ಕರ್ನಾಟಕದ ನೂತನ ರಾಜ್ಯಪಾಲರಾಗಿ ತಾವರ್ ಚಂದ್ ಗೆಹ್ಲೋಟ್ ನೇಮಕ

Team Udayavani, Jul 6, 2021, 12:23 PM IST

ಬೆಂಗಳೂರು: ಕರ್ನಾಟಕ ರಾಜ್ಯದ ನೂತನ ರಾಜ್ಯಪಾಲರಾಗಿ ಕೆಂದ್ರ ಸಚಿವರಾಗಿದ್ದ ತಾವರ್ ಚಂದ್ ಗೆಹ್ಲೋಟ್ ನೇಮಕವಾಗಿದ್ದಾರೆ.

ಕರ್ನಾಟಕ ಸೇರಿದಂತೆ 8 ರಾಜ್ಯಗಳಿಗೆ ನೂತನ ರಾಜ್ಯಪಾಲರ ನೇಮಕವಾಗಿದ್ದು, ತಾವರ್ ಚಂದ್ ಗೆಹ್ಲೋಟ್ ಕೇಂದ್ರ ಸಾಮಾಜಿಕ, ನ್ಯಾಯ ಸಬಲೀಕರಣ ಸಚಿವರಾಗಿದ್ದರು.

2014ರಿಂದ ಕರ್ನಾಟಕದ ರಾಜ್ಯಪಾಲರಾಗಿದ್ದ ವಜುಭಾಯಿವಾಲಾ ಅವರ ಅವಧಿ ಪೂರ್ಣಗೊಂಡಿದೆ, ಈ ಸ್ಥಾನಕ್ಕೆ  ತಾವರ್ ಚಂದ್ ಗೆಹ್ಲೋಟ್  ನೇಮಕವಾಗಿದ್ದು,  ಇವರು ಮೂರು ಬಾರಿ ಮಧ್ಯಪ್ರದೇಶ ಶಾಸಕರಾಗಿ, ನಾಲ್ಕು ಬಾರಿ ಲೋಕಸಭಾ ಸದಸ್ಯರಾಗಿ ಆಯ್ಕೆಯಾಗಿದ್ದರು. ಈಗ ರಾಜ್ಯಸಭೆಯ ಸದಸ್ಯರು.

8 ರಾಜ್ಯಗಳ ನೂತನ ರಾಜ್ಯಪಾಲರು

• ಮಿಜೋರಾಮ್ ರಾಜ್ಯಪಾಲರಾಗಿದ್ದ ಪಿ. ಎಸ್ ಶ್ರೀಧರನ್ ಪಿಳೈ ಗೋವಾದ ಗವರ್ನರ್ ಆಗಿ ಅಧಿಕಾರ ವಹಿಸಿಕೊಳ್ಳಲಿದ್ದಾರೆ.
• ಹರ್ಯಾಣದ ರಾಜ್ಯಪಾಲರಾಗಿದ್ದ ಸತ್ಯದೇವ್ ನಾರಾಯಣ್ ಆರ್ಯ , ತ್ರಿಪುರಾದ ಗವರ್ನರ್ ಆಗಿ ಅಧಿಕಾರ ವಹಿಸಿಕೊಳ್ಳಲಿದ್ದಾರೆ.
• ತ್ರಿಪುರಾದ ಗವರ್ನರ್‍ ಆಗಿದ್ದ ರಮೇಶ್ , ಜಾರ್ಖಂಡ್ ನ ರಾಜ್ಯಪಾಲರಾಗಿ ವರ್ಗಾವಣೆಗೊಂಡಿದ್ದಾರೆ.
• ಕರ್ನಾಟಕ: ತಾವರ್ ಚಂದ್ ಗೆಹ್ಲೋಟ್
• ಹಿಮಾಚಲ್ ಪ್ರದೇಶದ ರಾಜ್ಯಪಾಲರಾಗಿದ್ದ ಬಂಡಾರು ದತ್ತಾತ್ರೇಯ , ಹರ್ಯಾಣದ ಗವರ್ನರ್ ಆಗಿ ವರ್ಗಾವಣೆಗೊಂಡಿದ್ದಾರೆ.
• ಮಿಜೋರಾಂ- ಡಾ. ಹರಿಬಾಬು ಕಂಬಾಮ್ ಪತಿ
• ಮಧ್ಯಪ್ರದೇಶ- ಮಂಗುಭಾಯ್ ಚಗಾನ್ ಭಾಯ್ ಪಟೇಲ್
• ಹಿಮಾಚಲ್ ಪ್ರದೇಶ- ರಾಜೇಂದ್ರ ವಿಶ್ವನಾಥ್ ಅಲೇಕಾರ್