ಮಲ್ಯ ಕಿಂಗ್‌ಫಿಷರ್‌ ಹೌಸ್‌ 52 ಕೋಟಿ ರೂ.ಗೆ ಮಾರಾಟ

Team Udayavani, Aug 15, 2021, 7:02 AM IST

ಮುಂಬಯಿ: ಭಾರತದ ಬ್ಯಾಂಕುಗಳಿಂದ ಸಾಲ ಪಡೆದು ವಂಚಿಸಿ ಲಂಡನ್‌ನಲ್ಲಿ ತಲೆಮರೆಸಿಕೊಂಡಿರುವ ಉದ್ಯಮಿ ವಿಜಯ್‌ ಮಲ್ಯ ಅವರ ಕಿಂಗ್‌ಫಿಷರ್‌ ಹೌಸ್‌ ಕಟ್ಟಡವನ್ನು ಹೈದರಾಬಾದ್‌ ಮೂಲದ ಸ್ಯಾಟರ್ನ್ ರಿಯಾಲ್ಟರ್‌ ಸಂಸ್ಥೆ 52.25 ಕೋಟಿ ರೂಪಾಯಿಗೆ ಖರೀದಿಸಿದೆ.

ಸುಮಾರು 150 ಕೋಟಿ ರೂಪಾಯಿ ಬೆಲೆ ಬಾಳುವ ಮನೆಯನ್ನು ಸಾಲ ವಸೂಲಿ ನ್ಯಾಯಾಧಿಕರಣ ಮಾರಾಟ ಮಾಡಿದೆ. 8 ಬಾರಿ ಹರಾಜು ಕರೆದರೂ ಉತ್ತಮ ಬೆಲೆ ಸಿಗದ ಕಾರಣ ಇದೀಗ ಕಡಿಮೆ ಬೆಲೆಗೇ ಮಾರಾಟ ಮಾಡಲಾಗಿದೆ.

ಕಿಂಗ್‌ಫಿಷರ್‌ ಹೌಸ್‌ ಮುಂಬ ಯಿನ ಛತ್ರಪತಿ ಶಿವಾಜಿ ವಿಮಾನ ನಿಲ್ದಾಣಕ್ಕೆ ಸಮೀಪದಲ್ಲಿದೆ. ಕಿಂಗ್‌ಫಿಷರ್‌ ಏರ್‌ಲೈನ್ಸ್‌ನ ಪ್ರಧಾನ ಕಚೇರಿಯಾಗಿದ್ದ ಈ ಕಟ್ಟಡ ಮಾರಾಟದಿಂದ ಬಂದ ಹಣವನ್ನು ಮಲ್ಯ ಭಾರತದಲ್ಲಿ ಬಾಕಿ ಉಳಿಸಿರುವ ಸಾಲಕ್ಕೆ ಮುರಿದುಕೊಳ್ಳಲಾಗುತ್ತದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.