ಸಿಂಪಲ್ಲಾಗೊಂದು ‘ರಾಯಗಡ’ ಸ್ಟೋರಿ : ಇದು ಗಣಿ-ಸುನಿ ಜೋಡಿಯ ಮತ್ತೊಂದು ಸಿನಿಮಾ  

Team Udayavani, Jul 3, 2021, 3:30 PM IST

ಬೆಂಗಳೂರು: ನಿನ್ನೆಯಷ್ಟೆ ಹುಟ್ಟುಹಬ್ಬ ಆಚರಿಸಿಕೊಂಡ ಗೋಲ್ಡನ್ ಸ್ಟಾರ್ ಗಣೇಶ್ ಅವರ ಕೈಯಲ್ಲಿ ಇದೀಗ ಸಾಲು ಸಾಲು ಸಿನಿಮಾಗಳಿವೆ. ಒಂದಿಷ್ಟು ಶೂಟಿಂಗ್ ಹಂತದಲ್ಲಿದ್ದರೆ, ಮತ್ತೊಂದಿಷ್ಟು ಇನ್ನಷ್ಟೆ ಮುಹೂರ್ತ ಮಾಡಿಕೊಳ್ಳಲಿವೆ.

ಗಣಿ ಹುಟ್ಟು ಹಬ್ಬದ ಪ್ರಯುಕ್ತ ಬಿಡುಗಡೆಯಾಗಿರುವ ‘ರಾಯಗಡ’ ಚಿತ್ರದ ಪೋಸ್ಟರ್ ಇದೀಗ ಗಾಂಧಿ ನಗರದಲ್ಲಿ ಸಂಚಲನ ಮೂಡಿಸುತ್ತಿದೆ. ಕನ್ನಡ ಸಿನಿ ರಸಿಕರ ಕುತೂಹಲ ಕೆರಳಿಸುತ್ತಿರುವ ರಾಯಗಡ ಫಸ್ಟ್ ಲುಕ್ ಚಿಂದಿ ಉಡಾಯಿಸುವಂತಿದೆ.

ಕನ್ನಡ ಸಿನಿಮಾಭಿಮಾನಿಗಳಿಗೆ ‘ಚಮಕ’ ನೀಡಿ ಮನರಂಜನೆಯ ರಸದೌತನ ಉಣಬಡಿಸಿದ್ದ ಗಣಿ ಆಂಡ್ ಸುನಿ ಜೋಡಿ ‘ಸಖತ್’ ಸಿನಿಮಾದಲ್ಲಿಯೂ ಕೆಲಸ ಮಾಡುತ್ತಿದೆ. ‘ಸಖತ್’ ಜೊತೆಗೆ ‘ರಾಯಗಡ’ ಸ್ಟೋರಿ ಹೇಳಲು ರೆಡಿಯಾಗಿರುವ ನಿರ್ದೇಶಕ ಸುನಿ, ಈ ಚಿತ್ರಕ್ಕೆ ಮಳೆ ಹುಡುಗ ಗಣೇಶ್ ಅವರನ್ನೇ ನಾಯಕ ನಟರನ್ನಾಗಿ ಸೆಲೆಕ್ಟ್ ಮಾಡಿಕೊಂಡಿದ್ದಾರೆ. ನಿನ್ನೆಯಷ್ಟೆ ಬಿಡುಗಡೆಯಾಗಿರುವ ಈ ಚಿತ್ರದ ಮೊದಲ ನೋಟ ಅಭಿಮಾನಿಗಳಿಗೆ ಸಖತ್ ಇಷ್ಟವಾಗಿದೆ.  

ಇನ್ನು ನಟ ಗಣೇಶ್ ಅವರು ಸದ್ಯ ಗಾಳಿಪಟ-2, ಸಖತ್ ಸಿನಿಮಾ ಶೂಟಿಂಗ್ ನಲ್ಲಿ ಬ್ಯುಸಿಯಾಗಿದ್ದಾರೆ. ಇದರ ಜೊತೆಗೆ ರಾಯಗಡ ಸಿನಿಮಾದಲ್ಲೂ ತೊಡಗಿಸಿಕೊಳ್ಳಲಿದ್ದಾರೆ.