ಸುರತ್ಕಲ್: ರಸ್ತೆಗೆ ಕುಸಿದುಬಿದ್ದ ವಿದ್ಯುತ್ ಟ್ರಾನ್ಸ್ ಫಾರ್ಮರ್, ಐದು ಕಂಬಗಳು

Team Udayavani, Jul 8, 2021, 11:59 AM IST

ಸುರತ್ಕಲ್: ಸುರತ್ಕಲ್ ಹೊರವಲಯದ ಚೇಳ್ಯಾರು ಬಳಿ ಬುಧವಾರ ರಾತ್ರಿ ಸುರಿದ ಭಾರೀ ಮಳೆಗೆ ಮಣ್ಣು ಕುಸಿದ ಪರಿಣಾಮ ವಿದ್ಯುತ್ ಟ್ರಾನ್ಸ್ ಫಾರ್ಮರ್ ಸಹಿತ ಅದಕ್ಕೆ ಜೋಡಣೆಯಲ್ಲಿರುವ ಐದು ವಿದ್ಯುತ್ ಸರಬರಾಜು ಕಂಬಗಳು ಧರೆಗೆ ಉರುಳಿದ್ದು ವಿದ್ಯುತ್ ಸರಬರಾಜು ಸ್ಥಗಿತಗೊಂಡಿದೆ.

ಚೇಳ್ಯಾರು ಕಾಲನಿಯಲ್ಲಿ ವಿದ್ಯುತ್ ಸಂಪರ್ಕಕ್ಕೆ ಸಂಪೂರ್ಣ ತಡೆಯಾಗಿದೆ. ಪಂಚಾಯತ್ ಕಚೇರಿಗೆ ಹೋಗುವ ಮುಖ್ಯ  ರಸ್ತೆ ಬಳಿ ರಾತ್ರಿ ವೇಳೆ ಘಟನೆ ನಡೆದಿದ್ದು ಸಂಭಾವ್ಯ ಅಪಾತ ತಪ್ಪಿದೆ. ಹಗಲು ಈ ರಸ್ತೆಯಲ್ಲಿ ವಾಹನ ಓಡಾಟ ಹೆಚ್ಚಿರುತ್ತಿದ್ದು ಸಾರ್ವಜನಿಕರು ಈ ಘಟನೆ ಕಂಡು ಹಗಲು ನಡೆದಿದ್ದರೆ ಅಪಾಯವಾಗುತ್ತಿತ್ತು ಎಂದಿದ್ದಾರೆ.

ಇದನ್ನೂ ಓದಿ:ಸುರತ್ಕಲ್: ಸಿನಿಮೀಯ ರೀತಿಯಲ್ಲಿ ಕಾರು ಚಲಾಯಿಸಲು ಹೋಗಿ ಫಜೀತಿಗೆ ಸಿಲುಕಿದ ಬೆಂಗಳೂರಿನ ಯುವಕರು

ರಸ್ತೆ ಅಗಲೀಕರಣ ಸಂದರ್ಭ ವಿದ್ಯುತ್ ಕಂಬದ ವ್ಯವಸ್ಥೆ ದುರ್ಬಲಗೊಂಡಿರ ಬಹುದು ಎಂದು ಅಂದಾಜಿಸಲಾಗಿದೆ.