ಎಲ್ ಐ ಸಿಯ ಈ ಪಾಲಿಸಿ ನೀವು ಪಡೆದರೇ, ಇಷ್ಟು ಪ್ರಮಾಣದಲ್ಲಿ ನಿಮಗೆ ಪಿಂಚಣಿ ಲಭ್ಯವಾಗುತ್ತದೆ.!?

Team Udayavani, Aug 10, 2021, 4:36 PM IST

LIC’s great plan for retirement investment will give life long pension

ಜೀವನ್ ಪಾಲಿಸಿ ಅಂದರೇ, ಎಲ್ ಐ ಸಿ ಪಾಲಿಸ ಎಂಬಷ್ಟರ ಮಟ್ಟಿಗೆ ಬೆಳೆದಿದೆ. ಎಲ್ ಐ ಸಿ ದಿನ ನಿತ್ಯವೆಂಬಂತೆ ಹೊಸ ಹೊಸ ಯೋಜನೆಗಳನ್ನು, ಪಾಲಿಸಿಗಳನ್ನು ಜಾರಿಗೆ ತರುತ್ತದೆ. ಈಗ ಮತ್ತೊಂದು ಪಾಲಿಸಿಯ ಮೂಲಕ ತನ್ನ ಗ್ರಾಹಕರ ಮನ ಸೆಳೆದಿದೆ.

ಹೌದು, ಎಲ್ ಐ ಸಿ ಈಗ ಪಿಂಚಣಿ ಪಾಲಿಸಿಯ ಮೂಲಕ ಮತ್ತೊಂದಿಷ್ಟು ಸೌಲಭ್ಯವನ್ನು ನೀಡುತ್ತಿದೆ. ನೀವು ಈ ಯೋಜನೆಯನ್ನು ಸಿಂಗಲ್ ಲೈಫ್ ಮತ್ತು ಜಾಯಿಂಟ್ ಲೈಫ್ ಎರಡು ರೀತಿಯಲ್ಲಿ ಪಡೆದುಕೊಳ್ಳಬಹುದಾಗಿದೆ.

ಸಿಂಗಲ್ ಲೈಫ್ ಪಾಲಿಸಿಯಲ್ಲಿ, ಈ ಪಿಂಚಣಿ ಯಾರಾದರೂ ಒಬ್ಬರ ಹೆಸರಿನಲ್ಲಿರುತ್ತದೆ. ಜೀವಂತವಾಗಿರುವವರೆಗೂ, ಅವರು ಪಿಂಚಣಿ ಪಡೆಯುತ್ತಾರೆ. ಆದರೆ ಸಾವಿನ ನಂತರ, ನಾಮಿನಿಗೆ ಮೂಲ ಬೆಲೆ ಸಿಗುತ್ತದೆ.

ಇದನ್ನೂ ಓದಿ : ವಿಶೇಷ ಚೇತನ ವಿದ್ಯಾರ್ಥಿನಿ ಮನೆಗೆ ತೆರಳಿ ಅಭಿನಂದಿಸಿದ ಮಾಜಿ ಶಿಕ್ಷಣ ಸಚಿವ ಸುರೇಶ್ ಕುಮಾರ್

ಜಾಯಿಂಟ್ ಲೈಫ್ ನಲ್ಲಿ ಇಬ್ಬರೂ ಸಂಗಾತಿಗಳಿಗೆ ಕವರೇಜ್ ನೀಡುತ್ತದೆ. ಇದರಲ್ಲಿ ಗಂಡ ಮತ್ತು ಹೆಂಡತಿ ಇಬ್ಬರೂ ಪಿಂಚಣಿ ಪಡೆಯಬಹುದು. ಇಬ್ಬರೂ ಮೃತಪಟ್ಟರೆ, ನಾಮಿನಿಗೆ ಈ ಮೊತ್ತ ಸಿಗುತ್ತದೆ.

ಎಲ್ ಐ ಸಿ ನೀಡುತ್ತಿರುವ ಈ ಯೋಜನೆಯ ಲಾಭ ಪಡೆಯುವುದಕ್ಕೆ ನೀವು ಇಚ್ಛಿಸುವವರಾದರೇ, ನಿಮ್ಮ ವಯಸ್ಸು 40-80 ವರ್ಷಗಳ ನಡುವೆ ಇರಬೇಕು. ಹಾಗಿದ್ದಲ್ಲಿ ಈ ಯೋಜನೆಯಡಿ, ಜೀವನ ಪೂರ್ತಿ ಪಿಂಚಣಿ ಪಡೆಯಬಹುದು. ಈ ಯೋಜನೆಯನ್ನು ತೆಗೆದುಕೊಂಡ ನಂತರ ನಿಮಗೆ ಇಷ್ಟವಾಗದಿದ್ದರೆ, ಅದನ್ನು ತೆಗೆದುಕೊಂಡ ದಿನಾಂಕದಿಂದ 6 ತಿಂಗಳವರೆಗೆ ನೀವು ಯಾವಾಗ ಬೇಕಾದರೂ ಸರೆಂಡರ್ ಮಾಡುವುದಕ್ಕೂ ಕೂಡ ಅವಕಾಶವಿದೆ.

ಈ ಪಿಂಚಣಿ ತ್ರೈಮಾಸಿಕ, ಅರ್ಧವಾರ್ಷಿಕ, ಮಾಸಿಕ ಅಥವಾ ವಾರ್ಷಿಕವಾಗಿಯೂ ನೀವು ಪಾಲಿಸಿಯನ್ನು ಪಡೆದುಕೊಳ್ಳಬಹುದು. ನೀವು ಪ್ರತಿ ತಿಂಗಳು, 3 ತಿಂಗಳಿಗೊಮ್ಮೆ, 6 ತಿಂಗಳಿಗೊಮ್ಮೆ ಅಥವಾ ವರ್ಷಕ್ಕೊಮ್ಮೆ ಈ ಪಿಂಚಣಿಯನ್ನು ತೆಗೆದುಕೊಳ್ಳಬಹುದು. ನೀವು ಆಯ್ದುಕೊಂಡ ಾಯ್ಕೆಯ ಹಾಗೆಯೇ ಪಿಂಚಣಿ ಸೌಲಭ್ಯ ನಿಮಗೆ ಲಭ್ಯವಾಗುತ್ತದೆ.

ನೀವು 10 ಲಕ್ಷ ರೂಪಾಯಿಗಳ ಪ್ರೀಮಿಯಂ ಅನ್ನು ಠೇವಣಿ ಇಟ್ಟಿದ್ದೀರಿ ಎಂದಿಟ್ಟುಕೊಳ್ಳಿ, ಆಗ ನೀವು ವಾರ್ಷಿಕವಾಗಿ 50,250 ರೂಗಳನ್ನು ಪಡೆಯಬಹುದಾಗಿದೆ.

ಗಂಭೀರ ಅನಾರೋಗ್ಯ ಎದುರಾಗಿ, ನಿಮಗೆ ಹಣದ ಅಗತ್ಯವಿದ್ದಲ್ಲಿ, ಸರಳ ಪಿಂಚಣಿ ಯೋಜನೆಯಲ್ಲಿ ಠೇವಣಿ ಇಟ್ಟಿರುವ ಹಣವನ್ನು ಹಿಂಪಡೆಯಬಹುದು.

ಇನ್ನು, ಪಾಲಿಸಿಯನ್ನು ಸರೆಂಡರ್ ಮಾಡಿದ ನಂತರ, 95% ಮರುಪಾವತಿಯನ್ನು ಪಡೆಯಬಹುದು. ಇದರ ಹೊರತಾಗಿ, ಈ ಯೋಜನೆಯ ಮೇಲೆ ಸಾಲ ಕೂಡ ಪಡೆದುಕೊಳ್ಳಬಹುದಾಗಿದೆ.

ಇದನ್ನೂ ಓದಿ : ರೈತರ ಸಮಸ್ಯೆಗಳನ್ನು ನೂತನ ಮುಖ್ಯಮಂತ್ರಿಗಳು ಹೇಗೆ ನಿಭಾಯಿಸುತ್ತಾರೆ ಎಂದು ಕಾದುನೋಡಬೇಕು