ಹೊಸಬರ ಜೊತೆ ಶಶಾಂಕ್‌ ಲವ್‌ ಸ್ಟೋರಿ

Team Udayavani, Jul 12, 2021, 1:23 PM IST

ನಿರ್ದೇಶಕ ಶಶಾಂಕ್‌ ಹೊಸಬರ ಜೊತೆ ಸಿನಿಮಾ ಮಾಡಲು ಮುಂದಾಗಿರುವ ಸುದ್ದಿಯನ್ನು ನೀವು ಓದಿರುತ್ತೀರಿ. ಈಗ ಆ ಚಿತ್ರಕ್ಕೆ ಟೈಟಲ್‌ ಫಿಕ್ಸ್‌ ಆಗಿದೆ. ಅದು “ಲವ್‌ 360′. ಈ ಮೂಲಕ ಮತ್ತೂಂದು ಲವ್‌ಸ್ಟೋರಿ ಮಾಡಲು ಅಣಿಯಾಗಿದ್ದಾ ರೆ.

ಈ ಚಿತ್ರದಲ್ಲಿ ಪ್ರವೀಣ್‌ ಎನ್ನುವ ಹೊಸ ನಾಯಕನನ್ನು ಪರಿಚಯಿಸುತ್ತಿದ್ದಾರೆ. ಚಿತ್ರದ ಬಗ್ಗೆ ಮಾತನಾಡುವ ಶಶಾಂಕ್‌,”ಇದೊಂದು ಇಂಟೆನ್ಸ್‌ ಲವ್‌ ಸ್ಟೋರಿ ಸಿನಿಮಾ. ಪ್ರವೀಣ್‌ ಎನ್ನುವ ಹೊಸ ಪ್ರತಿಭೆಯನ್ನ ಹೀರೋ ಆಗಿ ಈ ಸಿನಿಮಾದಲ್ಲಿ ಪರಿಚಯಿಸುತ್ತಿದ್ದೇವೆ. ಹೀರೋಯಿನ್‌ಗಾಗಿ ಹೊಸ ಟ್ಯಾಲೆಂಟ್‌ ಹುಡುಕಾಟ ನಡೆದಿದೆ. ಉಳಿದಂತೆ ಸಪೋರ್ಟಿಂಗ್‌ ರೋಲ್‌ನಲ್ಲೂ ಬಹುತೇಕ ಹೊಸಬರೇ ಈ ಸಿನಿಮಾದಲ್ಲಿ ಇರುತ್ತಾರೆ. ತುಂಬ ವರ್ಷಗಳ ಕಂಪ್ಲೀಟ್‌ ಹೊಸ ಟ್ಯಾಲೆಂಟ್‌ಗಳನ್ನೇ ಇಟ್ಟುಕೊಂಡು ಇಂಥದ್ದೊಂದು ಸಿನಿಮಾ ಮಾಡೋದಕ್ಕೆ ಖುಷಿಯಾಗುತ್ತಿದೆ. ಈಗಾಗಲೇ ಸ್ಕ್ರಿಪ್ಟ್ ಕೆಲಸಗಳು ಬಹುತೇಕ ಕಂಪ್ಲೀಟ್‌ ಆಗಿದೆ’ ಎನ್ನುತ್ತಾರೆ.

ಇನ್ನು ಈ ಚಿತ್ರದಕಥಾಹಂದರ ಬಗ್ಗೆ ಮಾತನಾಡುವ ಶಶಾಂಕ್‌, “ಇಂದಿನ ಜನರೇಶನ್‌ಗೆ ಕನೆಕ್ಟ್ ಆಗುವಂಥ ಕಥೆ ಈ ಸಿನಿಮಾದಲ್ಲಿದೆ. ಕಥೆ ಮತ್ತು ಮ್ಯೂಸಿಕ್‌ಗೆ ತುಂಬ ಇಂಪಾರ್ಟೆನ್ಸ್‌ ಇರುತ್ತದೆ. ಕಂಪ್ಲೀಟ್‌ ಸಿನಿಮಾ ಮ್ಯೂಸಿಕಲ್‌ ಲವ್‌ಸ್ಟೋರಿ ಆಗಿರುತ್ತದೆ. ಸ್ಮಾಲ್‌ ಟೌನ್‌ನಲ್ಲಿ ನಡೆಯುವಂಥ ಕಥೆಯಲ್ಲಿ,ಊರುಕೂಡ ಒಂದು ಪಾತ್ರವಾಗಿರುತ್ತದೆ. ಅರ್ಜುನ್‌ ಜನ್ಯಾ ಸಿನಿಮಾಕ್ಕೆ ಸಂಗೀತ ಸಂಯೋಜಿಸುತ್ತಿದ್ದಾರೆ’ ಎನ್ನುತ್ತಾರೆ ಶಶಾಂಕ್‌.