ಟಿ ಸಿರೀಸ್ ಮುಖ್ಯಸ್ಥ ಭೂಷಣ್ ವಿರುದ್ಧ ಅತ್ಯಾಚಾರ ಪ್ರಕರಣ ದಾಖಲಿಸಿದ ರೂಪದರ್ಶಿ

Team Udayavani, Jul 16, 2021, 6:33 PM IST

ಮುಂಬಯಿ: ಟಿ-ಸಿರೀಸ್ ವ್ಯವಸ್ಥಾಪಕ ನಿರ್ದೇಶಕ ಭೂಷಣ್ ಕುಮಾರ್ ವಿರುದ್ಧ ಶುಕ್ರವಾರ (ಜುಲೈ 16) ರೂಪದರ್ಶಿಯೊಬ್ಬಳು ಅತ್ಯಾಚಾರ ಪ್ರಕರಣ ದೂರು ದಾಖಲಿಸಿರುವುದಾಗಿ ವರದಿ ತಿಳಿಸಿದೆ.

ಇದನ್ನೂ ಓದಿ:16 ತಿಂಗಳ ನಂತರ ಇದೇ ಮೊದಲ ಬಾರಿಗೆ ಇಂದೋರ್‌ ನಲ್ಲಿ 1 ಕೋವಿಡ್ ಸೋಂಕು ದಾಖಲು

ದಿ.ಗುಲ್ಶನ್ ಕುಮಾರ್ ಅವರ ಪುತ್ರರಾಗಿರುವ ಭೂಷಣ್ ಕುಮಾರ್ ಅವರು ಅತ್ಯಾಚಾರ ಎಸಗಿದ್ದಾರೆ ಎಂದು ಮಹಿಳೆಯೊಬ್ಬಳು ನೀಡಿರುವ ದೂರು ಸಂಪೂರ್ಣ ಸುಳ್ಳು ಮತ್ತು ದುರುದ್ದೇಶಪೂರಿತವಾದದ್ದು ಎಂದು ಟಿ ಸಿರೀಸ್ ಪ್ರಕಟಣೆಯಲ್ಲಿ ತಿಳಿಸಿದೆ.

ಈ ಆರೋಪದ ಬಗ್ಗೆ ನಾವೂ ಕೂಡಾ ನಮ್ಮ ವಕೀಲರನ್ನು ಸಂಪರ್ಕಿಸಿ ಸೂಕ್ತ ಕಾನೂನು ಕ್ರಮ ತೆಗೆದುಕೊಳ್ಳುವ ಕುರಿತು ಚರ್ಚಿಸುತ್ತಿದ್ದೇವೆ ಎಂದು ಟಿ ಸೀರಿಸ್ ವಿವರಿಸಿದೆ. ಪೊಲೀಸರ ಮಾಹಿತಿ ಪ್ರಕಾರ, 30 ವರ್ಷದ ರೂಪದರ್ಶಿಯೊಬ್ಬಳು ನೀಡಿರುವ ದೂರಿನಲ್ಲಿ, ಭೂಷಣ್ ಕುಮಾರ್ (43ವರ್ಷ) ಒಂದು ವೇಳೆ ತನ್ನ ಜತೆಗಿನ ಸಂಬಂಧಕ್ಕೆ ಸಹಮತ ಸೂಚಿಸಿದರೆ ಉದ್ಯೋಗ ಕೊಡಿಸುವುದಾಗಿ ಆಮಿಷವೊಡ್ಡಿ ಅತ್ಯಾಚಾರ ಎಸಗಿರುವುದಾಗಿ ಆರೋಪಿಸಿದ್ದಾಳೆ.

ಭೂಷಣ್ ಕುಮಾರ್ ತಂದೆ ಗುಲ್ಶನ್ ಕುಮಾರ್ “ಕ್ಯಾಸೆಟ್ ಕಿಂಗ್” ಎಂದೇ ಜನಪ್ರಿಯರಾಗಿದ್ದರು. ಅವರನ್ನು 1997ರಲ್ಲಿ ಮುಂಬೈನ ಅಂಧೇರಿಯಲ್ಲಿ ಗುಂಡಿಟ್ಟು ಹತ್ಯೆಗೈಯಲಾಗಿತ್ತು.