ಬಳ್ಳಾರಿ ಸುತ್ತಮುತ್ತ ‘ಅಮರ ಪ್ರೇಮಿ ಅರುಣ್’ ಅಲೆದಾಟ

Team Udayavani, Aug 14, 2021, 4:04 PM IST

ಒಲವು ಸಿನಿಮಾ ಸಂಸ್ಥೆಯು ನಿರ್ಮಿಸುತ್ತಿರುವ “ಅಮರ ಪ್ರೇಮಿ ಅರುಣ್‌’ ಸಿನಿಮಾ, ತನ್ನ ಮೊದಲ ಸುತ್ತಿನ ಚಿತ್ರೀಕರಣವನ್ನು ಬಳ್ಳಾರಿ ನಗರದಲ್ಲಿ ಮುಗಿಸಿದ್ದು ಈಗ ಮತ್ತೆ ಬಳ್ಳಾರಿಯಲ್ಲಿಯೇ ನಡೆಯಲಿರುವ ಎರಡನೇ ಸುತ್ತಿನ ಚಿತ್ರೀಕರಣಕ್ಕೆ ತಂಡ ತಯಾರಾಗುತ್ತಿದೆ.

ಬಳ್ಳಾರಿ ನಗರದ ಪ್ರಮುಖ ಜಾಗಗಳಲ್ಲಿ ನಾಯಕ ಹರಿಶವಾರ್‌, ನಾಯಕಿ ದೀಪಿಕಾ ಆರಾಧ್ಯ ಸೇರಿದಂತೆ ಧರ್ಮಣ್ಣ, ಭೂಮಿಕಾ ಭಟ್‌, ಮಹೇಶ್‌ ಬಂಗ್‌, ಬಲ ರಾಜ್ವಾಡಿ, ರೋಹಿಣಿ ಅನೇಕ ಕಲಾವಿದರ ನಟನೆಯಲ್ಲಿ ದೃಶ್ಯಗಳನ್ನು ಚಿತ್ರಿಸಲಾಗಿದೆ.

“ಅಮರ ಪ್ರೇಮಿ ಅರುಣ್‌’ ಸಿನಿಮಾ ವಿಶೇಷ ಪಾತ್ರಗಳಲ್ಲಿ ಕರ್ನಾಟಕ ಜಾನಪದ ಅಕಾಡೆಮಿ ಅಧ್ಯಕ್ಷರಾಗಿರುವ ಪದ್ಮಶ್ರೀ ಜೋಗತಿ ಮಂಜಮ್ಮನವರು ಮತ್ತು ರಂಗಕರ್ಮಿ ಹುಲಿಗೆಪ್ಪ ಕಟ್ಟಿಮನಿ ಅವರು ನಟಿಸಿದ್ದಾರೆ.

ಇದನ್ನೂ ಓದಿ:ಎಸ್.ನಾರಾಯಣ ಆ್ಯಕ್ಷನ್ ಕಟ್ ಗೆ HDK ಬಂಡವಾಳ | ಮತ್ತೊಮ್ಮೆ ಒಂದಾದ ಹಿಟ್ ಸಿನಿಮಾಗಳ ಸರದಾರರು

ಚಿತ್ರಕ್ಕೆ ಪ್ರವೀಣ್‌ ಕುಮಾರ್‌ ಜಿ ಅವರ ರಚನೆ-ನಿರ್ದೇಶನ, ಪ್ರವೀಣ್‌ ಎಸ್‌ ಅವರ ಛಾಯಾಗ್ರಹಣ, ಕಿರಣ್‌ ರವೀಂದ್ರ ನಾಥ್‌ ಅವರ ಸಂಗೀತ, ನಿರಂಜನ್‌ ದೇವರ ಮನೆಯವರ ಸಂಕಲನ, ಮಂಡ್ಯ ಮಂಜು ಅವರ ಕಾರ್ಯಕಾರಿ ನಿರ್ಮಾಣ, ಜಯಂತ ಕಾಯ್ಕಿಣಿ ಮತ್ತು ಯೋಗರಾಜ್‌ ಭಟ್‌ ಅವರ ಸಾಹಿತ್ಯವಿದೆ.