ಕಾಬೂಲ್: ಮೃತ ದೇಹ ನೇತು ಹಾಕಿ ಕಾಪ್ಟರ್‌ ಹಾರಾಟ ನಡೆಸಿದ ತಾಲಿಬಾನ್ ಉಗ್ರರು?

Team Udayavani, Sep 1, 2021, 10:27 AM IST

ಕಾಬೂಲ್: ತಾಲಿಬಾನ್‌ ಉಗ್ರರು ಅಮೆರಿಕ ಯೋಧರು ಬಿಟ್ಟು ಹೋಗಿರುವ ಬ್ಲ್ಯಾಕ್‌ ಹಾಕ್‌  ಹೆಲಿಕಾಪ್ಟರ್‌ಗೆ ಮೃತ ದೇಹವನ್ನು ನೇತು ಹಾಕಿಕೊಂಡು ಹಾರಾಟ ನಡೆಸಿದ್ದಾರೆ. ಈ ಬಗೆಗಿನ ವಿಡಿಯೋ ಬೆಳಕಿಗೆ ಬಂದಿದ್ದು, ವೈರಲ್‌ ಆಗಿದೆ. ಅಫ್ಘಾನಿಸ್ತಾನದ್ದು ಎಂದು ಹೇಳಲಾಗಿರುವ ಈ ವಿಡಿಯೋವನ್ನು ಪಾಶ್ಚಿಮಾತ್ಯ ರಾಷ್ಟ್ರಗಳ ಮಾಧ್ಯಮ ಸಂಸ್ಥೆಗಳು ಪ್ರಕಟಿಸಿವೆ.

ಇದನ್ನೂ ಓದಿ:ಪಂಜ್‌ಶೀರ್‌ನಲ್ಲಿ ಕದನ: 8 ಸಾವು; ತಾಲಿಬಾನಿಗಳ ಕೈಗೆ ಸಿಗದು ಯುದ್ಧ ವಿಮಾನ

ಕಂದಹಾರ್‌ ಪ್ರಾಂತ್ಯ ವ್ಯಾಪ್ತಿಯಲ್ಲಿಕಾಪ್ಟರ್‌ ಹಾರಾಟ ನಡೆಸುತ್ತಿದ್ದ ವೇಳೆ ಈ ಘಟನೆ ನಡೆದಿದೆ. ಹಾರುತ್ತಿರುವ ಹೆಲಿಕಾಲಿಪ್ಟರ್ ಕೆಳಗೆ ವ್ಯಕ್ತಿಯೊಬ್ಬ ನೇತಾಡುತ್ತಿದ್ದು, ಈ ವ್ಯಕ್ತಿ ಸಾವನ್ನಪ್ಪಿದ್ದಾನೆಯೇ ಅಥವಾ ಇಲ್ಲವೇ ಎಂಬುದು ಖಚಿತವಾಗಿ ತಿಳಿದು ಬಂದಿಲ್ಲ ಎಂದು ವರದಿ ತಿಳಿಸಿದೆ.

ಈ ವಿಡಿಯೋವನ್ನು ಯಾವಾಗ ಚಿತ್ರೀಕರಿಸಲಾಗಿದೆ ಎಂಬ ಮಾಹಿತಿಯೂ ಸ್ಪಷ್ಟವಾಗಿಲ್ಲ. ಆದರೆ ವರದಿಗಳ ಪ್ರಕಾರ ತಾಲಿಬಾನ್ ಉಗ್ರರ ಅಟ್ಟಹಾಸ ಅಫ್ಘಾನಿಸ್ತಾನದಲ್ಲಿ ಮಿತಿ ಮೀರಿದ್ದು, ಆ ವ್ಯಕ್ತಿಯನ್ನು ಕೊಂದ ಬಳಿಕವೇ ಹಗ್ಗ ಕಟ್ಟಿ ಹಾರಾಟ ನಡೆಸಲಾಗಿದೆ ಎಂದು ಹೇಳಿದೆ.

If this is what it looks like… the Taliban hanging somebody from an American Blackhawk… I could vomit. Joe Biden is responsible.

pic.twitter.com/muHLEi3UvK

— Liz Wheeler (@Liz_Wheeler) August 30, 2021

ತಾಲಿಬಾನ್ ಉಗ್ರರ ಜತೆ ಮಾಡಿಕೊಂಡಿದ್ದ ಒಪ್ಪಂದದಂತೆ ಆಗಸ್ಟ್ 31ರಂದು ಅಮೆರಿಕ ಸೇನೆ ಸಂಪೂರ್ಣವಾಗಿ ಅಫ್ಘಾನಿಸ್ತಾನದಿಂದ ನಿರ್ಗಮಿಸಿದೆ. ಅಮೆರಿಕ ಸೇನೆ ವಾಪಸ್ ಆದ ಬೆನ್ನಲ್ಲೇ ಉಗ್ರರು ಸಂಭ್ರಮ ವ್ಯಕ್ತಪಡಿಸಿರುವುದಾಗಿ ವರದಿ ತಿಳಿಸಿದೆ.