ಮತ್ತೆ ಗೆಲುವಿನ ಹಳಿಯೇರಿದ ಆಸೀಸ್: ನಾಲ್ಕನೇ ಪಂದ್ಯದಲ್ಲಿ ಬಾಂಗ್ಲಾಗೆ ಸೋಲು

Team Udayavani, Aug 8, 2021, 11:05 AM IST

ಢಾಕಾ: ಬಾಂಗ್ಲಾದೇಶದ ವಿರುದ್ದ ಸತತ ಮೂರು ಪಂದ್ಯಗಳ ಸೋಲಿನ ಬಳಿಕ ಆಸೀಸ್ ಮತ್ತೆ ಗೆಲುವಿನ ಹಳಿಯೇರಿದೆ. ನಾಲ್ಕನೇ ಟಿ20 ಪಂದ್ಯದಲ್ಲಿ ಆಸೀಸ್ ಮೂರು ವಿಕೆಟ್ ಗಳ ಗೆಲುವು ಸಾಧಿಸಿದೆ.

ಮೊದಲು ಬ್ಯಾಟಿಂಗ್ ಮಾಡಿದ ಬಾಂಗ್ಲಾ 20 ಓವರ್ ನಲ್ಲಿ 9 ವಿಕೆಟ್ ನಷ್ಟಕ್ಕೆ 104 ರನ್ ಗಳಿಸಿತು. ನಯೀಮ್ 18 ರನ್, ಹುಸೈನ್ 20 ರನ್, ಮೆಹದಿ ಹಸನ್ 23 ರನ್ ಗಳಿಸಿದರು. ಆಸೀಸ್ ಪರ ಸ್ವೆಪ್ಸನ್ ಮತ್ತು ಟೈ ತಲಾ ಮೂರು ವಿಕೆಟ್ ಕಿತ್ತರು.

ಇದನ್ನೂ ಓದಿ:ಟೋಕಿಯೊ ಒಲಿಂಪಿಕ್ಸ್ ಗೆ ಇಂದು ತೆರೆ: ಭಾರತದ ಧ್ವಜಧಾರಿಯಾಗಿ ಭಜರಂಗ್ ಪೂನಿಯಾ

ಗುರಿ ಬೆನ್ನತ್ತಿದ ಆಸೀಸ್ ಗೆ ಡ್ಯಾನ್ ಕ್ರಿಸ್ಟಿಯನ್ ನೆರವಾದರು. ಕೇವಲ 15 ಎಸೆತದಲ್ಲಿ 39 ರನ್ ಗಳಿಸಿದರು. ಶಕೀಬ್ ರ ಒಂದು ಓವರ್ ನಲ್ಲಿ ಕ್ರಿಸ್ಟಿಯನ್ ಐದು ಸಿಕ್ಸರ್ ಬಾರಿಸಿದರು. ಕೊನೆಯಲ್ಲಿ ಆಸ್ಟನ್ ಅಗರ್ 27 ರನ್ ಗಳಿಸಿದರು. ಒಂದು ಓವರ್ ಬಾಕಿ ಇರುವಂತೆ 7 ವಿಕೆಟ್ ಕಳೆದುಕೊಂಡಿದ್ದ ಆಸೀಸ್ ಗೆಲುವು ಸಾಧಿಸಿತು.

ಬಾಂಗ್ಲಾ ಪರ ಮುಸ್ತಫಿಜುರ್ ರಹಮಾನ್ ಮತ್ತು ಮೆಹದಿ ಹಸನ್ ತಲಾ ಎರಡು ವಿಕೆಟ್ ಕಿತ್ತರು.