ಡಿಜಿಲಾಕರ್ ನಲ್ಲಿ ಪಾನ್ ಸ್ಟೋರ್ ಮಾಡುವುದು ಹೇಗೆಂದು ನಿಮಗೆ ತಿಳಿದಿದೆಯೇ.?ಇಲ್ಲಿದೆ ಮಾಹಿತಿ

Team Udayavani, Jul 21, 2021, 5:58 PM IST

How to save PAN card details in DigiLocker..?

ನಮ್ಮ ದಾಖಲೆಗಳ ಬಗ್ಗೆ ನಾವು ಎಂದಿಗೂ ಬಹಳ ಎಚ್ಚರಿಕೆ ಇಂದ ಇರುತ್ತೇವೆ. ಎಷ್ಟೋ ಸಂದರ್ಭದಲ್ಲಿ ನಾವು ನಮ್ಮ ವೈಯಕ್ತಿಕ ದಾಖಲೆಗಳನ್ನು ನಾವು ಕಳೆದುಕೊಳ್ಳುತ್ತೇವೆ ಎನ್ನುವ ಭಯದಿಂದ ಹೊರಗಡೆಗೆ ಕೊಂಡೊಯ್ಯುವುದಿಲ್ಲ.

ನಮ್ಮ ದಾಖಲೆಗಳನ್ನು ನಾವು ಡಿಜಿ ಲಾಕರ್ ನಲ್ಲಿ ಸೇವ್ ಮಾಡಿಟ್ಟುಕೊಂಡು ಎಲ್ಲಿಗೆ ಬೇಕಾದರೂ ಕೊಂಡೊಯ್ಯಬಹುದಾಗಿದೆ. ಸರ್ಕಾರಿ ಸಂಸ್ಥೆಗಳೆಲ್ಲದರ ಇ-ದಾಖಲಾತಿಗಳಿಗೆ ಸಂಪರ್ಕ ಒದಗಿಸುತ್ತದೆ ಡಿಜಿ ಲಾಕರ್. ಡಿಜಿ ಲಾಕರ್ನಲ್ಲಿ ಡ್ರೈವಿಂಗ್ ಲೈಸೆನ್ಸ್, ಪಾನ್ ಕಾರ್ಡ್, ಮತದಾನ ಗುರುತಿನ ಚೀಟಿ, ಪಾಲಿಸಿ ದಾಖಲಾತಿಗಳು ಮುಂತಾದವನ್ನು ಸಂಗ್ರಹಿಸಿಡಬಹುದಾಗಿದೆ.

ದಾಖಲೆಗಳನ್ನು ನೀಡವ ಸಂಸ್ಥೆಗಳೊಂದಿಗೆ ನೇರವಾಗಿ, ರಿಯಲ್ ಟೈಮ್ ನಲ್ಲಿ ಸಮಗ್ರತೆ ಸಾಧಿಸುತ್ತದೆ. ಬಳಕೆದಾರರ ಸಹಮತ ಪಡೆದುಕೊಂಡು, ವಿತರಣೆ ಮಾಡಿದವರಿಂದಲೇ ಸರ್ಕಾರದ ಸಂಸ್ಥೆಗಳು ಪರಿಶೀಲನೆ ಮಾಡುತ್ತವೆ. ಕೇಂದ್ರೀಯ ನೇರ ತೆರಿಗೆ ಮಂಡಳಿ (ಸಿಬಿಡಿಟಿ) ಕೂಡ ಡಿಜಿಲಾಕರ್ ನೊಂದಿಗೆ ಸಹಭಾಗಿ ಆಗಿದ್ದು, ಪಾನ್ ಕಾರ್ಡ್ ಇಂಟಿಗ್ರೇಷನ್ ವ್ಯವಸ್ಥೆ ಮಾಡಿದೆ.

ಇದನ್ನೂ ಓದಿ : ವಿಶಾಲಾ ಗಾಣಿಗ ಕೇಸ್ : ಆರೋಪಿಗಳನ್ನ ಹಿಡಿದಿದ್ದೇ ಒಂದು ರೋಚಕ ಕಥೆ.. ಇಲ್ಲಿದೆ ನೋಡಿ ಮಾಹಿತಿ

ಡಿಜಿಲಾಕರ್ನಲ್ಲಿ ಪಾನ್/PAN ಸ್ಟೋರ್ ಮಾಡುವುದು ಹೇಗೆ..?

ಡಿಜಿಲಾಕರ್ ಅಧಿಕೃತ ವೆಬ್ಸೈಟ್ ಗೆ ಈ ಲಿಂಕ್ ನ https://www.digilocker.gov.in/dashboard ಮೂಲಕ ಪ್ರವೇಶ ಪಡೆಯಿರಿ.
ಡಿಜಿಲಾಕರ್ ಖಾತೆಗೆ ಲಾಗ್ ಇನ್ ಆಗಬೇಕು.
ಎಡ ಭಾಗದಲ್ಲಿ ಇರುವ “issued documents” ಗೆ ಹೋಗಿ.
ವಿತರಣೆ ಆದ ದಾಖಲಾತಿಗಳು ನೋಂದಾಯಿತ ಸರ್ಕಾರಿ ಇಲಾಖೆ ಹಾಗೂ ಸಂಸ್ಥೆಗಳಿಂದ ನೇರವಾಗಿ ಡಿಜಿ ಲಾಕರ್ ಗೆ ಬರುತ್ತದೆ. ಅಥವಾ ಅದನ್ನು ಕೆಲವು ಸಹಭಾಗಿಗಳ ಮೂಲಕ ತೆಗೆದುಕೊಳ್ಳಬೇಕಾಗುತ್ತದೆ ಮತ್ತು ವಿತರಣೆಯಾದ ದಾಖಲಾತಿಗಳಿಗೆ ಅವುಗಳನ್ನು ಸೇರ್ಪಡೆ ಮಾಡಿಕೊಳ್ಳಿ.
ದಾಖಲಾತಿಗಳನ್ನು ತೆಗೆಯಲು ಲಿಂಕ್ ಕಾಣಿಸುತ್ತದೆ ಮತ್ತು ಅದರ ಮೇಲೆ ಕ್ಲಿಕ್ ಮಾಡಬೇಕು.
ಸಹಭಾಗಿಯ ಡೇ ಡ್ರಾಪ್ ಡೌನ್ ನಲ್ಲಿ “Income Tax Department” ಆಯ್ಕೆ ಮಾಡಿ.
ದಾಖಲಾತಿ ವಿಧಗಳಲ್ಲಿ “PAN Card/ಪಾನ್ ಕಾರ್ಡ್” ಆರಿಸಿಕೊಳ್ಳಿ.
ಆಧಾರ್ ಮಾಹಿತಿಯನ್ನು ಪಾನ್ ಮಾಹಿತಿಯೊಂದಿಗೆ ಪರಿಶೀಲನೆ ಮಾಡಿ.
ಈಗ ಪಾನ್ ಸಂಖ್ಯೆಯನ್ನು ನಮೂದಿಸಿ ಹಾಗೂ ಡ್ರಾಪ್ ಡೌನ್ನಿಂದ ಲಿಂಗ- ಆಯ್ಕೆ ಮಾಡಿ.
ಒಪ್ಪಿಗೆಯ ಬಾಕ್ಸ್ ಗೆ ಟಿಕ್ ಮಾಡಿ, ಗೆಟ್ ಡಾಕ್ಯುಮೆಂಟ್ / Get Document ಎಂಬುದರ ಮೇಲೆ ಕ್ಲಿಕ್ ಮಾಡಿ.
ಅಂತಿಮವಾಗಿ ಪಾನ್ ಮಾಹಿತಿ ಡಿಜಿಲಾಕರ್ ನಲ್ಲಿ ಸ್ಟೋರ್ ಆಗುತ್ತದೆ ಮತ್ತು Issued documents ಅಡಿಯಲ್ಲಿ ಲಿಂಕ್ ಗೆ ಸಂಪರ್ಕ ದೊರಕುತ್ತದೆ.