30 ಲಕ್ಷ ಖಾತೆಗಳಿಗೆ ವಾಟ್ಸ್‌ಆ್ಯಪ್‌ ನಿಷೇಧ

Team Udayavani, Sep 2, 2021, 6:50 AM IST

ಹೊಸದಿಲ್ಲಿ: ಫೇಸ್‌ಬುಕ್‌ ಒಡೆತನದಲ್ಲಿರುವ ವಾಟ್ಸ್‌ಆ್ಯಪ್‌ ಜೂನ್‌-ಜುಲೈ ಅವಧಿಯಲ್ಲಿ 30,27,000  ಭಾರತೀಯ ಗ್ರಾಹಕರಿಗೆ ನಿಷೇಧ ಹೇರಿದೆ.

ಕೇಂದ್ರ ಸರಕಾರ ಇತ್ತೀಚೆಗೆ ಬಿಡುಗಡೆ ಮಾಡಿದ್ದ ಮಾಹಿತಿ ತಂತ್ರಜ್ಞಾನ ನಿಯಮಗಳ ಅನ್ವಯ ಕಂಪೆನಿ ಈ ವರದಿ ಸಲ್ಲಿಸಿದೆ. ಜೂ.16ರಿಂದ ಜು.31ರ ಅವಧಿಯಲ್ಲಿ ಒಟ್ಟು 594 ದೂರುಗಳು ದಾಖಲಾಗಿದ್ದವು.  ಈ ಪೈಕಿ ಅಕೌಂಟ್‌ ಸಪೋರ್ಟ್‌ ವಿಭಾಗದಲ್ಲಿ 137, ಬ್ಯಾನ್‌ ಅಪೀಲ್‌ನಲ್ಲಿ 316, ಇತರ ವಿಚಾರಗಳಿಗಾಗಿ 45, ಪ್ರಾಡಕ್ಟ್

ಸಪೋರ್ಟ್‌ನಲ್ಲಿ 64, ಭದ್ರತೆಗೆ ಸಂಬಂಧಿಸಿದಂತೆ 32 ಕೇಸುಗಳು ಬಂದಿದ್ದವು. ವರದಿಯಲ್ಲಿ ಉಲ್ಲೇಖೀಸಿರುವ ಪ್ರಕಾರ 74 ಖಾತೆಗಳ ವಿರುದ್ಧ ಕ್ರಮ ಕೈಗೊಳ್ಳಲಾಗಿದೆ. ದೂರುಗಳ ಬಗ್ಗೆ ಕ್ರಮ ಕೈಗೊಳ್ಳಲಾಗಿದ್ದರೂ, ಅದನ್ನು ಪರಿಗಣಿಸಿಲ್ಲವೆಂದು ವರದಿಯಲ್ಲಿ ಹೇಳಿಕೊಳ್ಳಲಾಗಿದೆ. ಮಾಹಿತಿ ತಂತ್ರಜ್ಞಾನ ನಿಯಮಗಳು ಮೇ 26ರಿಂದ ಜಾರಿಯಾಗಿವೆ. ಇದೇ ವಿಚಾರಕ್ಕೆ ಸಂಬಂಧಿಸಿದಂತೆ ಕಾನೂನು ಹೋರಾಟವೂ ನಡೆದಿತ್ತು.