ಟೋಕಿಯೊದಲ್ಲಿ ಮುಂದುವರಿದ ಪದಕ ಬೇಟೆ: ಜಾವೆಲಿನ್ ಥ್ರೋನಲ್ಲಿ ಬೆಳ್ಳಿ, ಕಂಚು ಭಾರತದ ಪಾಲು

Team Udayavani, Aug 30, 2021, 9:42 AM IST

ಟೋಕಿಯೊ: ಟೋಕಿಯೊ ಪ್ಯಾರಾಲಂಪಿಕ್ಸ್ ನಲ್ಲಿ ಭಾರತದ ಪದಕ ಬೇಟೆ ಮುಂದುವರಿದಿದೆ. ರವಿವಾರ ಮೂರು ಪದಕ ಗೆದ್ದಿದ್ದ ಭಾರತ ಸೋಮವಾರ ಬೆಳಗ್ಗೆ ನಾಲ್ಕು ಪದಕಗಳನ್ನು ಗೆದ್ದು ಸಂಭ್ರಮಿಸಿದೆ.

ಜಾವೆಲಿನ್ ಥ್ರೋ ವಿಭಾಗದಲ್ಲಿ ಭಾರತದ ದೇವೆಂದ್ರ ಝಝರಿಯಾ ಬೆಳ್ಳಿ ಪದಕ ಗೆದ್ದರೆ, ಅದೇ ವಿಭಾಗದ ಕಂಚಿನ ಪದಕ ಭಾರತದ ಸುಂದರ್ ಸಿಂಗ್ ಗುಜ್ಜರ್ ಅವರಿಗೆ ಪ್ರಾಪ್ತವಾಯಿತು.

ಇದರೊಂದಿಗೆ ಟೋಕಿಯೊ ಪ್ಯಾರಾಲಂಪಿಕ್ಸ್ ನಲ್ಲಿ ಭಾರತದ ಪದಕಗಳ ಸಂಖ್ಯೆ ಏಳಕ್ಕೆ ಏರಿಕೆಯಾಯಿತು. ಇಂದು ಬೆಳಗ್ಗೆ ವನಿತೆಯರ 10 ಮೀ ಏರ್ ರೈಫಲ್ ಶೂಟಿಂಗ್ ನಲ್ಲಿ ಅವನಿ ಲೇಖರ ಚಿನ್ನದ ಪದಕಕ್ಕೆ ಗುರಿಯಿಟ್ಟರೆ, ಡಿಸ್ಕಸ್ ಥ್ರೋ ಸ್ಪರ್ಧೆಯಲ್ಲಿ ಯೋಗಿಶ್ ಕಥುನಿಯಾ ಬೆಳ್ಳಿ ಪದಕ ಗೆದ್ದಿದ್ದಾರೆ.

ಇದನ್ನೂ ಓದಿ:ಇತಿಹಾಸ ಬರೆದ ಅವನಿ ಲೇಖರ : ಚಿನ್ನಕ್ಕೆ ಗುರಿಯಿಟ್ಟ ಶೂಟರ್

ರವಿವಾರ ಟೇಬಲ್ ಟೆನ್ನಿಸ್ ವಿಭಾಗದಲ್ಲಿ ಭವಿನಾ ಪಟೇಲ್ ಬೆಳ್ಳಿ ಗೆದ್ದರೆ, ಹೈಜಂಪ್ ನಲ್ಲಿ ನಿಶಾದ್ ಕುಮಾರ್ ಬೆಳ್ಳಿ ಪದಕ ಗೆದ್ದಿದ್ದರು. ಡಿಸ್ಕಸ್ ಥ್ರೋ ವಿಭಾಗದಲ್ಲಿ ವಿನೋದ್ ಕುಮಾರ್ ಕಂಚಿನ ಪದಕ ಗೆದ್ದುಕೊಂಡಿದ್ದಾರೆ.

2⃣ Indians sharing the podium – you love to see it ?#IND continue their medal-winning run with #Silver for @DevJhajharia and #Bronze for @SundarSGurjar in the Men’s Javelin Throw F46 final. ?#Tokyo2020 #Paralympics #ParaAthleticspic.twitter.com/P9DBROJ4Zj

— #Tokyo2020 for India (@Tokyo2020hi) August 30, 2021

ದೇವೆಂದ್ರ ಝಝರಿಯಾ ಅವರು ಅಥೆನ್ಸ್ ಮತ್ತು ರಿಯೋ ಪ್ಯಾರಾಲಿಂಪಿಕ್ಸ್ ನಲ್ಲಿ ಚಿನ್ನ ಗೆದ್ದ ಸಾಧನೆ ಮಾಡಿದ್ದರು. ಇದೇ ಮೊದಲ ಬಾರಿಗೆ ಪ್ಯಾರಲಂಪಿಕ್ಸ್ ಆಡುತ್ತಿರುವ ಸುಂದರ್ ಸಿಂಗ್ ಮೊದಲ ಅವಕಾಶದಲ್ಲೇ ಪದಕ ಗೆದ್ದರು ಸಂಭ್ರಮಿಸಿದರು. ಝಝರಿಯಾ 64.35 ಮೀಟರ್ ದೂರ ಜಾವೆಲಿನ್ ಎಸೆದರೆ, ಸುಂದರ್ ಸಿಂಗ್ 64.01 ಮೀಟರ್ ದೂರ ಎಸೆದರು.