ದೂರದರ್ಶನ ಮತ್ತು ಡಿಡಿ ಸ್ಪೋರ್ಟ್ಸ್ ನಲ್ಲಿ ಒಲಿಂಪಿಕ್ಸ್‌ ಪ್ರಸಾರ

Team Udayavani, Jul 21, 2021, 10:28 PM IST

ಹೊಸದಿಲ್ಲಿ: ಟೋಕಿಯೊ ಒಲಿಂಪಿಕ್ಸ್‌ ಡಿಡಿ ಸ್ಪೋರ್ಟ್ಸ್ ನಲ್ಲಿ ನೇರ ಪ್ರಸಾರ ಕಾಣಲಿದೆ. ಜತೆಗೆ ದೂರದರ್ಶನ ಮತ್ತು ಆಲ್‌ ಇಂಡಿಯಾ ರೇಡಿಯೋದಲ್ಲಿ (ಎಐಆರ್‌) ವಿಶೇಷ ಕಾರ್ಯಕ್ರಮಗಳು ಮೂಡಿಬರಲಿವೆ ಎಂದು ಮಾಹಿತಿ ಮತ್ತು ಪ್ರಸಾರ ಸಚಿವಾಲಯ ತಿಳಿಸಿದೆ.

ಬೆಳಗ್ಗೆ 5ರಿಂದ ಸಂಜೆ 7 ಗಂಟೆ ತನಕ ಭಾರತ ಪಾಲ್ಗೊಳ್ಳಲಿರುವ ಎಲ್ಲ ಕ್ರೀಡಾ ಸ್ಪರ್ಧೆಗಳ ನೇರ ಪ್ರಸಾರವನ್ನು ಡಿಡಿ ಸ್ಪೋರ್ಟ್ಸ್ ನಲ್ಲಿ ವೀಕ್ಷಿಸಬಹುದಾಗಿದೆ.

“ಚಿಯರ್‌ ಫಾರ್‌ ಇಂಡಿಯಾ’ ಅಭಿಯಾನಕ್ಕೆ ಬೆಂಬಲ ನೀಡುವ ನಿಟ್ಟಿನಲ್ಲಿ ಜು. 22 ಮತ್ತು 23ರಂದು ಕ್ರೀಡಾ ಪರಿಣಿತರು, ಪತ್ರಕರ್ತರು, ಮಾಜಿ ಕ್ರೀಡಾಪಟುಗಳ ನಡುವಿನ ವಿಶೇಷ ಚರ್ಚೆ, ವಿಶ್ಲೇಷಣೆ ನೇರ ಪ್ರಸಾರದಲ್ಲಿ ಮೂಡಿಬರಲಿದೆ. ಸಮಯ, ಬೆಳಗ್ಗೆ 11ರಿಂದ ಅಪರಾಹ್ನ ಒಂದು ಗಂಟೆ ತನಕ. ಇವುಗಳ ಮರು ಪ್ರಸಾರವೂ ಇರಲಿದೆ.

ಇದನ್ನೂ ಓದಿ :ಮುಂಬೈ ಹೈಕೋರ್ಟ್‌ ಮೆಟ್ಟಿಲೇರಿದ ಬಾಲಿವುಡ್‌ ನಟಿ ಕಂಗನಾ