರಾಮನಾಥನ್‌ ವಿರುದ್ಧ 6-2, 7-6 (7-5) ಅಂತರದ ಜಯದೊಂದಿಗೆ ದ್ವಿತೀಯ ಸುತ್ತು ತಲುಪಿದರು.

ಮೊದಲ ಸೆಟ್‌ನಲ್ಲಿ ಸುಲಭ ಮೇಲುಗೈ ಸಾಧಿಸಿದ ಸಾನಿಯಾ-ಬೋಪಣ್ಣ ಜೋಡಿಗೆ ದ್ವಿತೀಯ ಸೆಟ್‌ನಲ್ಲಿ ತೀವ್ರ ಪ್ರತಿರೋಧ ಎದುರಾಯಿತು. ಇದು ಟೈ ಬ್ರೇಕರ್‌ಗೆ ಹೊರಳಿತು. ಆದರೆ ಸಾನಿಯಾ-ಬೋಪಣ್ಣ ಅವರ ಅನುಭವ ಇಲ್ಲಿ ನೆರವಿಗೆ ಬಂತು.

ಮಾರ್ಟನ್‌ ಫುಕ್ಸೋವಿಕ್ಸ್‌-ಟೈಮಿಯ ಬಬೋಸ್‌ ಕಡೇ ಗಳಿಗೆಯಲ್ಲಿ ಹಿಂದೆ ಸರಿದ ಕಾರಣ ಅಂಕಿತಾ-ರಾಮ್‌ಕುಮಾರ್‌ ಜೋಡಿಗೆ ಮಿಶ್ರ ಡಬಲ್ಸ್‌ ನಲ್ಲಿ ಆಡುವ ಅವಕಾಶ ಲಭಿಸಿತ್ತು.

ಇದನ್ನೂ ಓದಿ:ಬಿ ಸ್ಯಾಂಪಲ್‌’ ಫ‌ಲಿತಾಂಶವೂ ಪಾಸಿಟಿವ್‌ : ಸುಮಿತ್‌ ಮಲಿಕ್‌ಗೆ ಎರಡು ವರ್ಷ ನಿಷೇಧ

ಇಲ್ಲಿ ಸಾನಿಯಾ ಜೋಡಿ ಅಂಕಿತಾ ಜೋಡಿಯನ್ನು ಮಣಿಸಿದರೂ ಟೋಕಿಯೊ ಒಲಿಂಪಿಕ್ಸ್‌ನಲ್ಲಿ ಸಾನಿಯಾ ಮಿರ್ಜಾ-ಅಂಕಿತಾ ರೈನಾ ಅವರೇ ಭಾರತದ ವನಿತಾ ಡಬಲ್ಸ್‌ ಸ್ಪರ್ಧಿಗಳಾಗಿದ್ದಾರೆಂಬುದು ವಿಶೇಷ.

ಸಾನಿಯಾ-ಬೋಪಣ್ಣ ದ್ವಿತೀಯ ಸುತ್ತಿನಲ್ಲಿ ಫ್ರಾನ್ಸ್‌ನ ಕ್ರಿಸ್ಟಿನಾ ಲಡೆನೋವಿಕ್‌-ನಿಕೋಲಸ್‌ ಮಹುತ್‌ ವಿರುದ್ಧ ಸೆಣಸಲಿದ್ದಾರೆ