ಸೀತಾರಾಮ್‌ ಬಿನೋಯ್‌ ಟ್ರೇಲರ್‌ ಬಂತು

Team Udayavani, Aug 10, 2021, 8:24 AM IST

ನಟ ವಿಜಯ ರಾಘವೇಂದ್ರ ಅವರ 50ನೇ ಸಿನಿಮಾ “ಸೀತಾರಾಮ್‌ ಭಿನೋಯ್‌’ ಚಿತ್ರದ ಟ್ರೇಲರ್‌ ಬಿಡುಗಡೆಯಾಗಿದೆ. ಕ್ರೈಮ್‌, ಥ್ರಿಲ್ಲರ್‌ ಜಾನರ್‌ನ ಈ ಸಿನಿಮಾದ ಟ್ರೇಲರ್‌ ಸಾಕಷ್ಟು ಕುತೂಹಲಭರಿತವಾಗಿದ್ದು, ಒಂದಷ್ಟು ಸಸ್ಪೆನ್ಸ್‌ ವಿಷಯಗಳೊಂದಿಗೆ ಸಿನಿಮಾ ಸಾಗುವ ಸೂಚನೆಯನ್ನು ಟ್ರೇಲರ್‌ ನೀಡಿದೆ. ಚಿತ್ರದಲ್ಲಿ ವಿಜಯ್‌ ರಾಘವೇಂದ್ರ ಪೊಲೀಸ್‌ ಅಧಿಕಾರಿಯಾಗಿ ಕಾಣಿಸಿಕೊಂಡಿದ್ದಾರೆ.

ಚಿತ್ರ ಈಗಾಗಲೇ ಬಿಡುಗಡೆಯ ಹಂತಕ್ಕೆ ಬಂದಿದ್ದು, ಮೊದಲ ಹಂತವಾಗಿ ಖಾಸಗಿ ವಾಹಿನಿಯಲ್ಲಿ ಆಗಸ್ಟ್‌ 15ರಂದು ಚಿತ್ರ ಬಿಡುಗಡೆಯಾದರೆ, ಆಗಸ್ಟ್‌ 16ರಿಂದ ಚಿತ್ರಮಂದಿರಗಳಲ್ಲಿ ಪ್ರದರ್ಶನಕಾಣಲಿದೆ. ವಾಹಿನಿ ಹಾಗೂ ಚಿತ್ರಮಂದಿರಗಳ ಪ್ರದರ್ಶನ ಬಳಿಕ ಚಿತ್ರವನ್ನು ಓಟಿಟಿಯಲ್ಲಿ ರಿಲೀಸ್‌ ಮಾಡುವ ಆಲೋಚನೆಕೂಡಾ ಚಿತ್ರತಂಡಕ್ಕಿದೆ.

ಇದೊಂದು ಕ್ರೈಂ ಥ್ರಿಲ್ಲರ್‌ ಚಿತ್ರವಾಗಿದ್ದು, ಶಿವಮೊಗ್ಗ ಸುತ್ತಮುತ್ತ ಚಿತ್ರೀಕರಿಸಲಾಗಿದೆ. ಚಿತ್ರದಲ್ಲಿ ನವಪ್ರತಿಭೆ ಅಕ್ಷತಾ ನಾಯಕಿಯಾಗಿದ್ದಾರೆ. ಚಿತ್ರದ ನಿರ್ದೇಶನದ ಜೊತೆಗೆ ದೇವಿಪ್ರಸಾದ್‌ ಅವರು ನಿರ್ಮಾಣದಲ್ಲೂ ಸಾಥ್‌ ನೀಡಿದ್ದು, ಇವರ ಜೊತೆ ಸಾತ್ವಿಕ್‌ ಹೆಬ್ಟಾರ್‌ ಕೈ ಜೋಡಿಸಿದ್ದಾರೆ. ಚಿತ್ರಕ್ಕೆ ಗಗನ್‌ ಬಡೇರಿಯಾ ಸಂಗೀತ, ಹೇಮಂತ್‌ ಛಾಯಾಗ್ರಹಣವಿದೆ.