ಆಡುವ ವೇಳೆ ಜೊತೆಗಿದ್ದ ಗಣೇಶ ಮೂರ್ತಿಯನ್ನೇ ನುಂಗಿದ ಬಾಲಕ…!

Team Udayavani, Jul 24, 2021, 4:23 PM IST

ಬೆಂಗಳೂರು : ಮೂರು ವರ್ಷದ ಬಾಲಕನೊಬ್ಬ ಆಟವಾಡುತ್ತ ತನ್ನ ಜೊತೆಗಿದ್ದ ಗಣೇಶ ಮೂರ್ತಿನ್ನೇ ನುಂಗಿರುವ ಘಟನೆ ನಗರದಲ್ಲಿ ಶುಕ್ರವಾರ ನಡೆದಿದೆ. ನಂತರ ಆ ಬಾಲಕನನ್ನು ಮಣಿಪಾಲ ಆಸ್ಪತ್ರೆಗೆ ಕರೆದೊಯ್ದಿದ್ದು, ಚಿಕಿತ್ಸೆ ನಂತರ 5 ಸೆಂಟಿಮೀಟರ್ ಉದ್ದದ ಮೂರ್ತಿಯನ್ನ ಹೊರಕ್ಕೆ ತೆಗೆಯಲಾಗಿದೆ.

ಗಣೇಶ ಮೂರ್ತಿಯನ್ನು ನುಂಗಿದ ನಂತರ ಬಾಲಕನಿಗೆ ಎದೆ ಭಾಗದಲ್ಲಿ ನೋವು ಕಾಣಿಸಿಕೊಂಡಿದೆ. ಅಲ್ಲದೆ ಬಾಲಕನು ಉಗುಳನ್ನು ನುಂಗಲು ಕೂಡ ಕಷ್ಟ ಪಡುತ್ತಿದ್ದು. ಇದನ್ನು ಗಮನಿಸಿದ ಪೋಷಕರು ಆ ಹುಡುಗನನ್ನು ಆಸ್ಪತ್ರೆಗೆ ದಾಖಲಿದ್ದಾರೆ. ಎಕ್ ರೇ ತೆಗೆದು ನೋಡಿದ ನಂತರ ಗಣೇಶ ಮೂರ್ತಿ ಹೊಟ್ಟೆಯಲ್ಲಿ ಇರುವುದು ಕಂಡು ಬಂದಿದೆ ಎಂದು ವೈದ್ಯ ಶ್ರೀಕಾಂತ್ ತಿಳಿಸಿದ್ದಾರೆ.

ನಂತರ ಒಂದು ಗಂಟೆಗಳ ಕಾಲ ಚಿಕಿತ್ಸೆ ನೀಡಿ ಬಾಲಕನ ಹೊಟ್ಡೆಯಲ್ಲಿದ್ದ ಗಣೇಶ ಮೂರ್ತಿಯನ್ನು ಹೊರಕ್ಕೆ ತೆಗೆಯಲಾಗಿದೆ. ನಂತರ ಮೂರು ಗಂಟೆಗಳ ಕಾಲ ಬಾಲಕನ ಮೇಲೆ ನಿಗಾ ಇಟ್ಟು, ಆಮೇಲೆ ಡಿಸ್ಚಾರ್ಜ್ ಮಾಡಲಾಗಿದೆ.