ದೇಶದ ಮೊದಲ ಕೋವಿಡ್ ಸೋಂಕಿತೆಗೆ ಈಗ ಮತ್ತೆ ಮಹಾಮಾರಿ ಅಟ್ಯಾಕ್..!

Team Udayavani, Jul 13, 2021, 4:37 PM IST

ತ್ರಿಶೂರ್ : ಕಳೆದ ವರ್ಷ ಚೀನಾದ ವುಹಾನ್ ನಿಂದ ಹಿಂದಿರುಗಿದ ನಂತರ ಕೋವಿಡ್ ಸೋಂಕಿಗೆ ಒಳಗಾಗಿದ್ದ ದೇಶದ ಮೊದಲ ಕೋವಿಡ್ 19 ಸೋಂಕಿತೆ, ವೈದ್ಯಕೀಯ ವಿದ್ಯಾರ್ಥಿನಿ ಈಗ ಮತ್ತೆ ಕೋವಿಡ್ ಸೋಂಕಿಗೆ ಒಳಗಾಗಿದ್ದಾರೆ ಎಂದು ವರದಿ ತಿಳಿಸಿದೆ.

ಭಾರತದ ಮೊದಲ ಕೋವಿಡ್ ಸೋಂಕು ಕಳೆದ ವರ್ಷ ಜನವರಿ 30 ರಂದು ಕೇರಳದ ತ್ರಿಶೂರ್ ‍ನಲ್ಲಿ ಪತ್ತೆಯಾಗಿತ್ತು. ಕೇರಳದ ಮೂಲದ ಚೀನಾದ ವುಹಾನ್ ವಿಶ್ವವಿದ್ಯಾಲಯದ ವೈದ್ಯಕೀಯ ವಿದ್ಯಾರ್ಥಿನಿ ಮರಳಿ ತವರಿಗೆ ಬಂದಿದ್ದಾಗ ಕಳೆದ ವರ್ಷ ಆಕೆಯಲ್ಲಿ ಮೊಟ್ಟ ಮೊದಲಿಗೆ ಕೋವಿಡ್ ಸೋಂಕು ಕಾಣಿಸಿಕೊಂಡಿತ್ತು.

ಇದನ್ನೂ ಓದಿ : ಮುಂಬೈ: ನೀರಿನಲ್ಲಿ ಕೊಚ್ಚಿಹೋಗುತೀಡ ಮಹಿಳೆಯನ್ನು ರಕ್ಷಿಸಿ ಜವಾಬ್ದಾರಿ ಮೆರೆದ ಛಾಯಾಗ್ರಾಹಕ

ಆಕೆಯನ್ನು ಈಗ ಮತ್ತೆ ಆರ್ ಟಿ ಪಿ ಸಿಆರ್ ಪರೀಕ್ಷೆಗೆ ಒಳಪಡಿಸಿದಾಗ ಕೋವಿಡ್ ಸೋಂಕು ಇದೆ ಎಂದು ದೃಢ ಪಟ್ಟಿದೆ, ಆದಾಗ್ಯೂ, ಆಕೆಯಲ್ಲಿ ಯಾವುದೇ ಸೋಂಕಿನ ಲಕ್ಷಣಗಳು ಇದ್ದಿರಲಿಲ್ಲ. ಆದರೇ, ಕಳೆದ ವರ್ಷ ಸೋಂಕಿನ ಲಕ್ಷಣಗಳು ಇದ್ದಿತ್ತು ಎಂದು ತ್ರಿಶೂರ್ ನ ಜಿಲ್ಲಾ ಆರೋಗ್ಯಾಧಿಕಾರಿ ಕೆ ಜೆ ರೀನಾ ಹೇಳಿರುವುದಾಗಿ ರಾಷ್ಟ್ರೀಯ ಸುದ್ದಿ ಸಂಸ್ಥೆ ಎಎನ್ಐ ವರದಿ ಮಾಡಿದೆ.

ಏತನ್ಮಧ್ಯೆ, ನಿನ್ನೆ (ಸೋಮವಾರ, ಜುಲೈ 12) ತ್ರಿಶೂರ್‌ ನಲ್ಲಿ 1,092 ಕೋವಿಡ್ -19 ಪ್ರಕರಣಗಳು ದಾಖಲಾಗಿವೆ, ರಾಜ್ಯದಲ್ಲಿ ಅತಿ ಹೆಚ್ಚು ಸಿಒವಿಐಡಿ ಪ್ರಕರಣಗಳು ದಾಖಲಾಗಿವೆ, ನಂತರ ಕೋಝಿಕೋಡ್‌ ನಲ್ಲಿ 780, ಕೊಲ್ಲಂನಲ್ಲಿ 774 ಪ್ರಕರಣಗಳು, ಮಲಪ್ಪುರಂನಲ್ಲಿ 722 ಪ್ರಕರಣಗಳು ಮತ್ತು ತಿರುವನಂತಪುರಂನಲ್ಲಿ 676 ಪ್ರಕರಣಗಳು ದಾಖಲಾಗಿವೆ. ಕೇರಳದಲ್ಲಿ ನಿನ್ನೆ  ಒಟ್ಟು 7,798 ಕೋವಿಡ್  ಪ್ರಕರಣಗಳಿದ್ದು, ಪ್ರಸ್ತುತ ರಾಜ್ಯದಲ್ಲಿ 1,11,093 ಸಕ್ರಿಯ ಪ್ರಕರಣಗಳು ಕೇರಳದಲ್ಲಿವೆ.

ಇದನ್ನೂ ಓದಿ : ಜುಲೈ 15ಕ್ಕೆ ವಿವೋ ವೈ72 5 ಜಿ ಮೊಬೈಲ್ ಭಾರತದ ಮಾರುಕಟ್ಟೆಯಲ್ಲಿ ಲಭ್ಯ