ಆಗಸ್ಟ್ 11 ದರ್ಶನ್ ಅವರಿಗೆ ವಿಶೇಷವಾದ ದಿನ : ಸಂಭ್ರಮಕ್ಕೆ ಸಜ್ಜಾಗಿದೆ ‘ಡಿ ಬಾಸ್’ ಪಡೆ  

Team Udayavani, Aug 8, 2021, 7:45 PM IST

ಬೆಂಗಳೂರು: ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಅವರಿಗೆ ಈ ವರ್ಷದ ಆಗಸ್ಟ್ 11 ವಿಶೇಷವಾದ ದಿನವಾಗಿದೆ. ಯಾಕೆಂದರೆ ಅಂದು ಡಿ ಬಾಸ್ ಕನ್ನಡ ಚಿತ್ರರಂಗಕ್ಕೆ ಕಾಲಿಟ್ಟು 24 ವರ್ಷಗಳು ತುಂಬುತ್ತವೆ.

ಚಂದನವನದ ಯಜಮಾನ ದರ್ಶನ್ ಅವರು ಕನ್ನಡ ಚಿತ್ರರಂಗದಲ್ಲಿ ಎರಡು ದಶಕಗಳನ್ನು ಸದ್ದಿಲ್ಲದೆ ಪೂರೈಯಿಸಿದ್ದಾರೆ. ಸಾಕಷ್ಟು ಏಳು-ಬೀಳುಗಳ ನಡುವೆ ಸ್ಯಾಂಡಲ್ವುಡ್ ನಲ್ಲಿ ಭದ್ರ ನೆಲೆ ಕಂಡುಕೊಂಡಿರುವ ದಾಸ, ಇಂದು ಟಾಪ್ ನಟರುಗಳಲ್ಲಿ ಒಬ್ಬರಾಗಿದ್ದಾರೆ.

ಮೆಜೆಸ್ಟಿಕ್, ಕರಿಯಾ, ನನ್ನ ಪ್ರೀತಿಯ ರಾಮು, ಸಂಗೋಳ್ಳಿ ರಾಯಣ್ಣ, ಕುರುಕ್ಷೇತ್ರ ಹಾಗೂ ಇತ್ತೀಚಿಗಷ್ಟೆ ತೆರೆ ಕಂಡ ರಾಬರ್ಟ್ ಸೇರಿದಂತೆ ಸುಮಾರು 50 ಕ್ಕೂ ಹೆಚ್ಚು ಚಿತ್ರಗಳಲ್ಲಿ ನಟಿಸಿರುವ ದರ್ಶನ್, ಕೋಟ್ಯಂತರ ಅಭಿಮಾನಿಗಳ ಪಾಲಿಗೆ ನೆಚ್ಚಿ ದಾಸ, ಡಿ ಬಾಸ್ ಆಗಿದ್ದಾರೆ.

ದರ್ಶನ್ ಕೇವಲ ಬೆಳ್ಳಿ ಪರದೆ ಮೇಲೆ ಮಾತ್ರ ನಾಯಕರಾಗದೆ ನೀಜ ಜೀವನದಲ್ಲೂ ಅವರು ಹೀರೋ ಆಗಿ ಗುರುತಿಸಿಕೊಂಡಿದ್ದಾರೆ. ಕಷ್ಟ ಎಂದು ಬಂದವರಿಗೆ ಕೈಲಾದಷ್ಟು ಸಹಾಯ ಮಾಡುವ ಡಿ ಬಾಸ್ ಅವರು ದಾನಸೂರ ಕರ್ಣನಂತಿದ್ದಾರೆ.

ಹೀಗೆ ಕನ್ನಡ ಚಿತ್ರರಂಗದಲ್ಲಿ ದೊಡ್ಡ ಹೆಸರು ಮಾಡಿರುವ ದರ್ಶನ್ ಅವರು ಆಗಸ್ಟ್ 11 ರಂದು ಇಂಡಸ್ಟ್ರಿ ಗೆ ಬಂದು 24 ವಸಂತಗಳು ತುಂಬಲಿವೆ. ಈ ಸುದಿನವನ್ನು ಸಂಭ್ರಮಿಸಲು ಡಿ ಬಾಸ್ ಪಡೆ ಸಜ್ಜಾಗಿದೆ. 10ನೇ ತಾರೀಕು ಸಂಜೆ 6ಗಂಟೆಗೆ ವಿಶೇಷ CDP ಬಿಡುಗಡೆಯಾಗಲಿದೆ. ಇದನ್ನು ಟ್ವಿಟರಿನಲ್ಲಿ ಟ್ರೆಂಡ್ ಮಾಡಲು ದರ್ಶನ್ ಅವರ ಅಭಿಮಾನಿಗಳ ಬಳಗ ಸಿದ್ಧವಾಗಿದೆ.