125 ಗಿಗಾವ್ಯಾಟ್‌ ವಿದ್ಯುತ್‌ ಉತ್ಪಾದನೆ: ಖೂಬಾ

Team Udayavani, Aug 17, 2021, 7:30 AM IST

ಬೀದರ್‌:  ವಿದ್ಯುತ್‌ ಉತ್ಪಾದನೆಯಲ್ಲಿ ಈಗಾಗಲೇ ಸ್ವಾವಲಂಬನೆ ಸಾಧಿಸಿರುವ ಭಾರತದಲ್ಲಿ 2030ರ ವೇಳೆಗೆ ಸೋಲಾರ್‌, ನೀರು, ಗಾಳಿ ಮತ್ತು ಬಯೋಮಾಸ್‌ ಸೇರಿ ವಿವಿಧ ನವೀಕರಿಸಬಹುದಾದ ವಿದ್ಯುತ್‌ ಅನ್ನು 450 ಗಿಗಾವ್ಯಾಟ್‌ ಉತ್ಪಾದಿಸುವ ಗುರಿ ಹೊಂದಲಾಗಿದೆ ಎಂದು ಕೇಂದ್ರ ಸರಕಾರದ ನವೀಕರಿಸಬಹುದಾದ  ಇಂಧನ ಖಾತೆ ರಾಜ್ಯ ಸಚಿವ ಭಗವಂತ ಖೂಬಾ ಹೇಳಿದರು.

ನಗರದಲ್ಲಿ ಸೋಮವಾರ ನಡೆದ ಬಿಜೆಪಿ ಜನಾಶೀರ್ವಾದ ಯಾತ್ರೆ   ಕಾರ್ಯಕ್ರಮದಲ್ಲಿ ಅವರು ಮಾತನಾಡಿದರು. ಮೋದಿ  ಸರಕಾರ ಅಧಿಕಾರಕ್ಕೆ ಬಂದ ಮೇಲೆ  ದೇಶದಲ್ಲಿ  ಯೂರಿಯಾ ಕೊರತೆ ಎದುರಾಗಿಲ್ಲ. ಮುಂದಿನ 3-4 ತಿಂಗಳಲ್ಲಿ 4 ಕಂಪೆನಿಗಳು ಯೂರಿಯಾ  ಉತ್ಪಾದಿಸಲಿವೆ. ಇನ್ನು ಮುಂದೆ ಎಂದಿಗೂ ಯೂರಿಯಾ ಕೊರತೆಯಾಗದು. ನ್ಯಾನೋ ತಂತ್ರಜ್ಞಾನದ ಮೂಲಕ ಯೂರಿಯಾ (ಲಿಕ್ವಿಡ್‌ ಯೂರಿಯಾ) ತಯಾರಿಸಲಾಗುತ್ತಿದೆ. ಜತೆಗೆ ನ್ಯಾನೋ ತಂತ್ರಜ್ಞಾನದ ಮೂಲಕ ಡಿಎಪಿಯನ್ನೂ ಉತ್ಪಾದಿಸುವ  ಉದ್ದೇಶ ಸರಕಾರಕ್ಕಿದೆ   ಎಂದರು.